بالفيديو – ريا الحسن محرجة بتكرار 3 اسئلة نفسا عن الحادث الإرهابي بطرابلس (Video)

– ريا الحسن: مش مبسطة الأمور. وما تعممو.. في مساجين لازم يضهروا.. إذا بريئين 🤔
– يعني بعد العفو عن إرهابيي الضنية، وإرهابيي عين الحلوة، وإرهابيي عبرا.. هلق كمان في أبرياء يا ((بريئة)) بالسجن، وكانو بجرود عرسال وعم يقاتلو بالرقّة.. عَ مين عَم تضحكو 😎

***

مقتطف من حديث وزيرة الداخلية والبلديات ريا الحسن، من سراي طرابلس، بعد الأعمال الإرهابية لعبد الرحمن مبسوط ضدّ القوى الأمنية، في المدينة ومقتله بإشتباكٍ مع الجيش اللبناني وقوى الأمن الداخلي: (4 حزيران 2019)

* ليلة العيد كانت كتير موجعة، ومؤلمة مش بس للطرابلسيين بل لكل اللبنانيين
* رح نبقى متيقظين لنحمي كل شبر بهالبلد
* الخلايا الإرهابية ضمن الذئاب المنفردة موجود بكل البلدان، واكيد ما حدا بيقدر يضبطو 100%
* الأجهزة الأمنية عم تِعمل أقصى جهدها، وما رح نسمح لأي إستباحة بالأمن

(سؤال 1) يُحكى عن إخراجه من السجن جاء بعد سنة واحدة، شو الرسالة اللي توجهينها للقضاء، وأِخاص عندُن هيدي الخلفيات؟؟
– ريا الحسن: ما فيشي كان يدينو بلبنان… ما بعرف بدنا نشوف، وعَم نتحرّى حتى نشوف 😎 بدنا ننتبه مش كل ما يصير عمل إرهابي، بدنا نعمّم خصوصةً بيللي محتجزين اليوم بسجن رومية، في منُن محكومين حقاً لازم يكون محكومين، وفي منُن مش محكومين ويمكن يكونو بريئين. لازم القضاء يسرّع بمحاكمة كل المسجونين ⚖

(سؤال 2) الإرهابي كان مُحتجز ومسجون برومية، كيف طلع⁉
– ريا الحسن: نفّذ الحكم، وطلع ، وحضرة مدعي العام التمييز بالتكليف بدو يتابع الموضوع ويحطنا بالصورة 😉

(سؤال 3) الإرهابي عم يشارك بعمليات إرهابية مع داعش والرقة وبسورية وبجرود عرسال، وبيطلع بأقّل من سنة⁉ أكيد المواطن اللبناني بدو يسأل ⁉
ريا الحسن: عم كرّر حالي، مش عَم إحكي ببساطة بشي.. اليوم التأمنا مجلس الأمن الفرعي حتى نحكي بهالمواضيع، والقضاء هوي أخلى سبيله، بدنا نشوف. ما بعرف عَ أي معطيات 😎

– س: قناة mtv، رصد مندوبنا انو الإرهابي إنتقل مع شخص على دراجة نارية، هل في تعاون أو شبكة مساند له ⁉
اللواء عثمان : لاق مش مزبوط.. بالحقيقة الناس كمان ساعدونا ونحييهم.. 👌

⁉ تساؤل⁉

في الفيديو المسرّب للإرهابي عبدالرحمن مبسوط، لوسائل التواصل الإجتماعي، يكشف مجيئه عَ “موبيليت” الى جانب جيب الجيش اللبناني، ليُطلق الرصاص على من فيه.. ولكنه غادر الحادثة تاركاً “الموبيليت” على الأرض.. فكيف أطلق الرصاص في مكان آخر.. وكيف تحصّن في شقة في مكانٍ ثالث..؟؟

(وزير الداخلية – مؤتمر صحفي ، سراي طرابلس – 4 حزيران 2019)

https://youtu.be/idcNuGrVkuk