Agoraleaks Agoraleaks
ما حدا عم يتعدّى على حصة بري والشيعة رجاع لشو بقول الطائف… وأشرفلو فرنجية يكون بالمعارضة.
مقتطفات من حديث رئيس تحرير موقع IMLebanon طوني أبي نجم الى قناة الـ”LBC” مع الإعلامي بسام أبو زيد:
- اليوم إنو إذا ما بأمنلو الرئيس بري حقيبة، تيار المردة بكون بالمعارضة، أشرفلو يكون بالمعارضة، وين المشكل؟
- ما بتنقص من هيبة تيار المردة انو يكون بالمعارضة، او بأي حقيبة خصوصاً انو ما في يطالب بحقيبة أساسية أو ما بشارك
- من خلال مشاركاتو الماضية، شفنا تمثلو المردة بوزير دولة على أيام يوسف سعادة، ومؤخراً اخدو حقيبة الثقافة مع الوزير روني عريجي
- كان يكون بحقائب عادية جداً، ليه اليوم ما بقا يمشي الاّ بالحقايب التلاتي
- ما يشارك شو بيتغّير؟ المشاركة المسيحية مأمني بشكل كتير واسع، اذا فريق ما شارك ما بأثّر. كأنو عم نقول عند السنة إذا ما شارك الوزير السابق عبد الرحيم مراد او اذا ما شارك الوزير السابق فيصل كرامي بصير في مشكل بالبلد، ما يشاركو. وين المشكل
- التمثيل المسيحي مؤمن من الباب العريض عبر التيار الوطني الحرّ والقوات اللبنانيي ويمكن الكتائب يشاركو، وبالتالي ما في أي مشكل التمثيل المسيحي
ورداً على سؤال ربط مشاركة المردة بمشاركة الرئيس بري وحزب الله، يردّ أبي نجم:
- هون استخدام الموضوع للتعطيل. الرئيس بري ما حدا مقربلو على حصتو.
- اليوم في محاولة لإخضاع العهد، وإخضاع الرئيس يللي هوي عالقليلي عم يقولو كان بدنا رئيس قوي، اليوم بدنا نجبلو الشخص اللي حاول يعرقل وصولو للرئاسة، وبقي مرشّح لآخر لحظة بوجو، وعمل يللي ما بينعمل من معارك ضدّو كرمال شو، ت يقول أنا بدّي كون شريك وأكتر اكسر رئيس الجمهورية من خلال لفرض عليه هيدي الحقيبة
- الطائف بيحفظ للرئيس حق انو يقول ايه أو لاق، يمضي أو ما يمضي، هيدي الصلاحية الأساسية الباقية
- بأي منطق المردة بدّو بفرض عَ الرئيس؟
- الرئيس بري بأي منطق دستوري بدّو يفرض، المطلوب العودة لإتفاق الطائف، هل ممكن الرئيس بري يقبل انو رئيس الجمهورية او رئيس المجلس، هنّي يحطو جدول أعمال الجلسات النيابية؟
رصد Agoraleaks.com
