بالفيديو – عون: كلشي يبدأ بحلم وبتصير كلمة.. الناس اللي عندُن إقدام ومحبة يتغلبون الصعوبات.. 👆

– أنا من يللي بقدّرو جمالات الطبيعة وبحبو يحفظوا الشجر ويزيدو عددو بلبنان..

***

مقتطف من حديث فخامة الرئيس ميشال عون في حفل إطلاق حملة “مشي لتحمي” لحماية درب الجبل اللبناني: (القصر الجمهوري – بعبدا ؛ 28 آذار 2019)

(1) الحلم 🎯
– كلشي يبدأ بحلم، والحلم بصير كلمة.. والكلمة بيسمعوها ناس عندُن إقدام ومحبة حتى يغلبو الصعوبات.. هيدا هوي مشروعكم

(2) “مشي لتحمي” 🌳
– مشروع حوّل الحلم لحقيقة، وهلق كلنا سوا عم نشارك بهالحقيقة اللي حطيتوها عَ الأرض
– حكيتو كتير عن المشروع، وعن فوائدو، بعتقد إنّو هالشي صحيح 100%، وأنا بمخيلتي عَم شوف قسم من هالطبيعة لأنو كل حياتي المهنية قضيتا بمهمات بالجبل او بالسهل.. وأنا من يللي بقدّرو جمالات الطبيعة وبحبو يحفظوا الشجر ويزيدو عددو على الأرض اللبنانية..

(3) 🇱🇧
– هالمسار بس يمشو اللبنانيين بصيرو يحبو وطنُن أكتر..
– بصيرو يقدرو جمالو وبيتعلقو فيه، والقرى بترجع تحفظ الناس فِيا، لأنو الناس اللي بتمرّ فيها بتصير تكسر الوحدة اللي عايشينا..

أهنئكم على تحقيق حلمكم على أقدامكم، وعلى تغلبكم على الصعاب وعَ صبركم.. هنيئاً لكم بالحلم اللي تحقق، ورح نتحقق فيا متل كل زوارنا والله يوفقكم..

https://youtu.be/7nOYWcTEgfs

( “مشي لتحمي” لحماية درب الجبل اللبناني.. القصر الجمهوري – بعبدا ؛ 28 آذار 2019 )