– أكبر ويل اليوم للبشرية فقدان حس الخطية، تعودنا عالغلط والخطية صارت عادة.. 😶

* ♰ *

مقتطف من عظة الشماس الأخ عمانوئيل، في الرياضة الشهرية “جلجلة المسيح وجلجلة الكنيسة”، في دير قلب مريم الطاهر، مزار القديسة فيرونيكا جولياني: (نيسان 2019)

(1) جلجلة المسيح ✝

♰ أهم حدث بحياة يسوع، وآلامه هي ذروة حبه للبشر، وفيه تحقّقت عملية فداء المسيح لنا 🕯

♰ الرب يسوع قال: ماذا أقول..؟ نجني يا رب من هذه الساعة، ولكن لأجل هذه الساعة أتيت.. لأنو موت وقيامة المسيح نقض فيه سلطان الموت، بتسمير الخطيئة وتحريرنا.. وخلق الكنيسة والأسرار المقدسة، التي من خلالها يبقى حاضراً بيننا بشكل إسراري ليقوينا وليساعدنا للعودة الى السما.. ⛪

♰ الهنا يسوع، الملائكة أنفسهم بيشعرو إنُّن غير أهل يتطلعو فيه.. لكن هيدا الإله تلبّط. وتبزَق عليه. وشُتم.. 😔 للأسف الله عَ الأرض تدَعوس.. وعرّوه من ثيابو يللي هوي القدوس!! 😞

♰ المسيح بالجلجلة أُحصَى بين المجرمين، و.. (كلنا ضللنا كالغنم – ما حدا يفكّر حالو قديس).. فألقى الرب عليه إسم “كلنا”، ولم يفتح فاه، كحمل سيق للذبح.. 😔

أنواع الآلام (جسدية، نفسية، معنوية)
♰ الآلام المعنوية هيي إنّو اله عَم يتلبّط عَ الأرض… وأشعيا يقول: “ليس له منظر فنشتهيه”.. 😞

♰ الرب عَم يتألم آلام كل البشر، وهوي شايف كإله قديه قسم كبير مش رح يستفيد.. ورح تهلك.. 😔

التواضع 😶

♰ هيدي الآلام لازم نِربطها بخطيتي.. سبب هيدي الآلام لا اليهود ولا الرومان ولا حدا.. هيّي خطايانا 🤔

♰ العشار كان خاطي، ومش متمّم الشريعة، وطِلِع مبرّر لأنو كان موطّى نظَرو.. بس دقّ عَ صدرو وزعلان من وضعو، وعَم يطلب السماح من الله.. وبنعمة من الله تحرر من خطاياه 🕯

♰ بالمقابل الفريسي مفكّر حالو متمّم الشريعة، وفِكرو بالآخرين.. وبدَينونة الآخرين.. ومفكّر حالو أحسن من غيرو… 🙁

الغلط بضل غلط 👏

♰ ما نِبكي عَ آلام المسيح.. ما هوي إجا كرمال هيدي الساعة، ما هيّي ساعة مجد، وهوي قال “مجّدني”.. يسوع مش كتير مبسوط نبكي عليها، ما هوي خلصنا بآلامو 💯

♰ مفروض نفهم من خلالا بشاعة خطيتنا، والعدرا بظهوراتا عَم تقول، إنّو أكبر ويل اليوم للبشرية هوي فقدان حس الخطية.. 😶

♰ مين اليوم بيتضايق من الجَيِّة اللي نزلت عَ الطرقات أول ما طِلعت الشمس 🤫 مين عَم يِحكي كلمة⁉ مين بحسّ إنو ولادو مش لازم يشوفوهُن⁉ خلص صارت طبيعية.. وين الرؤسا الروحيين والزمنيين يللي بيرفعو الصوت، وبيِعملو مظاهرة، تعودنا عَ الغلط 🎯

(2) جلجلة الكنيسة/عروسة المسيح ✝

♰ ملبطّة ومجرّجة متل جلجلة الرب يسوع

♰ ببند رقم 675 من تعاليم الكنيسة الكاتوليكية، تقول: لا بدّ للكنيسة قبل مجيء المسيح، من أن تجتاز إمتحاناً أخيراً سيُعزعزع إيمان كثير من المؤمنين، وإضطهاد الذي يُرافق زيارته للأرض، ويكشف سر الإثم والجور في شكل تدجيل ديني يُقدّم للبشر حلاً ظاهراً لقضاياهم ثمنه جحود “الحقيقة”.. 🤔

♰ البابا القديس يوحنا بولس الثاني، قال: دخلت البشرية بأخطر مرحلة من تاريخها على الإطلاق، ولكنها المعركة الأخيرة بين الشر والخير، بين الإنجيل وكل ما هو ضده ضدّ الحقيقة 👌

♰ البابا القديس يوحنا بولس الثاني، قال أيضاً: إني حزين لأن المجتمع المسيحي لم يفهم ذلك، وإنو فتنا بفصل 12 من سفر الرؤيا، أي الحرب الكبيرة الحاسمة بين المرأة الملتحفة بالشمس ونسلها، والتنين العظيم يللي عندو 7 رؤوس (عدة أوجه يطلّ فيها عَ العالم) وجيشه..

