بالفيديو – اذا عَم يقوى باسيل مسيحياً يروحو يكبو حالُن بالبحر 😁 أنا عَم وعّيهم وإستند عَ وقائع 😀❓

– باسيل مفلّت عن العهد عم يطبق سياسة برّا ليجي رئيس وياخود شعبية مسيحية

***

مقتطف من حديث النائب في كتلة الجمهورية القوية وهبه قاطيشا، لقناة “الجديد”، ضمن برنامج “الحدث”: (10 تموز 2019)

(1) باسيل
– كل خطاباتو تغلّب المشاعر على العقل..

س – كاترين حنا: لكن ألم ينجح باسيل بزيادة شعبيتو مسيحياً ❓
قاطيشا: آه.. إذا انا من عكار ومزوّج من كسروان، صدقيني إذا بِنزِل عَ جونية وبِعمُل خطاب مشاعري مسيحي صرف.. تلات أرباع جونية بيلحقوني.. بس شو بكون عَم إعمل❗

س: لكن التيار يعيد للمسيحيين مراكز كان يتحكم بها غير المسيحيين‼
قاطيشا: وَعدونا الأمن بدنا نردّو.. شو عِملو.. هات تنشوف.. عباس إبراهيم اللي منحبّو ومنحترمو ليه ما غيروه 🤔

س: عم تقول إنو باسيل عَم ينفّذ أجندة خارجية، من مين❓
قاطيشا: إيران والنظام السوري..

س: لكنو صهر رئيس الجمهورية.. هل هذا الكلام ينسحب على الرئيس عون❓
قاطيشا: لاء.. نحنا نميّز..

س: لكنهم في كتلة العهد❓
قاطيشا: وإذا هوي رئيس كتلة العهد، ما في يكون مفلّت من كتلة العهد، وبيِعمل السياسة اللي بدّو ياها..!! ممكن..!! ولكن بس رئيس الحزب بِروح ينفّذ أجندة إنو شو المعتّر الحزبي ما بكون بيَعرِف شو عَم يِعمِل..

(2) س: لأي هدف باسيل يطبّق أجندة خارجية⁉
قاطيشا: بيطلع بالخطاب المسيحي العالي، وبياخود نواب مسيحيين كتير على المشاعر، وبيستهدف القوى الإستقلالية حتى يرضي الأخ برّا.. وبكرا المنصب الأول بكون الو..

س: مش عَم تقووا للوزير باسيل❓
قاطيشا: أنا عَم وصّف للمسحيين خاصة.. إنو شوفو وين آخدكم‼ إذا هيدا بقويّه معناتا المسيحيين يروحو يكبو حالُن بالبحر 😁 إذا بدُن يرجعو لمرحلة الوصاية وما بيعمِل رئيس جمهورية الاّ ما يرضا حاكم الشعب، شو بِعمِلهُن.. بكونو رايحين عَ المهوار ، أنا عَم وعّيهم وعَم وصّف وإستند عَ وقائع 😀

https://youtu.be/qKPFof0cFZI

(الحدث – الجديد، 10 تموز 2019)