بالفيديو – نصيحة القاضي جورج عطية: ما حدا يقيس عَ الماضي ✔ الفاسد الذكي بوقّف ⚖

– الرئيس عون قلّي: ما تخالف القانون وما تعمل كيدية والله يوفقك..✔

***

مقتطف من حديث رئيس التفتيش المركزي القاضي جورج عطية لقناة الـ”LBC”، ضمن برنامج “نهاركم سعيد”: (2 آذار 2019)

(1) رفع السرية
– ببعض الملفات عم نطلب برفع السرية المصرفية، وببعض الملفات عم نطلب رفع ملكية لبعض الموظفين، لما نلاقي البعض حالتو عجيبة غريبة 👌
– عَم نشتغل بأساليب جديدة، وعم نتعاطى أيضاً مع الأجهزة الأمنية بهيدا الموضوع، وعَم نِقدِر نجيب معلومات، وعَم نِعمِل تحليل للمعلومات.. ومش عن عبث عَم نتصرّف بإجراءات معينة ✔

(2) نصيحة
– مطورين عملنا بشكل ملحوظ، وبحبّ وجّه نداء للإداريين ولَ يللي عَم يسمعونا اليوم، نصيحة بناءة ما حدا يقيس عَ الماضي ⚖
– اليوم غير مبارح… وعَم إحكي بمسؤولية..
* لا الرقابة الإدارية
* لا التفتيش المركزي
* لا الأجواء العامة السياسية
* لا إتجاه الرؤساء
* لا مجلس النواب
– لا العمل الحكومي رح يكون متل مبارح 🙏
– اللي كان فاسد ومستغل موقع الوظيفة اللي فيه، وعَم يبتزّ الناس اللي حقُّن بالخدمة العامة.. بِنصحو يوقّف وبِكون كتير ذكي.. 🤔

(3) القانون مع المتمادي
– آخذين قرار، كل شخص منِفتَحلو ملف عن جديد رح نكون عم ننكش الماضي… ⚖
ليش؟؟؟
لأنّو هون بكون هيدا الإنسان مقرّر يكون متمادي.. بالقانون الجزائي بقول: هناك المجرم المتعمّد اللي عندو قصد جرمي، ولكن منعاقب أكتر شي، يللي عندو ميل إجرامي 😉
– اللي عندو ميل اليوم يكمّل بهيدا النمط من الفساد ويبتزّ الناس ويغلّي الأسعار، حتى يرجع يخفّضها ويقبض قبالُن ويلحقُن على رزقُن، وما عَم يتطلّع بالنظرة الإقتصادية والإجتماعية اللي نحنا فيها، معناتا هيدا إنسان بدّو يخرب البلد، مش رح نخليه 👆

(4) فخامة الرئيس
– قلي كلمتين فخامة الرئيس من وقت ما استلمت.. قلّي: عدم مخالفة القانون، وعدم الكيدية والله يوفقك يا إبني..”
– قلتلو ما بخالف القانون ولا عندي كيدية، وقلت أكتر، بتمنّى ما حدا يتعاقب.. شو يعني؟؟ بتمنّى الكل يصطلح ويقرّر إنّو يا خيي بدّي عيش بيللي الله قاسِملي ياه بمركزي وبمعاشي، وبدّي إعمل الصح 💯

https://youtu.be/0sttopsCE24

(رئيس التفتيش المركزي – نهاركم سعيد LBC ، آذار 3- 2019)