بالفيديو – وليد الأشقر عن القوات: للأسف شغلن نكايات، أي ملف للتيار بينجح للتيار بعرقلوه😞

– سعر الكهربا من سورية أغلى من البواخر.. وما حدا بيعترض سيما المزايدين ضدّا 🤔

***

مقتطف من حديث عضو المجلس السياسي في التيار الوطني الحر وليد الأشقر لقناة الـ”otv” ضمن برنامج “أجندة”: (4 نيسان 2019)

(1) الكهربا 👈
– بما إنّو لبنان ما عندو كمية طاقة كافية، عَم نشتري طاقة من سورية، وسعر الطاقة من سورية أغلى من سعر البواخر بِ 25% ، وما شفنا حدا إعترض عَ شراء الطاقة من سورية 🤔 بس بيعترضو عَ شراء الطاقة من البواخر 😉
– من البواخر عم نشتري طاقة كهربائية ✔ والبواخر مرحلية حتى يتمّ إنشاء المعامل 💯

(2) التيار الوطني الحر ✅
– رفعنا شعار مكافحة الفساد من سنوات عديدة، إنما الأدوات ما كانت موجودة بين إيدينا..
– الآداة الأساسية لمكافحة الفساد هوي القضاء، وفي بعض القضاة نزيهين بشكل مميز، ولكن.. في قضاة فاسدين وعَم يعرقلو مسار ملاحقة الفاسدين.. 😟

– لمّا نِقدر نوقف القضاة الفاسدين، ونصير نحاسب كل شخص.. ساعتا منكون مشينا عَ السكة الصحيحة 💯

(3) القوات/ التيار
– للأسف عَم يبيّن إنّو الملفات الخلافية اكتر من الملفات المتفقين عليا..
– ما عَم نشوف إنو القوات عَم يشتغلو بطريقة موضوعية، عَم يروحو بشكل نكايات، إنّو وين في ملف رح ينجح في التيار بعرقلوه.. 😞
– ما شفنا القوات عِملو خطة ولا بأي وزارة وإعترضنا..

https://youtu.be/KsFfwp2kV80

(أجندة otv، نيسان 2019)