بالفيديو – رولان خوري يتحدّى جورج صليبي.. بدي أتطلع بسيدة حريصا، بكازينو لبنان لا هدر نحنا ناس عنا أخلاق

– بعض النواب بيتحمسو بالمباشر، يوقفو “طق حنك”، يمكن البعض معوّد عَ بيئتو فيا هدر..

***

مقتطف من حديث رئيس مجلس إدارة كازينو لبنان رولان خوري، لقناة “الجديد”: (21 تموز 2019) 

(1) الإيجابية
– بلبنان السايح في كتير قصص بيِقدِر يِجي الها 👍
– بس عَ طول في نوع من السلبية، للأسف النواب بجلسة الموازنة عطو صورة سلبية عن البلد.. 😔

* جورج صليبي: لكن أحيانا في وقائع بشعة، ما فيك تتغاضى عنها.. شو بدك تِحمِل الفرشاية⁉
* رولان خوري: لاق ما تِحمِل الفرشاية وتغطّي.. بس ما تضلك حامِل المهدّة وتهدم 🤔 في بمطرح لازم نشوف الإيجابية

(2) استراتيجيا
– لبنان صار بدو استثمارات جديدة
– اليوم سياحة دون إستثمارات لمواكبة السياحة العالمية أمر مستحيل
– كازينو لبنان الو 20 سنة مش عامِل إستثمار جديد
– حالياً الجو كتير منيح بالكازينو، وعدد السواح عَم يتكاثر.. وناطرين عدد اكبر.. والأرقام تشير الى إنّو شهر آب رح يكون ممتاز

(3) الأسف 😏
– آسف إنو بمجلس النواب، بيستخدمو “كليشه” الهدر، ويقحمو “كازينو لبنان”.. 😏 يا شباب الهدر بالبلد منها وجهة نظر ⁉ النا وين الهدر❓

* جورج صليبي: كنا بالسابق نسمع عن صناديق سودا ⁉ في موروث معيّن ما بتقدر تِمحيه من بال الناس بلحظة❓
* رولان خوري: كل الناس بتعرِف انو بكازينو لبنان ما في هدر، وكل السياسيين عندُن ناسُن بقلب الكازينو وبيعرفو ما في صناديق سودا وما في هدر

– بعض النواب بيتحمسو أمام التلفزيون والمباشر..
– اللي بيزعجك أكتر، إنّو ما حدا بدق يسأل..⁉
– لازم يفهمو النواب، إنّو في جيل جديد بلبنان مآمن بلبنان، وهوي عصامي وآدمي وما بيسرق.. وهيدا الجيل مش اليوم مبلش بالشأن العام.. هيدا الجيل تظاهر وقاتل، وموجود بالمجلس النيابي، وبالإدارات
– لازم نقلن.. وقفو طق حنك.. بكازينو لبنان لا هدر.. أي نائب عَم يِحكي عن الهدر سببو إنو بيئتو فيها هدر..

* جورج صليبي: ليوم رولان خوري بيِقدِر يطلّع بالكاميرا وتتحدّى أي حدا بِقول في هدر بالكازينو❓
* رولان خوري: أنا بقول ما في هدر.. وما بدي أتطلع بالكاميرا، بدي أتطلع بسيدة حريصا، وهيي بتعرف وكل لبنان بيعرف ما في هدر، لأنو نحنا ناس عنا أخلاق مربايين..

https://youtu.be/4QHBpk4UGyg

(رئيس مجلس إدارة كازينو لبنان – الجديد ؛ 21 تموز 2019)