بالفيديو – الشماس موريس خوري: نازلين بمشروع ليلى نقاطع مهرجانات جبيل.. وننزل نصلّي مسبحتنا بالشارع

– واضح إهانتن للمسيح وعبادتُن للشيطان.. نسجّل موقف بالصلا وربنا يصطفل بالمدينة.. لك يا رب تسامح أو تعمل سدوم وعمورة..

***

مقتطف من مقطع صوتي للشماس موريس خوري بخصوص “مشروع/مهزلة ليلى” موزّع على وسائل التواصل الإجتماعي: (26 تموز 2019)

https://youtu.be/XrRycSakyw4

• سلام الرب يسوع بقلوبكم
  خيكم الصغير الشماس موريس خوري،
  حول مشروع ليلى، مشروع السودا والسواد، طبعاً عَم يهينو ديننا ومعتقداتنا وربنا يسوع.. ونحنا منرفضا تماماً
• هني كل إنسان حرّ بحالو.. بحب يكون شاذ أو طبيعي.. أو يعبد الشيطان الله اللي بحاسبو، وبيصطفل فيه..

إنما 

• بدُن يعملو حفلة ويسبو علناً ويهينو علناً.. علينا بالمقابل نصلّي..
• مش رح نوقفُن بالعنف..
  بدنا نعترض
  يمكن نوقف..
  وشخصياً بِدعي كل واحد يِحمِل مسبحتو ويصلي بهيدي الليلة، واللي فيه يروح عَ جبيل ويوقف عَ الطريق قريب منُن، أو بعيد شوي، نحمل مسابحنا وصلباننا.. ونصلي لربنا يسوع الأبانا والسلام..
• أكيد بكون صوتنا أعلى لأنو صوت الحق دايمأً أعلى وبيوصل لَ لله
  وصوتُ، أ ما يعلا رح يضل واطي، لو عندُن “بافلات”…
  إنما صوت القلب والتِم أقوى من أي “بافل” وبيوصل لربنا..

بدّي

• شبّه المنظر بعيد مار الياس، طالما نحنا قراب من عيدو
  قلُن لماذا تَعرجون بين الفرقتين؟؟ إن كان الرب هو الله فاعبدوه، وإن كان بعل هو الله فاعبدوه..!!
• هني إختاروا يعبدو البعل.. بأغانيهم إختاروا عبادة الشيطان، نحنا مختارين نعبد ربنا، ورح نوقف فرقة بمكان وفرقة بمكان.. والله هوي اللي بِشوف، ويللي بدو يحاسب..
• الجماعة عم يهينو الله مزبوط نحنا نحمل مسابحنا وصلاتنا

بس في شغلة مهمة

• كلنا عَم نِحكي عن مشروع ليلى، وناسيين الناس يللي جايبينُن..!!
• لجنة مهرجانات جبيل هيي اللي جايبتُن.. انا أدعو مش تقاطعو هيدي الليلة، قاطعو كل مهرجان جبيل، حتى يعرفو هالجماعة انو عاملين غلط…
• انا كنت ناوي متل كل سنة روح انا وعيلتي نتمشّى.. مقاطع هيدي السنة الشماس موريس خوري ما رح يروح.. وما رح إشتري وما رح إدفع مدينة جبيل لأنو حطت هيدي الحفلة..
• مفروض التجار هني يقومو ويوقفو هيدي الفرقة…
  قاطعو قاطعو مهرجانات جبيل.. أحسن شي منعملو
  منحمل صلباننا مزبوط ومنصلي.. ونقعد بالشارع..
  معليه خلّو العقاب يكون عَ الكل.. إجت هيدي السوسة الشيطانية الكل بيتسوّس.. الضرس صار كلّو بدّو شغل..

رأي خاص ولا ألزم أحد.. وأنا رح إحمل صليبي ومسبحتي وصلّي الأبانا والسلام بنص الشارع..

بدّي سجّل موقف إنو نحنا عم نصليلَك يا رب هون وانتا بتصطفل بقا بالمدينة وبأهلها.. لك ما لك يا رب، يا بتسامح أو متل سدوم وعمورة… إنتا بتصطفل بهيدي القصة شو بدو يصير..