فتح الكتاب المختوم 📜

♰ العدرا تقول برسائل الأب ستيفان غوبي، تقول وهيّي اللي عَم تحضرنا لهالزمن.. “أفتح لكم الكتاب المختوم” لكي تنكشف الأسرار الذي يحويها

♰ بالكتاب المقدس، في بالقليلة مكانين، فيُن كشف من السما، الأول للنبي دانيال، والتاني لمار يوحنا الحبيب بسفر الرؤيا.. يُكشف لهم، ولكن بقلُن تركوه مختوم، لوقتو يُعلن..

♰ العدرا عَم تقول عَم إكشفلكُن الكتاب المختوم، لأنو عَم تحضرنا للمحنة الكبرى..

محنة الكنيسة الكاتوليكية 💒

♰ الخطر إنّو داخل الكاتوليكية، رح يصير في تعليم خاطئ، حتى بصير شبه كنيسة مزيفّة، وتُحارب الكنيسة الأصلية، وهيدا كلام قالو بابوات من بيوس العاشر، لليوم.. 😞

♰ رئيس مجمع الليتورجيا يللي البابا بندكتوس مَدح قداستو، إعتبر إنّو الليتورجيا والطقوس بخير ما دام الكاردينال “روبير سارا” هوّي عَ رأس مجمع الليتورجيا.. 👍

♰ يقول الكاردينال سارا، في كتابي الأخير، دعوتكم للصمت (قوة الصمت) حتى ما نِلتهي بضجيج العالم.. لكني لم أعد استطيع أن اصمت اليوم، بل يتوجب عليّ الاّ أصمت، فالمسيحيون في:

* ضياع كبير..
* سر الإثم يلفّ الكنيسة ويُعميها،
* دخان إبليس يُحيط بنا، حتى أن الكنيسة تحولّت من مقرّ نور الى مرتع الظلمة.. 🤔
* العديد من رجال الله، أصبحوا عملاء للشرير..
* إننا نسمح لأنفسنا بإعادة النظر في كل المسائل، وباسم ما يُسمّى “العلم” يتسلّى بعض اللاهوتيين بتفكيك العقائد 😞 ويتحدثون إنو ما في جهنم.. وما في شيطان.. وما في دينونة (تِمشاية الدينونة) 😞 وبالتالي يُفرّغ اللاهوت الأدبي من مضمونه العميق (بسيطة الخطية..)

♰ يختم الكاردينال سارا مقدمته قائلاً: إنّ النسبية (كل واحد يقول أنا هيك بفكّر، تركني بقناعتي..) لكن النسبية هون هي قناع يهوذا المتستّر بستار العلم، فالكنيسة تُنازع وأعداءها أضحوا في داخلها، بل في مراكز القيادة 😔

رسائل العذراء لـ”ستيفان غوبي” 🕯

 

♰ لقد دقّت ساعة جلجلة الكنيسة المَدعوّة لتقدم نفسها الى المحرقة، وتُذبح على الصليب ⛪ صليب إستشهادها الدامي..

♰ لقد دقت الساعة بالنسبة لهذه البشرية المسكينة، لتلقّي عقابها الأليم.. لقد دقّت ساعة الجلجلة بالنسبة اليكم يا أبنائي المفضلين، لأنكم أصبحتم في مراحل متقدمة من المحنة الكبرى

♰ على جلجلة هذا القرن، تحصل خيانة يسوع من غير الأمناء لإلتزامات المعمودية 😔 إنهم يدعون إبليس يقودهم، ويصبحون ضحايا كل أضاليله السهلة 😞

لعازر والغني

♰ آباء الكنيسة يفسرّون هذا المثل، إنّو يللي عَم يتعذّب بجهنم، ما كان عندو شفقة عَ إخواتو.. (قلو بعات حدا حتى يفهمُن) كان لأنو هوي جارِر أخوتو لطريق الغلط، عرِف بجهنم إنّو بس يهلكو رح يزيد عذابو، لأنو هلكو بسببو.. كرمال ما يزيد عذابو فكّر فيُن، مش رأفةً فيهم 🙁

♰ متل ما يسوع ببستان الزيتون، قبل الجلجلة دِعي تلاميذو يصلّو معو، العدرا مريم عَم تظهر وين مكان وتِدعينا نكثّف الصلا والإماتة والسهر..🕯

♰ أمر تاني لازم نفكّر فيه بتأملنا بجلجلة الكنيسة، حتى نشوف إذا نحنا عَم ننام متل بطرس ويوحنا ويعقوب.. أو عَم نجاهد..

