بالفيديو – الأب جورج حبيقة عن لبنان التلاقي 🇱🇧: صار ببيروت معركة، ضلت 3 أيام.. لو في وجود أجنبي كانت بيروت تهدّمت.. 

– تنقية الذاكرة يعني.. حتى ما تتسلل عَ حاضرنا وإنتظاراتنا.. 🙏
– المُتشائم ما رح يغيّر الواقع لو معو حق….🤔
– على 300 آلاف سنة، طلع في 271 سنة رواق..⁉
– عن لبنان والتعددية.. 🇱🇧 ووضع الكنيسة الروسية والمارونية.. والموت والكلمة/ الحدث/ مصالحة الله-البشر ✝  وقصة قايين وهابيل رمزياً.. 😞

* ♰ *

مقتطف من حديث الأب البروفسور جورج حبيقة، رئيس جامعة الروح القدس – الكسليك، لقناة الـ”OTV”، ضمن برنامج “حوار اليوم” – الجزء 4 : (2 آذار 2019)

الرجاء

• مش كلشي بتكتبو عَ المكتب، وبتطلَع بخلاصة، سيخضع له الواقع..
• بالواقع في تعقيدات، وفي متغيرات بالتاريخ لا يمكن السيطرة عليها..
• أد ما يكون عندك تحاليل مميزة ودقيقة، ولا مُمكن تأثّر عَ الواقع، لأنو عندو تيار وقوة داخلية تسيرّه بشكل غير متوقّع..
• لنعطي مساحة للإندفاع والحماس ولفرح الوجود.. هودي اللي بغَيرو الواقع..

الإنسان/ تنقية الذات

• ما فينا نبشّر بالتَخَندق، وبالتَشرنق.. الإنسان كائن علائقي…
• كلنا واقعين بالمشكلة ذاتا، عنا النقص.. وعنا مشكلة تنقاية الذاكرة.. وأنا بقلُّن لطلابي: “لا تدعوا التاريخ وويلاته يتسلل الى مربّع أحلامكم، وإنتظاراتكم“. وقاداسة البابا يوحنا بولس الثاني استخدم المصطلح الجديد بأول خطاب الو للأمة الإلمانية “تنقية الذاكرة”
• تنقية الذاكرة مش يعني النسيان.. لكن أن تستعيد الماضي وويلاته وتمنعه من التسلل الى الحاضر مجدداً..

روسيا

(أ) كنيسة مارون الأرثوذكسية

عودة المسيحية الى روسيا عودة مميزة، رِحنا عَ كنيسة مار مارون الأرثوذكسية في موسكو، كَون القديس مارون من قديسي قبل الإنقسام الكنيسة، وهوي شفيع للكنيسة الجامعة.. وكانت الثورة البولشفية حولّوها الى كاراج لتصليح السيارات، ومع سقوط الشيوعية عادوا ترميما ورِجعِت كنيسة رائعة، وعندُن مجلة فَصلية تتوجّه للأطفال برعية مار مارون، يسمونّها “Marounitse” يعني باللغة الروسية “الى الأطفال الموارنة الصغار”… واستقبلنا قائلاً: نحنا سعداء كموارنة موسكو أن نستقبل موارنة لبنان..

(ب) كنيسة Christ the Saviour

https://www.youtube.com/watch?v=M_hxkvzut28&feature=youtu.be

تمّ إعادة ترميم الكنيسة وفق الطريقة القديمة، وهي أكبر كاتدرائية في موسكو، ومتميزة ليس بالأيقونات البيزنطية الروسية، بل باعتماد الفن الإيطالي..

ومع تحويل الكاتدرائية أثناء الثورة البولشيفية الى أكبر بركة للسباحة في العالم، (( إنتقلوا من تسبحة الله ، الى السباحة )) أعادوا بنائها بمبلغ مليار $.. وهذا الأمر له دلالاته..

هناك شعلة إيمانية لدى الروس كبيرة، وعندُن تراث فكري لاهوتي عظيم..

