بالفيديو – سعود: ما كان في كمين واحد كان في 16 كمين وإتصال شهيب حتى يصطادو موكب باسيل وبو صعب (التفاصيل)

– اللي قاعد وما معو خبر شي، يسأل: شو صار قبل ما يكتب فتنة متنقلة..

***

مقتطف من حديث الإعلامي غسان سعود، لقناة الـ”OTV”، ضمن برنامج “حوار اليوم”: (3 تموز 2019)

إستئثار جنبلاط

• ممنوع يتعيّن مطران بالشوف من دون رضى المختارة
• ممنوع يتعيّن مدير مصلحة ماي وعنصر بمخفر من دون إذن جنبلاط
• المسيحي بالشوف وعاليه بدو ياهُن جنبلاط، أي شي بدُن ياه المسيحية، لازم يجو لعندو ياخدوها..

توتر جنبلاط

• وليد جنبلاط موتّر كتير من وزير من عاليه النائب سيزار خليل إشتغل (وجنّ جنونو) ليه عم يضوي الشوارع، وفي ضيع مش واصلها الكهربا من يوم التهجير..

الحقد

• الأسوأ من هيدا الشي، في ناس يبررون له.. ويقولون “جبران متنقلة”.. وجبران وجبران.. أكتر شي مستفزّ هوي هيدي المواقف.. لأنها تُبرر يصير في قتل.. وتبرر يصير القواص.. ويُقطع موكب وزير خارجية لبنان… ونحنا منَعرِف إنو ما كان بالموكب فقط وزير خارجية لبنان كان أيضاً وزير دفاع لبنان..

الكمين

• ما كان في كمين واحد،
  كان في 16 كمين،
  الوزير (أكرم شهيب) إتصّل قلهم روحو..
  هون بيظهّر خطورة هالشي..
  شخص بقلّك روح.. وبالوقت عينه في 16 كمين..
  هالقد كان فيشي مدروس بشكل جديّ وخطير…
• كنا رحنا عَ أكبر جريمة سياسية يمكن يشوفها بالعين المجرّدة.. بكمين محضّر ومسلّح وأخطر شي معركة عم تصير، وجنبلاط مسكّر خطو.. يعني إذا مدير مخابرات بدو يتصّل أو وسيط بدّو يحلحل الأمور، جنبلاط مسكّر خطو..
• المسلحون أقفلو الطرقات، ورموا المازوت لتزحّط السيارة..

أكرم شهيب

• أكرم شهيب لعب دور ميداني، عَ الأرض خطير جداً.. لازم شهيب ينجاب وينسأل: “كيف بتقول للجماعة كفّو طريقكم”.. وإنت شايف المسلحين والمازوت عَ الطريق.. كيف بدنا نتعامل مع أكرم شهيب.. (وعم يحضّر لمقتلك)

الحقد 

• تلت سكان الجبل بدّو يسمع بهدلة كل النهار، وبدو يتخبّرو إنو إنتو نعَمَل فيكم.. وبالمقابل المعركة الوحيدية اللي هني خسرانين فيها، ممنوع تجيب سيرتها، ممنوع نذكر سوق الغرب ولا من قريب ولا من بعيد حتى من الدروز يللي معك..
• أنا مع مراعاة بعضنا.. طيّب جبران باسيل بلا ما تذكر سوق الغرب… بس التاني مش عَم يسكت!! التاني بسخفّلك شهدائك..؟؟
• بدَل ما تكون ردود الفعل عند اي وزير أو أي مسؤول.. شو صار؟؟ ويللي قاعد ببنشعي ما معو خبر شي؟؟ لازم يسأل: خبروني شو صار!! يطلب من القوى الأمنية تقرير، قبل ما إكتب فتنة متنقلة..
• مش قاريين جبران باسيل شو حاكي..!!
  يللي عم يقول عن جبران باسيل عنصري قري شو قال جبران باسيل..
  حاكي عن العيش المشترك.. والشراكة الحقيقية..

جنبلاط يرفض الشراكة

• وليد جنبلاط، في جملة لا يقدر أن يسمعها: الشراكة..
  وليد جنبلاط لا يهمه سوق الغرب.. الشراكة هيي المشكلة عندو..
  وليد جنبلاط بدو نواب متل عدوان، بس بدن يعينو شرطي بمخفر، بدن يسألو جنبلاط، بس بدُ، يرممو مستشفى بدُن يسألوه..
  وليد جنبلاط كلمة شراكة تستفزّه.. وإنو يشوف الزعامة المسيحية متل عهد العماد عون، يللا بتمرق.. ومنرجع نجيب رؤسا للجمهورية، متل نعمة طعمة،وهنري حلو.. متل اللي مسلمين بالطاعة الجنبلاطية..
  آه في صعود لجبران باسيل

https://www.youtube.com/watch?v=UGNn3ZSC3ic