بالفيديو – جميل السيّد: اللبناني مش غشيم، وعشوائياً وزارة المال قدمت طروحات لا تُدرك معناها 😉

– متل صاحب بناية بيلعب قمار وببعزق، بفكر ينزل عَ الناطور ياخود نص معاشو.. 💯

***

مقتطف من حديث النائب اللواء جميل السيد من قصر بعبدا بعد لقاء وفد النواب الضباط المتقاعدين بفخامة رئيس الجمهورية العماد ميشال عون: (1 أيار 2019)

(1) تصويب 🎯
– وزارة المال ومصرف لبنان حاملين أمانة المال، وغيرُن أمانة القطاعات العامة، وغيرُن حامل أمانة الأمن 👌
– مش سرّ على أي مواطن أنّ الذين يحملون كل تلك الأمانات باستثناء الأمن قد فرّطوا بالأمانات الموكولة لهم 👍
– مع مساعي إقرار الموازنة ومع التصريحات توحي للرأي العام بانو سبب هدر الدولة معاشات القوى الأمنية والمتقاعدين 🤔

(2) ما حدا غشيم.. 😉
– ما في لبناني غشيم، وما بيعرف إنو الهدر بالدولة مكامنو بكل الأمكنة وأقلّه في المؤسسات العسكرية 👌
– هذا التصوير يضرب معنويات الجيش، لأنو معنويات العسكري جوا مربوطة بمعنويات العسكري برا، وعائلاتن.. 👆
– نحنا كمجموعة ضباط نواب، برأينا المبدأ العام يجب على الدولة أن توقف كل مصادر الهدر قبل أن تقترب من جيب أي مواطن ✔
– هودي متل صاحب بناية معو مصاري بيلعب قمار وببعزق، آخر شي بس يفقر شوي، بفكر ينزل عَ الناطور ياخود نص معاشو.. 💯

(3) تمني 👍
– تمنينا ع فخامة الرئيس على ضوء التصريحات المغلوطة اللي عم تطلع من مسؤولين بالدولة، ومع الأسف بقولو أن لا مس بحقوق العسكريين ، بمجلس الوزراء مبارح كلنا اطلعنا عَ بعض النقاشات التي أشارت الى المسّ بالتدبير رقم 3 🙁
– في حل وقفو تدبيررقم 3، وردّو الجيش عَ الثكنات، لأنو بس بدّ تحطو عَ الطريق بدك تدفعلو أعباء الأخطار وبعدو عن عيلتو.. وياخود التعويضات

– بما إنو مشروع الموازنة المطروح بمجلس الوزراء لم يمرّ عَ وزير الدفاع كما صرّح، ولم يستشر الجيش بالشكل الدقيق.. 👍
– عشوائياً وزارة المال قامت بإقتراحات وطروحات لا تُدرك معناها ونتائجها عَ صعيد العسكريين بالخدمة الفعلية وبالتقاعد.. 💯
– تمنينا عَ فخامة الرئيس أن يعيد كل النقاط بالموازنة المرتبطة بالجيش والمتقاعدين والأجهزة الأمنية الى وزارة الدفاع، وهم يعلمون اكثر من غيرهم أين يجب أن يخففو من التكلفة والمصاريف👌

(الخلاصة)
الإصلاح من فوق أوفر عَ الناس وعَ البلد من إنو يشوفو وتقومو شي يوم الصبح تلاقو الناس عم تقلب الطاولة عليكم..✔

https://www.youtube.com/watch?v=bXAS-8nyaoM

(وفد النواب الضباط المتقاعدين – قصر بعبدا، 1 أيار 2019)