♰ بخصوص جلد الكنيسة.. خطية قلّة الطهارة قبل الزواج، مش بس عم تُمارس، صار عَم يُدافع عنها، من قبل حتى رجال كنيسة.. نحنا اليوم بزمن صارت خطية الدنس مجالد مُهشمّة.. والأفلام الإباحية منتشرة عَ التلفونات وعَ التلفزيونات ما فيشي مخبّا.. الموضة البشعة صار كلّو عادة.. 😞 حتى زواج الرجال عَ الرجال والمرا عَ المرا عم يتشرّع، وبلبنان بدُن يشرعو الزواج المدني 😞

♰ المسكونية المزيفة 🙁

* ما منِسمع اليوم الاّ تقارب بين الأديان، وحديث عن حكومة عالمية موحدّة، وديانة موحدّة 😉

* ما لازم نبشّر..
هيدا مش فكر المسيح، هيدي مسكونية زائفة، شالِت الحقيقة عَ جنب.. 😞 وهالفكر عَم يسيطر، لدرجة يللي بِقول “يا جماعة..”.. ربنا بيجمعنا عَ الحقيقة، لأنو هوي الحقيقة ✔

* قدام بيلاطس قلو المسيح: جئت الى هذا العالم، لأشهد للحق ♰

* واليوم داخل الكنيسة الكاتوليكية، من يجرؤ يقول، انو الكنيستين الكاتوليكة والأرثوذكسية عندُن الحقيقة، رح يصلبوه.. 😞 ورَح يقولو هيدا ما عندو محبة، بهالفكر المسكوني الزائف.. 😶

Cristiada

♰ أخوتي الأحباء، ما تقولو مش معقول.. في فيلم إسمو “Cristiada” ما قدِر نزل بالسينما.. ليه⁉
لأنو بالمسكيك سنة 1920، لما وِصل حاكم ماسوني، أخد قرارات كتير قوية ضدّ الكنيسة، متل:

* ممنوع رجل دين يِطلع بتيابو الكهنوتية لبرا
* ممنوع تدق الأجراس
* ممنوع يصير في قداس
هالشي صار ببلد كاتوليكي.. ولما كهنة كانت عَم تقدّس، يفوتو يقَوصوهُن بالكنيسة للناس ويشنقو الكاهن بالكنيسة ⛪.. وهالشي صار بالبلد يللي فيه “عذراء غوادالوبي” 💒

(الخلاصة)

– إذا بدنا نضل متمسكين بإيماننا وبأخلاقنا وعقائدنا، رح نصير مُخربطين للإتفاق العالمي.. 😶

– الحرب كلها سوا، حسب الكتاب المقدس، التي تسبق مجيء المسيح الدجال، ويللي تشرحها العذراء بالكتاب الأزرق للأب ستيفان غوبي.. هدفها الأخير إلغاء الذبيحة الإلهية والقداس، وما يصير في قربان (يعني يسوع عَ الأرض) 😔

– هالشي بجلجلة الكنيسة اليوم، بدنا نشبهو بسبت النور 🕯 وقت الرب يسوع من بعد ما مات (ناموسو) الى إنو قام، غاب ما عاد موجود.. من هيك بالليتورجيا سبت النور، يوم غير ليتورجي.. 🕯 الله /المسيح/ القربان مش موجود عَالأرض 🎯 وهالشي بالمحنة الكبرى رَح يصير 👌 وبكتير من المناطق ما رح يعود في ذبيحة، وإذا فيه بالسر وتحت الأرض.. 😔 (هالشي مش كلامي، هيدا كلام الكتاب المقدس، وكلام تعليم الكنيسة الكاتوليكية، والعدرا وضحتّو للأب “ستيفان غوبي” واللي قايلة فيه عَم تفضّ الكتاب المَختوم..

لكن ؛

يسوع بآلامه عَ الصليب، بحسب الشروحات، إجتو تعزية واحدة.. ((توبة اللص اليمين)) أغفر لهم يا أبتاه، لأنهم لا يدرون ماذا يفعلون؟؟ وبحسب كتابات “آنا كاثرين إيميريخ” ، وإذا مننتبه بفيلم “the passionof the christ” لما بيسوع قال هالجملِة حتى قيافا بوَطّي راسو، بيِستحي من حالو.. 😉 شو هالإله/الإنسان يللي عَم يغفر هيك عَ الصليب ليللي عم يعملو فيه كل يللي نعَمَل.. 🤔 وبلشت توبتُن من ورا هالجملة.. ✝

♰♱♰ وحتى نِعمل هيك أفكار ما بدنا نفكّر بشرياً..

• حق عليه!!
• ,حق عَ فلان؟؟
  بكل مشكل في حق عليه، وفي حق عليك.. 👍 حتى لو 10% الحق عليك.. ركّز عَ الـ10% وطلوب التوبة حتى ما يصير الشر 🕯♰🕯

الجدير بالذكر، يمكن العوة الى صفحة فيرونيكا جولياني، للإستماع الى العظة بكاملها..

https://www.youtube.com/watch?v=H7Ue-KMTf-M