لبنان / الوسيط

• طبعاً النفوذ بين الدول، ما حدا بِقصّر، مطاحشة الخ.. وما في بلد أحسن من بلد، أنا ما بدي إنظر للتنافس بين الدول، نحنا منفتحين عَ كل الناس، وعَ كل الإرادات الخيرّة، مين يُساعد الدول عَ السلام، ومين يساعد لبنان يسترجِع رسولية كيانو، حتى يصفّي مرجع لهذا الحوار بين الأديان والثقافات واللغات.
• اليوم مساعي الإمارات ممتازة، أد ما فينا نحنا نوزّع رسالة لبنان عَ كل الدول…
• لبنان البلد الوحيد يللي ما في دين للدولة بجامعة الدول العربية. ولبنان الدولة الوحيدة اللي بيحترم كل الأديان. وبلبنان منعّيِّد الأعياد المسلمة، والمسيحية بالتساوي، وكل البلد بعيّد أعياد الكل..
• لبنان لا يمكنه أن يكون مسلماً، ولا مسيحياً،
  هيدا البلد موجود للتلاقي،
  ونشالله الدول العربية ككل يلحَقونا، لأنو ما لازم ابداً يكون في دين للدولة.. بكل بلد في تنوّع، ليه بدّك تفرض دين معيّن عَ الجميع..

دعوة

• أدعو بعض اللبنانيين، للخروج من شرنقتهم، المصائب حالّة بكافة دول العالم.. ساعتها بيِقدِر يتحمّل أكتر..
• مش عَم إدعي اللبنانيي يكونو خانعين، ينتفض بس بشكل راقي وحلو ضمن الـ “Evolution” مش الـ”Revolution”.. ما نِعمل ثورة بل نوع من تطوير..
• مهم كتير يكون عند الإنسان إيمان ورجاء قبل أي عمل..
  أي إنسان لمّا يتزوّج، ما بكون عندو رجاء يكون سعيد.. أو ما بيتزوّج..
  لمّا تجيب العيلة ولاد.. بكون عندا فرح مسبق إنو الولد رَح يزرع الحياة بالبيت..
• الإنسان يعيش الإنتظارات.. والاّ ما بقوم بأي عمل.. من هيك يجب أن يتحلّوا اللبناني بانتظارات جيدة، وفرح الوجود، والقول، إنّو اليوم الأجمل هو الآتي…

عدالة الموت

• فيني أطلب من المتشائم والحزين والمُحبط يغيّر الواقع.. حتى لو معو حق.. تشائمو ما بأدّي لنتيجة.. والمريض اللي بعد جمعة بدّو يموت، عطيه معنويات بعيش 4 أشهر..
• أعدل شي عند الإنسان الموت، ما في حدا يعمل واسطة، ولا فيك تزمط منّو.. وما في ناس يموتو وناس لاق..

الموارنة

س: هل الكنيسة المارونية ما زالت وفية لرسالتها، وتراث قديسيها..؟؟

• نعم، ومنلاحظ إنّو أشخاص شباب وأغنياء، فجأة بيجمَع أهلو ( بعمر 28-29 سنة) وبقلُّن: “كل هالعالم ما بقلي شي.. بيترك كلشي وبيدخل الرهبانية..
• ناس بتخلص إختصاصات عالية بالجامعات، عَم يتركو العالم ويِجو عَ الرهبنة.. مين عَم يجيبُن؟؟ القديسين.. جايين عَ خطى مار شربل، والحريني، ورفقا..

• كحبساء، اليوم في عنا “داريو اسكوبار” من كولومبيا، كان كاهن ومعلّم الكتاب المقدس، وبعلم النفس بالجامعات الكولومبية.. قِري حياة مار شربل ترك كولومبيا وإجا عَ لبنان… وهلق حبيس بوادي قزحيا (مار أنطونيوس)، بدّك ساعتين مَشي حتى نوصل لعندو.. وبتطلَع السفارة الكولومبية بتقدّس معو..
  كحبسا في عنا يوحنا خوند، وقبلو الحبيس شينا.. وكمان المطران السابق عَ الأرجنتين مرعي قاعِد بمحبسة طاميش..
• الكنيسة المارونية متل كل الكنائس الشرقية الأرثوذكسية والكنائس السريانة الأخرى فيُن طاقات عظيمة.. والبابا فرنسيس الو عبارة جميلة بهالمجال، قلُّن: “وسائل الإعلام ما بتِحكي أبداً عن الطائرات يللي بتوصل بخير، وبِتكون مارقة بعواصف مخيفة، وبسيطر ربّان الطيارة عَ العاصفة، وبيوصلو عَ المطار كلُّن بخير”.. حدا بغطّي الحدث..!! بيِحكو كلُّن عن الطيارة اللي تقع..

