– ميرنا شيخاني: 50% نسبة طلاق صارت 0.6% بالعيل اللي تصلي 🤔

* ♰ *

مقتطف من حديث السيدة اليسار بدر ضمن برنامج “لأنها أحبت كثيراً” عَ قناة “Mariamtv” مع الإعلامية ميرنا شيخاني: (26 حزيران 2019)

(1- ݀الصلا والعَيلة..)
♰ بآخر إحصاء حصل للعائلات بأميركا كشف:
* 50% طلاق بين العِيل..
* العَيلة اللي بِتروح عَ الكنيسة، الطلاق عم يوصل لَ 38% (إذا رحنا للفولكلور..)
* العَيلة يللي بتصلّي سوا بكنف العيلة.. 0.6% يعني 6 حالات طلاق كل 10 آلاف زواج

(2- سلاح الصلا)
♰ من بعد ما حِصلت الولادة ما كان في أي مشكل للولاد (التوأم).. بعد 4 ساعات خبرونا إنو “ايلاي” إبني عندو مشكل بالتنفس، بوقتا إعتُبرتْ حالة يمكن تجاوزا 😔
♰ من بعد 4 أيام بدي إضهر من المستشفى، بخبرنا الدكتور خالد يونس، انو الطفل وضعو حساس.. أكيد كانت صدمة كبيرة النا..
♰ تاني يوم، بقولولنا انو ضروري إجي عَ المستشفى أنا وزوجي والعيلة.. حسَينا إنو الوضع مش منيح.. وطلع إنّو الطفل ما عَم يتنفّس وما عَم يعرفو ليه❓وقالولنا لو منَعرِف السبب حتى نحاول نعالج السبب⁉
♰ نوضع لطفل عمرو 4 أيام.. مكنات أكسيجين حتى يشتغلو مطرح القلب والرئتين.. وصار أكيد بدو يصير في إنعكاسات خطيرة، وما في أمل ما يصير تلف لبعض الأعضاء الاّ بنسبة 5% 😔

( عمادة وصلا القلب.. )⛪
♰ ساعتها أخدنا قرار كعَيلة نعَمدو.. وما قبل ما يصير العماد، فتِت وصلّيت من قلب قلبي.. وقلتلو: صح لازم إعمِل متل إبراهيم كيف سلّم إبنو.. وأنا بدي سلّمك إبني بس أنا خايفة إذا راح إبني، قلبي ما يقدر يرجَع يوقف.. كنت موجوعة، وطلبت السماح لأنّو قلب الإم متمسّك.. بس أنا بآمن إنك بهاللحظة قادِر ترحَم قلب الإم ولو قالو ما في أمل غير 5%.. إنتا كل الأمل.. 👍

♰ عنجَد حسيّت بسلام مش من هالأرض.. ورغم الجلجلة يللي استمرّت شهر و3 أيام..
♰ كل يوم كنت إنزل عَ المستشفى، وصرنا نروح مسا أنا وجوزي.. حتى ما نسمع حكي سلبي عن واقع المعطيات.. بالليل صرنا نروح وناخود العدّة تبعنا:
* الزيت * صلواتنا * مسابحنا الخ.. وصلوات بالسيارة (وبالفعل كانت أقوى عدّة)
وما فيّي إنسا وقوف العالم اللي ساعدتنا، أصحابنا وعيلتنا.. عملو تساعيات وقداديس.. بالفعل كانو مصدر قوة، حتى شخص من غير ديانة قلي حتّى نكمّل متل ما تعملو وربنا معكم.. 🕯

(التدخّل الإلهي)
♰ كل يوم فحوصات من دون نتيجة وأمل.. ولكن نحنا مكملين صلا.. بليلة من الليالي، بقولولي إنو وقفو المكنة ساعة، ولاقو في اكسيجين عالي.. 🙂
♰تاني يوم يبلغوننا إنو بدن يشيلو مكنة الأكسيجين نهائياً وبلشت المفاجأة الطفل تحسّن بسرعة مش طبيعية، لدرجة صار “إيلاي” عم يشيل شرايط المكنة..

التفاصيل.. 🕯
♰ بتقرّب ممرضّة بتقلي: إنتي لمين مصلايّة.. لأيّ قديس.. عارفة مدام إبنك صار معو عجيبة.. انا كنت ليلة وقوف المكنة.. هيدي المكنة ما بتوقف، ما بيِجي حكيم من راسو يوقفها، بلا مؤشرات إيجابية…
♰ في حدا من السما وقّف من السما.. وفزعنا وركضنا لأنو وقفت المكنة.. لقينا 125 الأكسيجين.. مشينا المكنة.. ولكن رجعت وقفت بذات الليلة من بعد 3-4 ساعات.. ساعتها قالو وقفو المكنة تركوها.. وللآن ما في تفسير عن وقف المكنة وعودة التنفس للطفل 🕯
♰ حتى الدكتور لما قلنالو شكراً.. تطلّع فينا وقال من الله الشفا مش مني أنا..
♰ حتى تبعات وضع المكنات.. وعَ أساس في آثار ممكن تكون عَ الرأس والقلب والرئتين كل الصور يللي عملناها كشفت إنو الوضع سليم، وحتى ما احتجنا نعمل “فيزيوتيرابي” لأنو إيلاي مكربج مفروض لبقائو شهر بوضع دقيق.. ما كان إيلاي بحاجة لأي متابعة 🕯

(الخلاصة)
إعترفت بضعفي.. ولكن ربنا ما همو قديه سلّمت او لاق متل إبراهيم.. أو قديه كنت ضعيفي… شاف قديه نحنا منحبّ طفلنا.. وآمنّا من كل قلبنا إنو بيقدر يشفيه.. وعنجد شفاه.. ولا ممكن ما يكون في نور بآخر الطريق وما يكون في قيامة ✝

( لأنها أحبت كثيراً – “Mariamtv”؛ 26 حزيران 2019)

https://youtu.be/yDth4KgdLOQ