بالفيديو – مواطن طرابلسي يكشف تهديد باسيل لزعما لبنان.. يا ريت عنا شخص متلو بتمنى يقبلني بالتيار..

– زعما حثالة البشر صورونا إرهابيين.. التيار ما برقبتو دم.. هالتيار إذا مسك لبنان كلو بصير متل أميركا.. 

***

مقتطف من حديث مواطن طرابلسي مرحّب بزيارة رئيس التيار الوطني الحر جبران باسيل، في معرض رشيد كرامي: (6 تموز 2019)

– عملولو دعاية لوزير جايي لمنطقة لبنانية، وحضرنا خطابو.. ومش عارفين ليه ما بدُن ياه❓
– ساعة بيحكو بالطائفية، وانو بيحكي (باسيل) بلحم الخنزير.. يعني نحنا مناكول لحم خنزير وإنتو كلو عضم.. 😉 هيدي الإشاعات اللي عَم تطلع.. 😔
– أنا شفتو وحكيت معو، وقلتلو أنا أول معارض كنت الك.. بس ما تسألني ليه؟؟ بس سمعت خطابك وشفتك، أثبتلي مع إحترامي لكل السياسيين بالبلد… يا ريت عنا بطرابلس زعيم متلك جريء..

س – راشيل كرم: ما كنت تعرفو؟؟ وليه كنت تكرهو أو ما تحبو..!!
– هلق صرت بحسدُن الن.. يا ريت عنا زعيم قوي متلو هيك..!!! أول شي بياخدلنا حقوقنا.. وتاني ما بيعمل من طرابلس اهلا إرهاب..

– إجتنا فرصة 5 وزرا موجودين بطرابلس، ما عملو شي؟؟ وهلق طرابلس عايشة تحت الصفر.. وبردو صابرين..

– إذا بكون عنا زعيم متلو.. بتمنّى يقبلني بالتيار تبعو، وعيلتي كلها سوا.. إذا التيار بدافع عن أهل السنة 😉
– بس بفوتو السياسة بالدين وبيلعبو بعقولنا.. وهيدا سبّ النبي وهيدا سبّ المسيح.. نحنا منحب النبي والمسيح وكل الطوائف، وأهل طرابلس مع كل الطوائف..

– ما يزيدوها علينا بالخطابات السياسية الإنتخابية.. وفايت بالجيش وبالنصر عَ طرابلس.. لاق إنتو اللي خليتو يفوت بهالطريقة، وإنتو فرجيتو طرابلس إرهاب.. كلكن إنتو حثالة البشر.. ليه؟؟ لأنكم شوهتو سمعتنا قدام الناس..

– أهل طرابلس أهل محبة، وسلام.. ما بدنا صورة “سلفي” ولا شي.. بدنا نشتغل..

س : راشيل كرم: ليه عَم تبكي❓

– لأنو ما في زعيم صدق معنا… نحنا أهل طرابلس أوفياء، بس زعيم ما في.. نحنا بدنا زعيم متل جبران باسيل.. هيدا اللي إجا لهون لازم يحملو من أول طرابلس لهون، وكان ممنوع يطلع بالسيارة.. (أنا ما بعرفو، وأوّل مرة بشوفو)))

– هيدا زلمي، لو ما إجا عَ طرابلس، ما كان زلمي.. لأنو بيعرف شعب طرابلس وهوي إبن طرابلس… منا إرهابيين نحنا، شوهتو صورتنا قدام كل الناس.. بكفّي.. لو بحبونا (سياسيي طرابلس) كانوا عملولنا شي.. 21 جولة قتل وسكتو عنا كلها سوا، وتشردت الناس.. ليه؟؟

https://youtu.be/So9zSEW_f4A

(معرض رشيد كرامي؛ زيارة رئيس التيار جبران باسيل؛ 6 تموز 2019)