بالفيديو – إيفا عربجي لمرسال غانم: جومانة حداد قالت الزواج إجراءات ورقية، الزواج عندي سرّ مقدس 🙏

– الأب ادغار الهيبي: الزواج المدني قائم عَ إحترام حرية المعتقد✔ وفي أشخاص يتهمو رجال الدين عم يتحولّوا لسلطة لا تحترم حرية المعتقد 🤔
– إيفا عربجي: توجّه الشباب للزواج المدني سببه رفضهم تحمّل المسؤوليات.. ونحنا لا ندين أحد.. 💯

***

مقتطف من برنامج “صار الوقت” عَ قناة الـ”mtv”، وموضوعها “الزوناج المدني”: (28 شباط 2019)

(1) الأب ادغار الهيبي:
– الزواج المدني قائم على إحترام حرية المعتقد 💯
– الكنيسة مع الزواج المدني لكل إنسان غير مؤمن ✔
– إذا كان مؤمن، من الأفضل إنّو يكون الزواج المدني الزامي، والملتزم بالكنيسة بدّو يتزوّج زواج كنسي 💒
– لا أقبل كتير إنّو يُقال إنّو الدولة هيّي اللي بتعترف بالأديان، أو الأديان هنّي بيعترفو بالدولة.. أنا لبناني 🇱🇧

– أنا أبني المواطنة كما أبني الإنتماء الروحي والديني..
– الدولة للأرض وللأنظمة العالمية الزمنية، الدين فهو لأبعاد روحية وأبدية ✝

– بس نكون ضمن نفس مجموعة إيمانية، لا بدّ من تشريعات نحتكم اليها، والمؤمن المسيحي لديه أمكنة مميزة ليحتفل بهذا الإيمان، منها الأسرار.. 🙏

– المسيحي إذا كان يعتبر أنّو نبع حبّو هوّي الهي وليس فقط فردي إنساني، يحتفل به بسر الزواج 🙏
– في أشخاص يللي عَم يتهمو السلطة الدينية، عم يتحولّوا هني لشكل من سلطة لا تحترم حرية المعتقد عند المتدينين🤔

(2) إيفا عربجي
– مني ضدّ الزواج المدني ، بس أنا ضدّ (مدام جومانة حداد) قالت إنّو الإجراءات الورقية اللي بتِنعَمَل بقبرص..
– الزواج نحنا نعتبرو سر مقدس، أنا كبنت كنيسة، عليّي حافظ على السر..
– أعتقد الشبيبة بهالإيام عم تطرّق للزواج المدني لأنّو عَم يِعملو لحساب الرجعة قبل ما يعملو حساب المسؤولية يللي بدُّن يتحملوها 🤔
– بدُّن يحفظو حقوقُن قبل المسؤولية اللي بدُّن ياخدوها بالزواج ✔ وهوّي سرّ كتير عميق.. والاّ ليه بدُّن يتزوجو برّا مدني، وبدُّن يجو يعمدّو؟؟؟!!!
بدّن يتزوجّو برّا مدني، وبدّن يعملو أوّل قربانة ؟؟!!

– نحنا لا ندين أحد على معتقده، نحنا أحرار ومخيرين مش مسيرّين 🙏 بس أي إنسان بدّو يتهم الكنيسة بأقاويل مش مزبوطة، متل قَول بيِطلَع لبرّا حتى يوفّر.. غلط 😉

(3) وقع الحب 🌹
مرسال غانم: إذا وقع الحب… شو بتعملي..؟؟؟
إيفا: ربنا خلق الحب، أسأل مرشدي وفي 100 حل.. لكن أنا شخصياً أؤمن بمسيحيتي مع إحترامي لغير أديان.. ومنّي ضدّ ولا أي دين.. ✔

https://youtu.be/1mwiR6bvNP8

(صار الوقت mtv، “الزواج المدني” 28 شباط 2019)