بالفيديو – لازم الحدت تصير متل المريجة بلدية مسيحية لسكان شيعة، حتى نكون منّا عنصريين..🤔

– الحدت بعيداً عن الغوغائية الإعلامية.. (ما لها وما عليها..)⁉

***

مقتطف من حديث الإعلامية سكارليت حداد لقناة الـ”LBC”، ضمن برنامج “نهاركم سعيد” الجزء 2: (25 حزيران 2019)

(1) قصة الحدت
– ديما صادق: رأيك بموضوع قرار بلدية الحدت⁉
– سكارليت حداد:
* سأقوله بكل صراحة.. بس بداية هيك مواضيع إثارتها كجدل لا تؤتي ثماراً لأنها تصبح مئذية للجميع
* بلشت القصة من 7 سنين، بيت الهاشم عندُن أرض كبيري بمنطقة الوروار، باعا لشيعي… بوقتا تدخل العماد عون مع السيّد نصرالله لأنو الناس إعتبرت الموضوع حساس للمنطقة، وطلب إعادة شرائها.. السيّد حسن تجاوب، ومن بعد 3 سنين ونص تجمّع كذا مسيحي من الرابطة المارونية والسيد ميشال إده.. ورجعت الأمور لنصابها 💯
* من وقتا صار في قرار من البلدية بمنع بيع الأراضي.. وهو شبيه لقرار الكنيسة المارونية بضرورة منع بيع الأراضي للدروز في الجبل، للحفاظ عَ التنوّع حتى ما يفضا من المسيحيين 🤔

(2- شعور المسيحيين)
– في شعور إنّو عم يتراجع وجودُن.. وشخصياً بعتبر إنّو ميزة لبنان هالتنوّع هيدا
– إذا شلنا المسيحيين او الدروز أو السنة او الشيعة.. منصير بلد كل هالبلدان العربية
– وبعتقد الكل حريص على هيدا الوجود، السنة والشيعة والدروز والمسيحيي كلنا حريصين بالمطلق عَ بعضنا 👌
– نبلش من هون، حتى نخفف التشنّج الطائفي.. 🎯

(3- الغلط وين..)⁉
– الغلط إنو القصة هيّي إستئجار.. لكن ؛
كمان..
مثلاً والدي لمّا عمّر بيتو بالحازمية (من 50 سنة) كانت بناية بحي راقي، وفي نواب.. اليوم صار الحي كتير شعبي.. يمكن لو بيّي عايش، بقول: بدّي بيعا وإخلص..
– من هيك في حرص بمكان ما ما يصير في كثافة سكانية.. ومحاولة للمحافظة عَ جو معيّن..

(4- سؤال جريء 👈)
– هل شي طبيعي إنّو بلدية المريجة، او حارة الحريك، رئيس بلديتها واغلب أعضائها مسيحيين، وما في مواطن مسيحي عايش فيها..⁉

ديما صادق: هيدا شيء جميل..
سكارليت حداد: لأ هيدا شيء مش جميل.. ومش منطقي.. بس هيدا ضمن نطاق الحفاظ على العيش المشترك.. طيّب لازم الحدت تصير متل المريجة تصير بلدية مسيحية لسكان شيعة، حتى نكون منّا عنصريين🤔

(الخلاصة)
* في مسؤولية للتاريخ مش مسؤولية لليوم ولبكرا
* نحنا عايشين في مجتمع مركّب وفي بعض الهواجس لازم تُبدّد..
* أنا سكارليت حداد شفت من فترة قرار الكنيسة المارونية غلط بمنع بيع الأراضي للدروز بالجبل.. وشفتو تعدّي عَ الحرية.. هلق بقول منيح صار هيك.. لأنو المبدأ شي والواقع شي تاني 👌 في مسؤولية تاريخية طالما النظام طائفي، بدّك تحافظي عَ قوة المسيحيي، لأنو إذا راحت الحدت وبكرا كفرشيما.. لأنو في طايفة عم تمتّد طبيعياً.. شو رح يبقا من الفكرة اللبنانية ومن لبنان الرسالة يللي نتغنّى فيها 🤔

https://youtu.be/6wCyJyodsxc

(نهاركم سعيد LBC؛ 25 حزيران 2019)