Agoraleaks Agoraleaks
– كهربا لبنان وفواتير مدفوعة من 20 سنة يُراد تسديدها مرة ثانية.. والُن عين.. 🤔
***
في تعليق ملفت من الناشط فؤاد العضم عَ موضوع فواتير كهربا لبنان وقطع التيار، كتب عبر صفحته الخاصة:
مبارح قطعوا الكهرباء عن بيت منعرفو وصاحب البيت كان بالشغل… بيتصل الناطور بصاحب البيت تا يحكي مع الجابي. تبين إنو متوجب على صاحب البيت فاتورة من ٢٠١٦ مش مدفوعة. فقطع الجابي الكهرباء!!!!
ترك صاحب البيت شغلو ونزل على شركة الكهرباء دفع ١٩٨ الف ليرة واكرامية للجابي ليرجع يوصلها!!!! وما فيك تحكي ولا كلمة…قال فاتورة عمرها ٣ سنوات!!!!!🤔😃
الظاهر بلش الإصلاح مع إنو عم ينحكى بشركات ستعفى من ١١٥ مليون دولار غرامات متأخرة!!!!!!! المواطن العادي ما بينعفى!؟ 🤔
ولأن “للحديث تتمة، مع السيد فؤاد عضم، وصل موقعنا شكاوى مواطنين من بلدات في قضاء البترون، وجود تسديد فواتير مسددة منذ 20 سنة… بحجّة أنّ الجابي سرق الأموال.. فيُطلب من الناس تسديدها مرّة أخرى.. 🤔
حبيباتي إذا الدولة مفلسة.. روحو جيبو المصريات من السارقين.. .. 🤔
وقبل ما تطلبو من يللي عَم يدفع ضرائب.. ما لمّو الضرائب من المناطق اللي ما عَم تدفع.. 🤔