الكنائس

• هالكهنة والراهبات والرهبان العظما بالكنيسة ككل، عَم يقومو بأعمال جبارة، بقداسة مذهلة، وبافناء للذات لإسعاد الناس، في حدا بيِحكي عنُّن..
• القديسة الأم تريزيا دي كالكوتا، راحت من البانيا الى الهند.. والمسيحيين حوالي 30 مليون ضمن مليار و 300 مليون، تُدفن كرؤساء جمهورية الهند.. ليه؟؟ إذاً الله معنا وبيننا، والعناية الإلهية هيّي التي تُسيّر كل شيء..

الكلمة

• كلمة الله تجسدّ.. هيّي أساس كل شيء..
  ونحنا منحكي عبر الكلمة، يعني من خلال الكلمة (Dia-Logos) أتعاطى مع كل الناس. نناقش أمور الإنسان.
• لمّأ إتخلى عن الكلمة، والتجئ الى العنف، هناك هزيمة للإنسان..
• الكلمة صار جسداً.. يعني الله غيّر كل شيء بتجسّده..
  المسيح هو الكلمة… وهو المصالحة بين الكلمة والحدث..
  نحنا كبشر:
  (1) نفكّر بشي
  (2) نقول شي
  (3) نعمل شي
  هناك تمزّق كياني.. إجا المسيح (الكلمة صار جسداً) معو صار “الكلمة – الحدث“، ما في مسافة بين كلام المسيح وبين حياتو..
• نحنا كبشر عنّا أمنية نعيش كلماتنا.. لأنو دايماً عنا شرخ، كما المثل العامي “إقرأ تفرح – جرّب تحزن”.
• إجا المسيح وصار المصالحة المطلقة بين الكلمة والحدث..

التعددية

• نحنا في بلد تعددي، وبالبلدان التعددية، ما الي حق إجرح الآخر، حتى لو كان مُجرم في كرامة الإنسان بالدَق..
• مار بولس يقول ضمن سياق المحبة لأي آخر: “كأنك تَركُن جمراً على هامته”.. بالمقابل إذا جابهت الكره بالعنف، بصير في عندو إستشراس..

الرهبنة المارونية

بأديارنا نرسم خريطة لبنان، واليوم نسعى تعزيزها بالأطراف، بمنجز (عكار) زبّطنا الدير، وصار عنا معهد للإكليريكيين (التلاميذ).. لكن بس زبطنا المركز، صار في حدّ منا كذا بناية وكذا بيت.. طلعو ليه؟؟ لأنو حيث الدير بكون في شعب.. وهيدا الأمر تاريخياً..

متل دير مار مارون – نهر العاصي، نفس الشي، صار في ضيع حواليها…

نحنا كرهبنة مارونية، همنا الأساسي لبنان ككل.. وخاصة الجبال.. طبعاً إمكانياتنا محدودة، أد ما فينا نحافظ عَ الوجود وعَ شعبنا، وكل الناس تتمنى تكون في الجبال مش بالمدن، ما حدا بحب يِقعُد بالمدن والتلوث.. بس بدنا نِخلق مقومات كريمة وشريفة..

البشر وحضارة المدن

هوي تاريخ مأساة، من أولى صفحات سفر التكوين وقصة قايين – هابيل (بشكل رمزي) هناك إختلاف بين حضارتين..

* هابيل عندو قطعان معزي وخواريف الخ..
* قايين بالأرض بالزراعة و في ثبات..

– هابيل تجوال و بَدو.. ما في تعلّق بأي شيء، هنّي بترحال دائم، نفسيتو بِكون فيها صدق أكتر بالتعاطي..
– قايين مستقرّ ، في حضارة ثابتة ، وفي تجارة وتعاطي مع الناس ، و في اللا-الصدق، والتجارة الكاذبة..

* هابيل لمّا قدّم القرابين، قدّم أحسن خروف أو سَعور.. كتقدمة..
* قايين لمّأ قدّم القرابين، جاب الفواكه الرَتش..

الله ما قبِل قرابين قايين (بصورة رمزية) فما قِدِر يتحملها.. وقال: صار عند خيّي هابيل حظوة عند الله.. الحل تبعو كان القتل..

حضارة المدن التجارة والكذب والجريمة.. وتاريخ البشرية كلها حروب بحروب… الباحثين في نشوء الحروب وتداعياتها عَ الناس، درسوا بشكل إعتباطي 3000 سنة مقتطعة من تاريخ البشر، حتى يشوفو قديه فيها حرب وسلام..

