بالفيديو – رسائل التيار – باسيل: يا عودة نازحين يا ما في حكومة.. ولبنان أرضو وهويتو ورسالتو أغلى من أي مال.. 🇱🇧

– مَزعوجين لأنو تمويل التيار من الناس.. 💯 🇱🇧
– عم يسمعونا في مسيحي فاسد.. أي فاسد منّو مسيحي ومنّو تيار..✔
– بناء الدولة أهم من أية تسوية.. كذبة البواخر وقفوها.. حبل الكهربا صار قصير.. وبدّو يِطبُق عَ رقبة الفاسدين والكاذبين.. وكل ما شدّ الحبل عَ خوانيقُن، كل ما ببثّو من أفواهُن سموم وأكاذيب.. من أرقام “سيمنز” والبواخر وسورية..

***

مقتطف من حديث رئيس التيار الوطني الحرّ جبران باسيل، في ذكرى الثلاثين لـ “14 آذار 1989″، في “نيوبيال” – فرن شباك، في حفل العشاء التمويلي للتيار الوطني الحر – الجزء 2: (14 آذار 2019)

تمويل التيار يُزعجهم

الجنرال فخامة الرئيس بِقول:

– لا دم عَ ضميرنا
– لا عمولة من جيوبنا

ومنقلكُ، أكتر، لا أنظمة خلفنا، ولا سفارات، ولا صفقات… مالنا من النضاف مِتلكُن..✔

مَزعوجين لأنو تمويلنا من الناس، من نفسنا.. ولأنو نحنا تيار واسع، وبضمّ المقتدر والفقير.. وفلس الأرملة غالي عنّا.. متل طوني أوريان وإيفات.. 🙏

14 آذار الحقيقية

بِ 30 سنة 14 آذار الحقيقية، نحنا.. وهيك سقطت بكَم سنة 14 آذارُن..

– حشرنا الفساد لاضطرّ إنّو يتغطّى بالمذهبية.. وهيك رح نرفع الغطا المذهبي عن الفاسدين..
– أسقطنا منظومة سوكلين بالبلد، ورح نمنع تركيب وحدي تانية مِتلا..
– عم نفكّك كارتيل المال، والنفط، والترابة، والزبالة، والموتور..

وبَدكُن ياهُن ما يحاولو يِقتلونا بالشائعة يللي أقوى من الرصاصة.. بس ما رح نموت بالشائعة لأنو الحقيقة دايماً بتنتصر.. 🙏

إنذار

يا عودة نازحين، يا ما في حكومة..✔

يا منطرد الفساد عن طاولة مجلس الوزراء، يا ما في حكومة..✔

يا عجز الكهربا صفر، يا حكومة صفر، وما في حكومة..✔

النزوح السوري

ما رَح نسمح لسقوط لبنان تحت ذرائع الإنسانية، بالوقت يللي أكبر عمل إنساني هوّي بإعادتهم لوطنهم.. 💯

انا اليوم معكم ومش بمؤتمر النازحين ببروكسل، لأنو هيدي المؤتمرات تموّل بقاء النازحين محلُن.. ونحنا بدنا ياها تموّل عودتهم لبلدُن.. 💯

اللي بدّو عنجدّ عودتهم، يوقّف كذبة التطبيع مع سورية.. لأنو علاقتنا قائمة وما بدها تطبيع..

النازحين فئات، خلينا نبلش بتطبيق القانون اللبناني، ونقرّ ورقة سياسة للعودة، مِنعيد بموجبها كل نازح إقتصادي بخالف القوانين اللبنانية،وبيشتغل أو بيِفتح محل ون إذن.. أو بيِرتكب جريمة.. أو بروح وبيِجي عَ سورية ومعو بطاقة نازح، وبيِتلقى مساعدات..

ما يعتقد حدا إنّو بيِقدِر يِغرينا بمساعدات مالية.. مؤتمر “سيدر” بالنسبة النا رزمة إصلاحات لازم نقوم فِيا لمصلحة بلدنا، واليوم يللي بيِستعملها حدا ليفرض علينا قروض مقابل نزوح ما بدنا قروضك ولا نزوحك.. لبنان أرضو وهويتو ورسالتو أغلى من كل أموالك.. 💯🙏✔🇱🇧

الفساد

الفاسد ما الو دين، وإرتكابات الفرد ما بتلزُم الجماعة، إذا شي واحد إرتكب وحماه التيار (لا سمح الله) ساعتها بتلحق التهمة التيار.. البعض عم يحاول يسمعّنا إنّو فلان إذا أُدين فهوي مسيحي.. أو محسوب عَ التيار.. منقلّو من هلق:

إنو الفاسد منّو مسيحي ومنّو تيار..✔

بتتذكرو كم مرة حاولو يِعتبرو إنّو نحنا ساوَمنا لنوصل للرئاسة.. وعمِلنا تسويات، كان ثمنها، الإبراء المستحيل، أو تغطية صفقة نفط، أو ميكانيك..

– الإبراء المستحيل صار قانون..✔
– مناقصة الميكانيك سقطناها..✔
– تجديد عقود نفط صوتّنا ضدّا..✔
– تجديد السوق الحرّة من دون مناقصة منَعناها..✔

وباسم التسوية ما رح نسكت عن حدا، وبإسم التفاهم والتحالف ما رح نتهاون.. 

فكّروا إنّو رح نتعب ونيئَس، ونتشارك معُن بمنظومة الفساد…✔

الدولة وإصلاحا أهمّ من أيّ تسوية وأهمّ من العهد والرئاسة..✔

الدولة أهمّ من رئيسا.. هوّي بخدمتا ومش هيّي بخدمتو..✔

الإقتصاد

ما منِقدَر نستمرّ بنفس السياسة المالية والإقتصادية.. والتقشّف بالإنفاق متل الصوم بمفعولو.. بخلّيك تشعر بالجوع، ولكن بنضّف الجسم..

لازم نوقّف الشعبوية.. وموظفين الدولة مش لنرضي 5% منِعطُب 95% من الشعب.. 💯

مش مقبول إستاذ مدرسة رسمية، بتِدفَع عنّو الدولة أقساط ولادو بالمدرسة الخاصة..💯

الكذبة

كذبة البواخر وقفوها.. حبل الكهربا صار قصير.. وبدّو يِطبُق عَ رقبة الفاسدين والكاذبين.. وكل ما شدّ الحبل عَ خوانيقُن، كل ما ببثّو من أفواهُن سموم وأكاذيب.. من أرقام “سيمنز” والبواخر وسورية..

المعيار الوحيد هوّي السعر الأنسب، نحنا عم نشتري كهربا، لا بواخر ولا معامل..

سلبيتكم ما رح تظغى عَ إيجابيتنا.. 🇱🇧

https://youtu.be/s5B4blfxtB0