بالفيديو – باسيل: بالإنتخابات الجايي بدّو يكون للتيار نائب بزغرتا، ويوسف بك كرم بيشبه بتاريخو عون 👆

– التيار لا يَعزل أحد ولا يُعزل من أحد.. للأسف ولا مرة عطلنا مشاريع منيحة بالبلد، بس الكل يتقاسمو يعطلونا، يمكن نجاحنا بيشعر الآخر إنو عم ينأذى..

***

مقتطف من حديث رئيس التيار الوطني الحر جبران باسيل في جولة له في قضاء زغرتا: (7 نيسان 2019)

(1) 🇱🇧 لبنان 🇱🇧
– الوطن أكبر من الحزب والتيار، وأكبر من المنطقة ومن الطائفة والمذهب 💯
– نحنا منضل متل ما نحنا، إن كنّا بالمنفى أو برئاسة الجمهورية، التيار الوطني الحرّ بضلّ بروحيتو النضالية ✅

(2) التيار ✔
– مشروعنا مقاومة الفساد، وكسر الفساد، ورح نضل لاحقينو حتى نستردّ للناس، متل ما رديّنالُن حريتن والسيادة، بدنا نردّلن أموالن المنهوبة لأنو لبنان مش بلد فقير، لبنان بلد منهوب 😉

(3) القبول بالآخر 👈
– بدنا نتعوّد إنّو نقبل غيرنا، وغيرنا بدّو يقبلنا 💯
– التيار ما بيِعزُل وما بينعزِل، ولا يُعزَل.. 👆
– نحنا بدنا نزيد من العطاء، ونمدّ إيدنا للكل بزغرتا الزاوية 👌
– بدنا نشتغل متل ما التيار بكل لبنان، وبدنا نفكر لو ما عنا نائب مباشرة للتيار الوطني الحر، ولو عنا نائب صديق.. بس في عنا مشروع نائب وبالإنتخابات الجايي بدّو يكون عنّا نايب للتيار الوطني الحرّ بزغرتا الزاوية 👆

(4) 🤚فكر جديد ✋
– ولا مرة عطلنا مشاريع منيحة بالبلد، بس الكل عم يعطلونا، أو كل محل واحد بنقّي يعطلنا بمطرح 🙁
– يمكن نجاحنا بيعتبر البعض بيئذي.. 🤔 لكن نجاحنا عَ المستوى الوطني أو المناطقي هوي نجاح لكل الناس، مش نجاح لفئة على فئة 👌 وهيدي المصيبة الكبيري بهيدا التفكير العقيم.. إنّو إذا منخلّي حدا ينجح بعمل عام منحاربو 😉

(5) زغرتا 🇱🇧
– هيدا القضاء للبطريرك دويهي يللي هوي مشروع قداسة للبنان 🙏
– هيدا قضاء يوسف بك كرم، يللي بيشبه بتاريخو العماد ميشال عون 👆

https://youtu.be/3LS7MaEu-xc

(جولة رئيس التيار الوطني الحر في قضاء زغرتا، 7 نيسان 2019)