على 300 آلاف سنة، طلع في 271 سنة رواق.. ومش إنّو سلام، بل تحضير لحروب..

تاريخ البشر كلّو مأساة.. وحدا عَم يتعلّم..!! ليه نحنا البشر نُتقن إنتاج قوى الموت…؟؟

من هون ضرورة..

المسيحي 

لو المسيحيين عَم يعيشو إيمانُن، ويتقنوا قوى السلام ورسالة المسيح، مفروض تخفّ الحروب، لأنو إختصاصُن المسيحي يكونو خبرا بإنتاج الحياة..

لبنان

اليوم قراءتي للأحداث في لبنان، إنّو اللبناني إن كان مسيحي أو مسلم، هنّي الأرقى في العالم.. لأنّو معَودّين عَ التنوّع.. ضيعنا مشتركة ومِنعيّد بعضنا، ومِنعيش مع بعضنا بالحزب والفرح..

إذا بتضهر لبرّا، الناس بتِحسدنا عليها.. والدليل بس خلصت الحرب بلبنان، إجو ناس مسيحيين من السودان عَ لبنان، تفاجأوا فينا، إنّو من بعد 15 سنة حرب، وقتل عَ الهوية، كانو يقولو: رجعتو تعيشو مع بعضكم..!! موائد مشتركة، وحفلات مشتركة.. نحنا بالسودان ولا ممكن نتصورها..

بناوتي – جزين

لبنان شو هالبلد العجيب الغريب.. ليه لأنو كانت الحرب مفروضة علينا، “حرب الآخرين عَ أرضنا”.. من هيك بس راحو قاعدين مع بعضنا..

باحثي التاريخ يشوفو حقبات لبنان، أيمتى اللبنانيي حاربو بعضُن ودخلوا بصراعات دموية، بس يكون في حضور عسكري أجنبي.. وصار بلبنان معركة عسكرية بين فريقين، قديه بِقيت؟؟ ضلّت 3 أيام.. بس لو كان عندك وجود عسكري أجنبي، كانت بيروت تهدّمت..

بس نكون لحالنا، الصراع بكون محصور بالزمن.. جونا اللبناني منّو دموي.. الحَوالينا عندُن تاريخ دموي..

أنا من منطقة جزين أثناء الحرب ما صار شي أبداً.. بس المناطق صارت مجزأة ومقسمّة، والناس ما تعرّض حالها وما تروح.. في حَد منّا ضيعة إسما “بنواتي” من إخواننا السنّة، ونحنا عايشين عائلة وحدي، وكانو يحافظو عَ دير مشموشة أكتر منّا، وكان جامعنا..

بالأحداث كانو يِمرقوا عَ أصدقاؤن المسيحيين، يقولولُن: ما تعرضو حالكم بصيدا، لأنو في معاملات.. نحنا منعملها معكم.. إذاً المسلم عندو همّ المسيحي، والمسيحي عندو همّ المسلم.. هالشي راقي جداً.. إذاً هيدا البلد ما بِموت…

هذا البلد العظيم لبنان لا يموت.. نروح عَ بلدان العالم، وشوف الخوف من الآخر..

https://www.youtube.com/watch?v=M_hxkvzut28&feature=youtu.be

***

الأب جورج حبيقة: عنا صحفيين مجبولين بالتشاؤم، أسعد لحظات حياتُن يوصلّك النبأ التعيس 😉 ويفرفِح 🙃

بالفيديو – الأب جورج حبيقة: عنا صحفيين مجبولين بالتشاؤم، أسعد لحظات حياتُن يوصلّك النبأ التعيس😉 ويفرفِح 🙃

الأب جورج حبيقة: اللي آخِد شهادتو بحق، عم ينوضَع بمستوى شهادات “Boutique Diplôme” 😞 فكيف ستكون الدولة؟؟

بالفيديو – الأب جورج حبيقة: اللي آخِد شهادتو بحق، عم ينوضَع بمستوى شهادات “Boutique Diplôme” 😞 فكيف ستكون الدولة؟؟

الأب جورج حبيقة: البَسملة جوهر الله بالقرآن 🙏 والرجاء المسيحي يتغلّب عَ العقل نحو الأفضل 🙏

بالفيديو – الأب جورج حبيقة: البَسملة جوهر الله بالقرآن 🙏 والرجاء المسيحي يتغلّب عَ العقل نحو الأفضل 🙏