– أحبائي ما بحقلّي قول مسامحك الاّ إذا كان تائب.. والاّ بكبرّلو براسو..

* ♰ *

مقطع فيديو للمطران الياس سليمان عن أهمية الغفران (نيسان 2019)

♰ ما في حب يوازي جزء بسيط جداً من الحب اللي عطانا ياه المسيح عَ الصليب، وطلب من الآب، “إغفر لهم يا أبتي لأنهم لا يدرون ماذا يفعلون”..

https://youtu.be/gooA7wOWfnQ

عَم يِعذرُن، اللي بحبّ بيعذُر..

♰ بمحل تاني المسيح بقلك: إذا خيّك أخطأ الك.. روح بينك وبَينو عاتبو.. وبس يرجع إغفرلو.. ما تردّ عنّو الغفران، بس لازم يتوب حتى ياخود الغفران.. 

إذا ما تاب ما في غفران، لو عطيتو ياه.. من هيك إذا منحبّ بعضنا بعض محبة حقيقية، نساعد بعضنا ونعطي الغفران…

♰ حتى نوصل الى مرحلة ناخود الآخر للغفران، هي الحقيقة. وأهم مصالحة هو الحوار والمُصارحة. وبالمصارحة تتمّ المصالحة، وبتنشال اسباب يكون الشخص بوضع خطيئة.

♰ أحبائي ما بحقلّي قول للآخر، مسامحك الاّ إذا كان تائب.. والاّ بكبرّلو براسو، ووديتّو عَ جهنم بدَفشة أقوى.. بدّي قلّو خطيت، انا بسامحك ولكن غيّر.. وتوب عن خطيتك قدام الله، لأنو كل خطية هيي ضدّ الله وضدّ الإنسان أيضاً. 

♰ بدّي ميّز بين واحد زعلان مني، وما قدرت صالحو لأنو ما بدو.. أنا ما عدت مذنب.. بجي بتناول وضميري مرتاح… وضل فاتح الباب لمجال المصالحة، إذا صار في مجال.. يعني أنا حاولت وما في ثمرة.. 

♰ إذا شخص كل ما التقيت فيه، بدّي أوقع بالخطية، بدّي بعّد عنو لأنو القضية مش لعبة.. من هيك بدو يكون عندي فطنة وحكمة.. بّو يكون مسار حياتنا سهرانين عَ المغفرة الحقيقية.. والله بيَعطينا المغفرة نهر فياض. ونحنا ما منِقدر نشرب من هالنهر الاّ إذا أخدنا وشربنا.. وهالشرب هوّي التوبة.. ومن هيك الأبونا موجود بكرسي الإعتراف.. 

https://youtu.be/gooA7wOWfnQ