بالفيديو – باسيل: بدّو واحد يقول عمِل بطولة، في يوقف قدام المراية ويعرض عضالاتو ويجيب كاميرا ويتصوّر😉

– إذا كل الوزرا بدُّن يشتغلو بس بوزارة الطاقة، يخبرونا شو بدن يِعملو بوزاراتُن 😉

***

مقتطف من حديث رئيس التيار الوطني الحرّ جبران باسيل، بعد إجتماع تكتّل لبنان القوي (الجزء 1 – نيسان 2019)

(1) الإنجاز 👈
– عم نِحكي كلنا سوا عملنا إنجاز بخطة الكهربا، عظيم.. بس مين بدّو يدفع خسارة هالمليارات للشعب والدولة اللبنانية👌
– اليوم إقتنع اللي عَم يعرقلو إنّو ما بقا في إمكانية للعرقلة، صارو بدُّن يتبنّوا خطة عاملتا وزارة الطاقة.. كتير منيح.. ولو الملخص تبعا التنفيذي 30 صفحة وإذا حدا غيّر فيها كلمة، (وما حدا غيّر كلمة) لنفترض إنّو هالكلمة هيّي إنجاز رغم إنّو الخطة شغل سنين عمل، صَحتين عَ قلبو يللا نتشارك وايّاه الربح طالما هوّي لكل اللبنانيين💯

(2) إدارة المناقصات
– سنة 2010 لمّا أقرّت خطة الكهربا، نحنا اللي رحنا عَ إدارة المناقصات، وكانت تصير المناقصات بمجلس الإنماء والإعمار، وهجمو بوقتا علينا تيار المستقبل واللي كانو معُن.. 😉
– بوقتا طلبنا إنّو المناقصات تصير بإدارة المناقصات، لأنو في ديوان المحاسبة ورقابة سابقة ولاحقة 👈
– اليوم نحنا بوضع مختلف، لأنو بالقانون المناقصة بتصير بمجلس الأعلى للخصخصة 👌
– قديه في وزارات واليوم أصحابا عَم يطالبو بالإعلام.. عَم يِعملو المناقصات.. وبمئات ملايين الدولارات.. وإذا رح يِحكو رح نسمّيهُن.. 😉

(3) البطولات
– الخطة واضعتا وزارة الطاقة من سنة 2010، وكل الباقي كلام وبطولات وهمية.. ✋
– القصة تبدأ يا وزير آدمي أو مش آدمي.. وبمجلس الوزرا قلنالُن: يا ما في وزرا قاعدين عَ الطاولة بيَعملو مناقصاتُن بإدارة المناقصات، وفيها ما فيها من تزبيطات 👌

– نحنا اللي طلبنا دمج الحلول المؤقتة بالدائمة.. عمِلو معروف بدّو يطلع واحد يقول إنّو هوي عمِل بطولة دمج.. في يوقف قدام المراية ويعرض عضالاتو ويجيب كاميرا ويتصوّر هوي والمراية والكاميرا.. 😉

(4) أمثولة 🎯
– اللي صار أمثولة لكل واحد يروح يشتغل بوزارتو ، ويِعمِل شي بوزارتو💯
– إذا كل الوزرا بدُّن بس يشتغلو بس بوزارة الطاقة.. يُسألوا شو بدُّن يِعملو بوزاراتُن..😉

https://youtu.be/Z1TczSIQ6os

(تكتّل لبنان القوي – 9 نيسان 2019)