Agoraleaks Agoraleaks
– العسكري أهم يكون عَ المعابر غير الشرعية من إنو يكون لزوجة عميد أو سياسي 😉
***
مقتطف من حديث رئيس التيار الوطني الحرّ جبران باسيل في جولته ضمن قضاء جبيل: (4 نيسان 2019)
(1) شروط 😉
– لازم تعرفو إنّو نحنا من المطالبين، بربط الموازنة بالإقتصاد 👍
– لبنان ما عندو مشكلة عجز مالي عنا مشكلة عجز تجاري👌
– التيار أحد شروطو لإقرار الموازنة التزام سياسي محدّد على بعض الخطوات المعروفة حتى نقدر نعالج الخلل بالميزان التجاري،ويللي الصناعيين بيعرفو 💯
(2) إنتبهو 😉
– إنتبهو منيح، 4 مليون نسمة ونص (زدناهم شوي) الن 120 ألف عسكري، ومساحتو هالقد صغيرة.. في 136 معبر غير شرعي للتهريب، وبيَعطونا لائحتُن بالمجلس الأعلى للدفاع.. 🤫
– هالمعابر هييّ اللي عم تخرب إقتصادنا، ونحنا ما بدها غير قرار سياسي أمني إنّو يتسكرّوا 👆 وهودي المعابر مش مفتوحين من دون حمايات 😉
– الشعب اللبناني كلّو بزقف للعسكري يللي بياخود التدبير رقم 3، وبعتقد هيدا العسكري أهمّ يكون عَ المعابر من إنو يكون شوفير عميد أو زوجة عميد، أو زوجة سياسي.. 🎯
(3) تحرير الإقتصاد 🇱🇧
– يللي عم يمنعنا إنو نحمي إقتصادنا وصناعتنا هوي العقل السياسي بلبنان يللي بخاف يزعّل الخارج 👍
– كل ما بدك تحمي منتج بلبنان، في دولة بدك تزعل منك برا.. ما نزعّل الشعب اللبناني أهم بكتير من إنو نزعّل سفير.. 💯
– إنتبهوا منيح متل ما حررنا قرارنا الوطني نحنا اليوم أمام معركة تحرير قرارنا الإقتصادي من الهيمنة الخارجية 💯
وكان أكدّ باسيل في جولته بلقاء مع شباب وطلاب جبيل، مشيراً الى أنّ شباب لبنان هم الأساس، وإذا كانوا بخير يكون الوطن بخير. ✔
(جولة رئيس التيار الوطني الحر في جبيل – لقاء مع صناعيي جبيل في مصنع ميلينيوم للمنتوجات الورقية، 4 نيسان 2019)
https://youtu.be/chzvrGl8vxs
