بالفيديو – مصباح الأحدب يحتقر حالو.. ليحرّض..

– مصباح الأحدب.. أنا بشتغل عن݊دك عتّال.. فايت تستعمر طرابلس.. 

***

النائب السابق مصباح الأحدب بمقطع فيديو (مقيت) على صفحته الخاصة:

• نتساءل شو جايي يعمل جبران باسيل بطرالس؟
  بتقلي وزير لبناني جايي عَ اراضي لبناني، عَ راسي..
  بس نحنا ولاد طرابلس هوي بيعتبرنا بيئة حاضنة للتكفير، وبيعتبرنا إرهابيين، وولادنا مستبحين وحاطينُن بالسجون، ووئام وهاب بقول “عيب عليكم، بقا”.. حلولُن مشكلتهم، وزعمائنا ما بيحكو ولا كلمة..
• لوين فايت جبران باسيل، عَ منطقة معتبرا مستباحة وإنو الو..
  فايت يستعمرها ومنتصر
  لاء بكل صراحة منقلك معالي الوزير انتا المنطقة بتعرِف قديه بتحتقرا، ونحنا منحسّ قديه بتحتقرنا، وبأكدلك إنو طرابلس بل طوائفا بتحتقرك أد ما بتحتقرا
• طرابلس عاصمة الثقافة، والعراقة، وعندا تاريخ مشرّف
  تاريخا هوي تاريخ الإنفتاح، والعيش المشترك والتعددية،
  هيدا التاريخ ما بحبّ التطرّف، والتعصب،والحقد الدفين
• انتا فايت حتى تقول عم تدافع عن حقوق المسيحيين بلبنان.. عم تحط المسيحي بمواجهة لأنو عَم تخلق أجواء مسمومة بالبلد..
• بقولو “الفتنة نائمة، لعن الله من أيقظها”
  ما بدنا ننسى العلويين شريحة أساسية من طرابلس..
  إذا زملائك بطرابلس غافلين عن الموضوع، انتا كزعامة وطنية ما مفروض تلاقيلُن حل، أو بنا ننطر بشار الأسد يبعتلُن حل..!!
• وين حقوقُن من التوظيف؟
  وين الأمان تبعُن؟؟
  وين إنو تدمج المجتمع حتى نصير منطقة إقتصادية؟
• انتو عندكم دولة إقصائية.. يعني إنتا بتاخود كلشي، وأنا بشتغل عنك عتّال.. شو جايي تقلنا تعو فوتو معي بالحزب، وأنا بضمنلكم ما بتفوتو عَ السجن،وبالمقابل بشغلك عتّال.. لاء إبن طرابلس من هيك..
• اليوم إنتا شادد ضهرك بالزعامات يللي أساساً ما جابو كلُن بالإنتخابات الفرعية عَ بعضن 8%.. إنتا عم تستبيح طرابلس وطائفي ومتطرف ومغتصب داخل عَ مدينة، أساساً عندا تاريخ تعددي، وتتمسك فيه.. وما بتحب البغض والعنصرية والطائفية..

https://youtu.be/OrTkj_uUT4k