بالفيديو – مالك الشريف: مبروك للدولة إيرادات مزاد العلني بمرفأ بيروت..✔

– بدري ضاهر يُطلق المزاد العلني لتفعيل إيرادات الدولة: نحنا اليوم بعهد جديد.. 👌

***

مقتطف من حديث مدير عام الجمارك اللبنانية بدري ضاهر، قبيل المزاد العلني في مرفأ بيروت، لبضائع متروكة ولم يستلمها أصحابها: (25 نيسان 2019)

(1) عهد جديد 💯
– ما بحب إرجع لورا، بحب حطّ زيح وبقول، المشاكل كان الها ظروفا.. ما ننسى إنّو نحنا بعهد جديد.. 👌
– في نفَس جديد، وفي بيان وزاري جديد، وفي تفعيل حكومة جديد، وآدائنا عَم يتغيّر من ورا الظروف اللي عَم تتغيّر، وتعليمات عَم ناخدها من وزير المالية، ودعم منُّو..👌
– وزير المالية عم يقول، شوفو شو بدكم تِعملو تنحسّن وضع الخزينة.. وإنتو شايفين كيف عَم نشحتف من هون وهون حتى نرشّد النفقات.. 💯

(2) ترشيد النفقات.. 🎯
– بداية بدنا نفتّش علىا لمصاري الضايعة تبعنا..
– البضاعة المتروكة هون، هودي مال ضايع، وكنّا عَم نخسرُن.. عم نجرّب نجيبُن، ونستغلّن اليوم قبل بكرا.. وخاصة إنو بكرا عندُن فايدة 🙏
– ما كان يصير هيك، لأنو كانت الإجراءات بيروقراطية، وكنّأ حتى نخمّن “الكونتينر” بدنا 6 أشهر..!! 😞 اليوم عملنا مسار 1-2-3.. وبسّطنا الإجراءات ونسقناها.. ✔

(3) الإيرادات.. 💵
– عم نِحكي هلق عن تخمين مُقدّر حوالي 3 مليار ليرة اليوم.. ويمكن المزاد الجايي يكون أكبر 👏
– في عنا 84 “كونتينر” حالياً.. اليوم في بضاعة برسم الداخل للبنان، وفي بضاعة برسم الخارج.. لأنو فيشي ممنوع يدخل لبنان متل البلاط الرخام المقطّع لحماية الصناعة اللبنانية، وبالتالي اللي بدّو يشتريه بدّو يعيد تصديرو.. 👌
– في 100 سيارة نصن برسم الإستهلاك المحلي، والبقية ممنوع يدخلو لبنان.. والتنين بينباعو وفي حرية من الرسوم.. 👌

– ما حدا يتساءل ليه متروكين..⁉
كل شغلة متروكة الها مبرر.. إمّا عند المستورد وإما مش موجود المستورد، أوقات بكون عليها تكلفة، ومفكّر إنّو في إعفاء من الرسوم..
– اليوم 4 “كونتينر” مع بعضن بإرسالية واحدة، وبوليصة وحدة.. منها كراسي طبية وأدوات طبية.. 🙏

– نحنا بالمزاد العلني، ما منبلش بالسعر.. الناس هيّي بتبلش بالسعر ✔

https://youtu.be/6hoC-DJMinc

(مدير عام الجمارك اللبنانية قبيل المزاد العلني لبضائع متروكة ولم يستلمها أصحابها – مرفأ بيروت، 25 نيسان 2019)