بالفيديو – أبونا تاودروس داود لفعاليات جبيل ونوابها ورجال الدين: لا تستقبلوا “مشروع ليلى” الشيطاني والمهين لمقدساتنا!!

– حكو برواق وبهدوء.. أرضنا منها ملك الشيطان، عملو يللي بعيد.. لاحقينا بولادنا.. 80 % من بيحضرو هيك حفلات بيطلع مغسول مخُن..
– عَم يِربَحوا مش لأنو كتار، عَم يربحو لأنو كتار ساكتين (Agoraleaks)

***

https://youtu.be/VLPVPyYhLKA

رسالة أبونا تاودروس داود، لفعاليات ورجال دين جبيل والمؤمنين حول إستقبال مهرجانات جبيل الدولية فرقة “مشروع ليلى” المسيئة للمسيحية ومقدسات المؤمنين: (تموز 2019)

(1) رجاء
– أقبّل كل يد من أهالينا بجبيل.. جايي لعندكم مشروع شيطاني.. مجموعة من الشباب مسمايين حالُن “مشروع ليلى”، وهيدا مشروع ليل..
– يا أحبا وخصوصي شباب وصبايا أهالي جبيل، والجمعيات وكهنة جبيل.. أقبّل أياديكم شخص شخص.. أوعا تسمحو لأرضكم تدنّس بِ 9 آب.. 👍
– روحو قروه عن “مشروع ليلى”.. هودي شباب اختارو الشذوذ لحياتُن بكل معانيه.. والأخطر بالموضوع هوّي التهكّم عَ مقدساتنا.. صورة العدرا شالولا راسا وحطو محلها مادونا.. في صور الُن قاعدين بالتابوت ومقبرة وماسكين الصليب بسخرية وفيها إيحاءات جنسية بين رجل ورجل.. 😏
– ولو يا بلدية ويا وزارة الثقافة.. ولو يا وطن ويا كهنة ويا كنيسة.. هالقد نحنا مُستباحين..

(2) موقف الكنيسة
– ما الها بخيارات الناس.. هلق حدا بقلي: شو بدك بالعالم..⁉ يكونو شاذين جنسياً ولواطيون..⁉ نحنا النا علاقة نشرح كلمة الله ونقول لولادنا… شو بدكم تكونو كونوا..👌 بس إذا كنتو للمسيح ما فيكم تكونو الاّ مع يللي بقولو المسيح..
– وصية المسيح بكتاب المقدس يقول: مضاجعو الذكور لا يدخلون ملكوت السمَوات.. أنا ما فيي غيرها كرمال إرضي الناس👌 منها ملِك بيّي.. 👍
– عمال شو ما بدك.. بس ما تلبسو للكنيسة ✔ إذا عَم تقول إنتا مسيحي.. عَم قلك شو بقول المسيح، وانتبه عَ خلاص نفسك 💯

(3) ترويج
– هلق أسياد العالم عَم يروجو لهالفكر بشتى الطرق… من ضمن الكنيسة وبمناهج التعليمية، وبالتلفزيون والموسيقى، وبالأغاني والموضة.. 😉
– فرقة “مشروع ليلى” وين ما راحت عَم تركّز على الجيل الجديد.. يا أخي ما عندا شي مهم إنّو تعرضو 😉 عَم تشرّع إذا بدكم:
* فيك تدخّن..
* فيك تشذّ..
* فيك تمارس..
* فيك تسكر..
* فيك تحشّش..
* فيك تنكر الله..
لوين رايحين نحنا.. ‼ الأمر وما فيه.. بتواضع وأنا آخر ناس، من أقدس منطقة (وادي قنوبين) إنتو الأكترية وإذا فرَطِت القصة، فرطِت عَ الكل.. 💯 هيدي كرامتكم، وكرامة قديسيكم بجبيل..👍

(4) سؤال ⁉

– هالشخص اللي اختار طريق الشذوذ.. ليه عَم تتعدّى عَ كرامة المقدسات والمسيح ❓
– ليه التباهي بعبادة الشيطان ❗ راقبوهن.. تهكّم عَ المسيح، والمقدسات، وإنّو بخصّو الشيطان 😏
– عملو يللي بدكُم ياه.. هالشخص الأمين يللي عندو ضعف ومرض.. ليه عَم تعادي المسيح..⁉ وتتهجّم عَ بلادنا وعلى ما تبقى لدينا كجماعة مسيحية بهالمشرق⁉

(5) نداء للمواجهة
– يا مؤمنين.. عَم تِعملو مسيرات بالآلاف حتى تزورو مار شربل، وتكرموه.. نزلو مسيرات بالـ40 ألف وما تسمحو لحدا يدنس أرض جبيل.. ومحيطكم ودينكم..؟؟
– نحنا ما النا غير هالبلد.. وين بدنا نروح..⁉ غصبن عن رقبتنا بكندا القوانين عم تتنفّذ.. هربنا عَ بلادنا عَ الجبال.. شو بدُن منّا..😏 ما تتركوهم يربحو بالسلم يللي ما قِدرو عِملو بالحرب.. 👌 وهوي تهجيركم من أرضكم وربكم وكنيستكم وإيمانكم.. حتى يلبسوكُم إيمان جديد 😔
– مشروع ليلى، هوي مشروع ليل.. الظلمة البرانية.. هودي ناس يشرعّون الخطيّة والمعصية وعَم يشجعو التجديف.. بالفيديوهات تبعُن تكريم للشيطان.. وهيدا الأمر موجود بالغرب، في كتير فرق يسمّوا حالُن “underground”.. وهنّي يروجون لمشروع الشيطان ويتهكمون بالمقدسات تبعنا.. ولكن نحنا منّا مكسر عصا.. 😉
– أتوجّه للسياسيين بجبيل، وللدينيين بجبيل، وللمعنيين وفعاليات حكو برواق وبهدوء.. وإذا ما رَح يِقبلو هيدا الشي لازم يُمنع.. أرضنا المقدسّة منها ملك الشيطان ولا عبيدو، ولا ملك يللي خطّط يجيبُن.. ونحنا وإنتو بتعرفو مين سيّد العالم، ومين مستلمو، وكيف عندو أتباع ببلادنا إن كان بالسياسة او بالكنيسة.. 😔

باسم يسوع المسيح وكرامة الكنيسة والعدرا عملو يللي بدكم ياه برّا وبعيد.. لاحقينا عَ قلب بيوتنا، وعَ قلب ولادنا.. 80 % من يللي بيحضرو هيك حفلات بيطلعو مغسول مخُن..