بالفيديو – هشام كنج: عون عمل رئيس جمهورية كرمال لبنان، حتى يِعمِل إصلاح ويبني بلد 👆

– شككتو قبل ما بيرجع عون ورجع.. وقلتو “ما بشوف رئاسة الجمهورية” وشافا.. التغيير جايي.. ✅

***

مقتطف من حديث الناشط في التيار الوطني الحرّ هشام كنج، لقناة الـ”otv”، ضمن برنامج “حوار اليوم”: (15 آذار 2019)

(1) التاريخ
– ما فينا ننكرو.. ما عَم نوجّه شي ضدّ حدا، بالعكس بدنا نِجمَع البلد ونكون كلنا إيد وحدي 👌
– الواحد ما في يِنكُر التاريخ، لازم نضل عارفين شو صار..؟؟ اللي كانو واقفين ضدّ العماد عون سنة 1989 بِ 14 آذار وواجهوه عسكرياً ومن كل النواحي صارو بدُّن يقولو هني 14 آذار وعَ شوي ما بدُّن يانا موجودين 😞

– لوين وِصلو..؟؟
– وصلو لتأخير البلد 11 سنة، ومشاكل وزاد الدين اللي كانو قبل عاملينو.. وآخر شي ما صحّ الاَ الصحيح.. 💯

(2) الزبائنية
– قبل إستلام التيار، معودة الناس عَ زعامات معينة، وعَ الخدمات الفردية.. وما بتاخود حقك الاّ ما تِمشي مع الزعيم.. 😞
– التيار مش موجود عندو هالتصرف.. نحنا موجودين حتى نِخدُم كل العالم، اللي معنا واللي ضدنا 🇱🇧
– الزفت ما بحطو قدام بيت شخص، وبترك الطريق العام.. التيار الوطني الحر وقّف هالشي ✅ الطريق الخدمة لعامة الناس، وهالشي بياخود وقت (( وإيام بياخود من رصيدنا ، في ناس بتزعَل منا )) لأنو معَودين عَ الخدمة الفردية.. لكن مفهومنا لمّا يِمشي الناس رح تعترف إنّو هيدي هيّي مصلحتا ومصلحة الوطن 💯

(3) صدقونا
– نحنا قاعدين بين الناس وعَم نسمع البعض عَم يقول، ما فيكُن تِعملو شي؟؟ لأنو في نوعين:
* في ناس بدّا يانا ما نِعمِل شي.. 😞
* في ناس حابتنا نِعمِل بس شايفة إنّو ما عَم يخلّونا.. 🤔
انا بقلُّن.. “خدوها عَ الثقة شو صار تاريخياً.. 😉
أ – سنة 1989 قلنا لبنان رح يتحرّر وطلِع فخامة الرئيس وقالها وأعلن حرب التحرير وننفَى 15 سنة، حتى أقرب الناس كان يشكّكو.. إنّو ما رح يِرجَع عَ لبنان وما رح يتحرّر لبنان 😔 العزيمة تبعنا وصلّت إنّو لبنان تحرّر ورِجِع العماد عون.. 👆

ب- الجنرال بدّو يِعمِل رئيس جمهورية كرمال الإصلاح، وكرمال التغيير.. كانو يقولو “ما بِشوفا لرئاسة الجمهورية”… مش هيك كانو يقولولنا عَ مدة 11 سنة…!! وعمِل رئيس جمهورية كرمال لبنان 👆

(الخلاصة)
هلق أنا بقلُّن.. صارو مرتين وبعدكم بتشككو.. وثقو إنّو يللي عَم يقولو فخامة الرئيس أو رئيس التيار، الإصلاح جايي والتغيير جايي، وبناء الدولة جايي.. صدقونا 👆

https://youtu.be/vanvHpGIl9I

(حوار اليوم ، otv – آذار 15، 2019)