– يسوع عطا كامل النعمة لإمّو حتى تهتمّ بولادا لتوصلنا عَ شاطئ الخلاص (يسوع)

* ♰ *

مقتطف من عظة الراهب المريمي الأب مروان خوري، في قداس السلام في ذكرة 38 سنة على ظهورات العدرا بمديوغوريه؛ “الإنتصار على الروحية”: (26 حزيران 2019)

(1) مدرسة العدرا.. الذهاب الى يسوع..
♰ رجاء خاص نستجيب لنداء يسوع من عَ الصليب، تكون العدرا حاضرة بحياتكم ومشاكلكم، وبوسط معارككم
♰ معا هيّي بتعلمكم حتى ما نضيّع يسوع من حياتكم، ومعا كل الإيام الصعبة بتترطّب وبتهون، وفعلاً منحسّ بالأمان بجنبا..
♰ الله عطاها كامل النعمة يسوع، حتى تهتمّ بأبنائها وتصل بهم الى شاطئ الخلاص
♰ العدرا سلمتنا كذا سلاح، حتى نواجه فيها الإيام الصعبة، ويوم عن يوم لغة الحرب عَم تكبر.. والشيطان عَم يكبّ سمّو عَ الكنيسة ، وعَ الكهنة، وعَ المؤمنين، وعَ الرهبان.. وبالخفاء (بلا ما يبيّن وجهو) عَم يحاول يِخلق التشرذم والضياع عند المؤمن، حتى يحط إيدو من جديد عَ نفوسنا..
♰ ما بدنا نضيع، بدنا نتعلّم من العدرا.. كيف نتواجه بالحروب الروحية، وكيف مننتصر..

(2- مدرسة العدرا.. الذهاب الى الروح القدس)
♰ كلنا عَم نقطع بصعوبات.. وبليالي سودا.. وما بعرِف شو اللي ناطرنا؟؟
♰ بدنا نكتّر قَعداتنا مع الأم.. وأكتر نفتح قلبنا حتى نتعلّم كيف نعيش الأمانة ليسوع، ونقوى بالإيمان حتى نكفي مسيرتنا الى النهاية..
♰ مريم مستعدة، وفاتحة قلبا وإيدَيها ليل ونهار حتى تستقبلنا، وتسمعنا.. المهم يكون عنا قلوب مفتحّة الها، ونسمعلا، ونطلب النصيحة منها، وما نتسرّع كتير بالقرارات حتى ما نِندَم بقرارات أخدناها من دون صلا واستلهام..
♰ الجواب عن صعوبات حياتنا مش موجود عَ الأرض.. ولا بحكمة الناس.. وبوقت صعوباتنا للأسف منسأل شمال ويمين، وبيعطونا الجواب الغلط.. وبزيد الحزن بقلبنا وضياعنا وسقطاتنا بتِكتَر..
♰ عطانا الرب قائد أن يقود مسيرتنا.. والعدرا بتَوصينا إنّو نِرجَعلو.. كتير حاكية برسائلها بمديوغوريه، عن الروح القدس، أن نستلهمو خاصة بالأمور اللي بِتكون مفصلية بحياتنا..
♰ تلميذ يسوع لازم يتحلّى بالصبر، وبالصلا، وبالسماع وبعدان بكوّن الو فكرة شو القرار الأنسب..

(3 – مدرسة العدرا.. يسوع سورَك.. )
♰ أوقات الشرير بهددنا وبهدّد وجودنا، ودعوتنا.. منهرب.. ومنعتبر يمكن إنّو الهريبة هيّي الحل.. ما ننسى الروح اللي عطانا ياه الرب يجعلنا سيّد ومالك القرار والكلمة الك..
♰ بالنهاية كلمتك رح تربح، وقرارك رَح يتنفّذ.. بس هالشي بدّو إيمان.. الصعوبة هيي ما تطغى بشريتنا عَ قرارنا، ما نتصرّف بالحكمة الأرضية..
♰ المسيح هوي سور الك ولحياتك.. قبلاً كان وقت اللي بدو الشرير يفوت ويضهر، ويعمل اللي بدو ياك فيك.. ويدفشك عَ الخطية.. ولكن بس رضيت تمشي مع الرب، طلب منك تبني حصانة لحياتك… وأن تمنع إبليس الدخول..
♰ في نِعمِة حاميتِك هيي “الروح القدس”.. من هيك لمّا تصلي عراف إنو الهجومات رَح تكتَر.. مش لأنو الصلا بِتجيب الحرب، لأن الشرير بيتوجّس فيك خطر.. أنت منك تحت سيطرتو… وعم تدمرلو مملكتو..
♰ الرب بس يدعيك لعمل، سيكملو للأخير.. ولن يتركك بمنتصف الطريق، ما تضيع ولا تستعجل الأمور، وما تقرا بعقلك، وحكمتك.. وما تفوت مع الله بعملية حسابية، لأنو الله حساباتو مش من الأرض..

(4- مدرسة العدرا.. التسليم ليسوع..)
♰ بأي مشكلة ما تهرب واجه.. وعراف الرب داعيك.. ما تنسى إنت إبنو.. وروحو رح يلهمك بكل لحظة شو لازم تعمل وتتصرف..
♰ قدام الصعوبة اللي عم نعيشا وببلادنا وبشرقنا، وقدام لغة الحرب يللي هيّي كبيرة، ونحنا منتطلّع شو طالع من أمرنا.. ما تقولو هيك؟؟
♰ بس تشوفو العداء وصِل عَ البيت، ودق فيك.. وقاف بوجّو.. وقلو: هلمّو نحن مستعدون للحرب، والهنا معنا، ساعتها بتشوف عدوك بس تجيب إسم يسوع، رح يولوِل قدامك، لأنّو المعركة مع الله خسرانة، وجرّبها من قبل عَ الصليب..
♰ من هيك بجرّب الشيطان يبَلبلك.. وما يخليك تصلّي وقت الصعوبة حتى تهرب بالتشتيت.. وبصير يذكرك بضعفك.. ما بخليك تركّز عَ يسوع.. ميشان هيك حط عينيك بعينيه.. وما تفل عنو الاّ ما يحسملك الأمور متل ما إنت بتريد.. 🕯

(قداس السلام، ذكرى الـ38 سنة على ظهورات العدرا بمديوغوريه؛ الإنتصار بالحرب الروحية – 24 حزيران 2019)