بالفيديو – الأب مجدي علاوي راح عَ مديوغوريه معتزل ورجع.. رح كفّي بالرسالة، ومش رح رد عَ حدا.. 🙏

– شو صار..؟؟؟

***

مقتطف من حديث مؤسس جمعية سعادة السماء الأب مجدي علاوي لقناة “نورسات”: (آذار 2019)

(1) السلام 🙏
– “مير – مير – مير” الكلمة اللي رددتها العدرا بمديوغوريه للشهود، وتعني السلام السلام السلام..
– السلام هوي الوحيد اللي يُلغي الخوف، وبذات الوقت قلنا يسوع 365 مرة بالإنجيل “لا تخف”..
– العدرا في وقت محدّد تعزم الإنسان عليه حتى يروح عَ مديوغوريه.. وأنا شخصياً 28 مرة رحت عَ مديوغورية، ولكن بآخر مرة أول مرة طلبت من أصدقاء مريم ملكة السلام، انو رايح إعمِل رياضة روحية وبس.. 🙏
– كنت تعبان بوقتا، وكتبت عَ الفايسبوك لكل السياسيين، أنا بِعتِذر منكم، صرلي 20 سنة بنتقدكن، وأنا بهمني الرحمة مش القانون، وكتبت للمسؤولين الروحيين إنّو رح إعتزل سعادة السما..😞

(2) مديوغوريه ⛪
– بمديوغوريه ما زبط تشريج التلفون بالأوضة.. نزلت عَ “reception”.. بيجي شب لبناني فالِل من “مركز للمدمنين عَ المخدرات” (سيناكولو)، وعم يقول “ما بدي إبقا هون، وبدي فل عَ لبنان.. 😞
– أنا كمان دخلت عَ الخط، وقلتلو “إنتا جيت عَ أهم مطرح بالعالم”… وكان رافض، وعَم يقول: “خلص ما بدي”، وبدو يرجع عَ لبنان.. 🙁
– مع إصرارو أمنولو العودة بآخر الأسبوع.. ولكن هون، بقِلها بس وين بدي نام..!!؟؟ 🤔
– هون دخلت أنا، قلتلو “بتنام عندي”.. ((وهالحادثة كانت متل كف الي، لأنو يسوع عَم يقلي إنتا عَم تهرب..))

(3) الصرخة 👈
– ما بدُّن يشتغلو ، وما بدّن حدا يشتغل
– نجحت مع المدمنين لشو فتحت هودي المراكز… مش عَم إعمل سبق.. ومش عَم إعمل تقول أنا عمِلت..
– نحنا البشر نسينا أهم قضية يللي هيي الإنسان، وصار أهمّ شي التنظيم، والإدارات، والكاتدرائيات..

(4) التحوّل ✝
– أول 3 أيام ما كان في ياكول ولا يشرب… طلعت انا وهوي عَ تلّة الظهورات حافيين.. ونحنا نازلين شاف حيّة شقرا، قطعت عَ إيدين طفل عمرة سنتين، واختو حافية عمرا 4 سنين.. لكن هيدي الأرض اللي عم تظهر فِيا العدرا حتى الحيّات تركع وبتزحف تحت إجرين العدرا 🙏
– كان قبل المناولة يِخرم.. ولكن كنت قلو، بتضلّ لحتى المناولة ومن بعدا نضهر.. وكمان وقت السجود القرباني ما كتير يقدر يتحملها..
– ورجعنا بالنهاية عَ لبنان..

(5) ضابط الكل..
– بآخر نهار، رحنا رحلة سياحية، مطرح ما كانو يقتلو الرهبان ويزتوهُن بالنهر.. بتلاقى بتلات ولاد صغار، واحد منُّن بيجي يقلي: أنا جوعان 😟
– هون بتنزل دمعتي، وبركع وبغمرو.. وبالفعل بشكرك يا عدرا وبشكرك يا يسوع، أول نهار عرفتني عَ مدمن حتى تقلي أنا إخترتك حتى تكون مع المدمنين بالعالم، وبآخر نهار ع الجوعانين.. 🙏

(الخلاصة)
– رح كفّي بالرسالة، ومش رح رد عَ حدا..
– ولا مرة العدرا بمديوغوريه، الاّ ما كانت عَم تقول صلّو وصومو وقدسو.. وكل همّا تدلنا عَ إبنا.. وأكتر مطرح منشوف فيه ناس بتوقف عَ كرسي الإعتراف هوي بمديوغوريه.. ⛪

https://youtu.be/kNjkQU2mSoE

(مؤسس جمعية سعادة السماء – نورسات : آذار 2019)