– ميرنا شيخاني: طلبنا بحريصا من العدرا يسقط سور الفساد والشر المحيط بلبنان والشرق👌

* ♰ *

مقتطف من حديث السيدة ميراي قديح ضمن برنامج “لأنها أحبت كثيراً” عَ قناة “Mariamtv” مع الإعلامية ميرنا شيخاني: (10 حزيران 2019)

(1) زوادة 👏
📌 ميرنا شيخاني..
– من بكركي لحريصا مسيرة توبة وخلاص، وفوق 7000 شخص شاركوا للإحتفال بالذبيحة الإلهية بيوم عيد العنصرة وحلول الروح القدس على التلاميذ وأمنا مريم العذراء
– صديقتي صبية رجعت عَ الإغتراب، ولكن أخدت معا زوادة من هالنهار… قالتلي: كسرتيلي كل نظريتي، أول مرة بحسّ إنو لبنان بأمان، ومنو بحاجة لا لإقتصاد ولا للسياحة ولا لنظام مالي ولرؤساء يحموه، لأنو عندو شخصين حاميينو وهني قلب يسوع الطاهر اللي كان ماشي قدامنا بالمسيرة وأمنا مريم العدرا 👍
– أنا مراهنة عَ هالشباب والصبايا ومراهنة عصبية صاحبتي إنو رح يرجعو عَ لبنان حتى يشوفو هالبلد، يللي هوي بحدّ ذاتو معجزة موجودة على الأرض 🇱🇧
– مريم نجدة المسيحيين ويسوع خلاص المؤمنين.. وناس من كل الأعمار صغار وكبار وشباب وناس حافيين.. وما حدا قال آخ.. وما حدا قال تعبت 👍
– لبنان هوي لب-نان (قلب الله) وأكيد مش معقول ينزع قلبو.. ♥

(2) 🇱🇧 لبنان
📌 ميراي قديح..
– لبنان ما بتركو وفي العدرا ويسوع، وبلد قديسين وأرض قداسة، وبالمستقبل ما بصحّ الاّ الصحيح 💯
– هالبلد بعدو واقف لأنو في هالخميرة، وعندي إيمان مطلق بلبنان قلب الله وبنقل هالشي لولادي.. 👌

(3) مديوغورية ⛪
📌 ميراي قديح..
– رحت عَ مديوغورية أول مرة، العدرا زاحت البرداية، وكتير قصص كنت عايشة فيا، ومعتبرتا صح.. هونيك بتفوتي على ذاتك كتير… وكنت أنا فيي وأنا بِقدِر.. كنت مركزة على الأنا وصرت مركزّة على يسوع ✝
– جيت من مديوغورية متل شخص تارك أهلو.. لكن بلشنا مشوار الحياة مع يسوع..
– إستوقفتني جملة قالتها “غلوريا بولو”، انو الشر يؤثر على المنطق تبعنا، بس ما بيقدر يأثّر على قلوبنا ♥

📌 ميرنا شيخاني..
– لتكن مشيئتك وكلّي لكِ هيدا هوي شعار العدرا بمديوغوريه ، بدها تنشر كلمة إبنا يسوع على شفاف كل العالم.. 💒

(4) صلاة
يا مريم/ سيدة لبنان وملكته/ يا أمنا وملكتنا ونجدتنا/ جميعنا نتوسّل إليكِ/ أغمرينا بثوبك/ لبنان أرضك/ وهذا الشرق موطنك/ ونحن شعبك/ حررينا بقلبك الطاهر/ من كل آثام وقوى الظلام/ وقبضة الشرير
يا أم الرحمة الإلهية/ سيدتنا/ ومحاميتنا/ نحن نقدّم لله/ من خلال قلبك الطاهر/ صيحاتنا/ لنيل رحمته/ ونتمنى أن تقول شفاهك/ الكليّة النقاومة/ هذه الكلمات نيابةً عن أوطاننا وشعوبنا:

**** أرجو أن يسقط سور الفساد والشر والموت والحروب والدمار التي تُحيط بلبنان، وأن يحلّ ملكوت الله في لبنان وهذا الشرق عبر قلبك الطاهر****

(5) الى مريم.. ♥
صلاة البابا القديس يوحنا بولس الثاني للعذراء أم الكنيسة بِ 31 أيار 1980

♰ مباركة انت في النساء، أيتها الطوباوية التي آمنتِ.
♰ لقد صنع لكِ القدير المعجزات. معجزة أمومتك الإلهية.
♰ والآن في مجد إبنك لا تنقطعي عن التشفّع لنا نحن الخطأة.
♰ أنتي تسهرين على الكنيسة كأم لها. تسهرين على كلّ واحد من أبنائك.
♰ وتنالين لنا من الله كل هذه النعَم التي ترمز إليها أشعة النور التي تنتشر من يديك المفتوحتين، بشرط أن نتجرأ على طلبها منك، ونقترب منك بايمان وإقدامٍ وتواضع. وهكذا تُرشديننا دوماً الى إبنك الإلهي ♰

وصية
العدرا مش جايي تاخود محل حدا، العدرا جايي توصلنا لعنܕ إبنا بكل محبة، وكل إم بِتخاف عَ ولادا بتعمل هيك، وأد ما بتحبنا بدها منا نعرف قديه إبنا طيّب.. ✝

( لأنها أحبت كثيراً – “Mariam-tv” ؛ 10 حزيران 2019 )

https://youtu.be/QoNi5FxvrpM