التيار الوطني الحر يصارح اللبنانيين: لتتضامن القوى السياسية وتجرؤ.. للتيار رؤية.. ✔

– ما فينا نخلص إقتصادنا وع أرضنا مليون ونص أجنبي عم يشتغلو محلنا.. وبدها تزعل بعض الدول تزعل نحنا منشتغل عند الشعب اللبناني 🇱🇧

***

مقتطف من حديث رئيس التيار الوطني الحرّ جبران باسيل في عشاء قروي مع الأهالي في الراسية زحلة: (11 نيسان 2019)

(1) الحل 🎯
– في شائعات كتيري، عن الموازنة وعن وضع الليرة، وحق الناس تكون خايفة لكن..
– أنا خايِف إنو إذا في أزمة هالقد، يخافو منّا السياسيين، وما يتجرأوا ياخدو القرارات المطلوبة ✔
– لازم نتسابق مين بدّو يقدّم الحلول مش نِهرُب منّا، ونقول: أنا ما بدّي زعّل :
* قطاع معين
* الشركات
* المصارف..😔

(2) الموازنة هيّي: 📊
– قرار مالي وإقتصادي كبير، يا بدنا ناخدو أو ما بدنا ناخدو 💯
– في عنا إمكانية نعمِل عنجد تضامن حكومي ووزاري، وما حدا ينمّر عَالتاني..👌
– نحنا عَم نقول لوزير المال، هيدي مش موازنتك، هيي موازنتنا كلنا سوا.. مش وَحدك تتحمّل المسؤولية، نحنا بدنا نِحمُل عنك وقبلك ومعك المسؤولية 💯
– اللبنانيين يمكن يزعلو اليوم، بس بكرا رح يكونو كلن مبسوطين.. متل ما زعلو لما بلشنا بسدّ القيسماني، وبس خلص نبسطو.. 👆 ومتل ما عم يزعلو إذا عَم نمدّ وصلِة المنصورية، وبس تخلص وتجي الكهربا رح ييكونو مبسوطين.. 👆

(3) الشأن العام 🇱🇧
– مصلحة الدولة فوق مصالح الناس والسياسيين 👆
– التيار الوطني الحرّ عم يصارح اللبنانيين متل كل مرّة، بدكم تخلصو بدكن تسمعوا منا، لأنو عنّا رؤية، ومش نحنا اللي جبناكم على هيدا الإهتراء وعَ هيدا الإفلاس، وعَ هيدي الديون 🤔
– التيار عم يطلعكم منُن وعم نساهم بكل إيجابية والكل بيعرف إنو مسهلين كل القرارات.. وحتى الآن المجموع لليوم مش كافي، لا بالأرقام ولا بالسياسات.. 🙁

(4) الحقيقة✔
– ما فينا نخلص إقتصادنا وعَ أرضنا في مليون ونص أجنبي عم يشتغلو محلنا 🤫
– ما فينا نترك نازحين عَ ارضنا، وفيُن يرجعو عَ أرضن لأنو مِنحبُن ومنحب بلدُن سورية.. بدنا ياهُن يرجعو عَ سورية، ولأنو منحبكم ومنحب لبنان بدنا ياهُن يرجَعو عَ بلدُن سورية 👌
– بيزعلو منا بعض الدول، نحنا ما منشتغل عند الدول، نحنا منشتغل عن الشعب اللبناني.. 🇱🇧

https://youtu.be/ExURm7pr-U4

(عشاء قروي – الراسية زحلة – 11 نيسان 2019)