بالفيديو – جوزيف أبو فاضل: هلق عَم تحكو المسيحيي بـ”Listerine” والغاء الطائفية السياسية، المناصفة أهم من الطائف😅

– – إذا شخص ما بدّو يقشع قديه غالب حزب الله، ياخود عويناتي بعيرو هنّي سَحبة ويردُّن.. 😅😂🤣

***

مقتطف من حديث الكاتب والمحلل السياسي جوزيف ابو فاضل لقناة الـ”LBC”، ضمن برنامج “نهاركم سعيد”: (2 شباط 2019)

1) الدروز
– الاتفاق الدرزي – الدرزي يفيد الدروز ولا يضرهم، وانا كماروني أقول ذلك، ونحنا ولاد جبل ✔
– بِتكون الضحية موجودة، والشهيد واقِع بالأرض بقولولك: إذا حدا بيهجم عَ المختارة إن كان المير طلال أو وئام وهاب، نحنا منطلع ندافع عنا

س: من سيكون عرّاب هذه الصلحة بين الدروز؟
جوزيف أبو فاضل: المشايخ الأجلاء

2) حزب الله
– وزراء الحزب رح يكون على نفس الخط مع التيار الوطني الحر، وقالها الوزير فنيانوس، في كتير من أمور وزراء حزب الله رح يصوتو الى جانب التيار، ونحنا عارفين ✔
– حزب الله مضحّى، وعَم يقاتل إسرائيل بالإستخبارات..

مالك الشريف: تماماً متل شعارو.. فان حزب الله هم الغالبون..!!
جوزيف أبو فاضل: اكيد هني غالبون، والأكيد نحنا وياهُن غالبون… وإذا شخص ما بدّو يقشع قديه غالب حزب الله، ياخود عويناتي بعيرو هنّي سحبة ويردُّن..

3) عون
– مش حيالله رئيس ميشال عون ، نحكي الأمور متل ما هيّي..
– هيدي أول حكومة بيِجو وزراء المسيحيين وبنقّوهُن المسيحية 💯

4) المناصفة أهم من الطائف 😉
– اليوم بالبلد في مناصفة بالفئة الأولى وكافة الفئات الأخرى
– تشكّل الهيئة الوطنية لإلغاء الطائفية السياسية برئاسة رئيس الجمهورية ورئيس مجلس النواب ورئيس الحكومة وشخصيات عديدة، ومن بعدها يلغون الطائفية السياسية 👌

– يتمّ تهجير المسيحيين، وبعدان بتِحكوني بـ “Listerine” 😅😂🤣
– أنا ضدّ إدخال موظفين بإدارات الدولة وفيها خلل بالتوازن الطائفي، ويمكن معالجة ذلك..

– ما كان عم يدخلو المسيحيي بالدولة، لأنّو كان عم يعتبروها مش الن.. وعاشو 25 سنة ببلد متل طيارة عم تكوّع والمسيحيي قاعدين بالكعب 👌

– مش عم نكسُر الطائف، بس المناصفة أصلاً أهمّ منّو 🇱🇧
– بالنهاية نِعمِل قصص حتى نزحّط المسيحي، وندفشو، وإذا ما قلب.. نضلّ ندَفشو حتى بالآخر يقلب عن الطاولة، هالشي مش منيح.. ✅
– في توازن بالبلد مفروض يكون بين المسيحيي والمسلمين، ما فينا نقول:
أ) تهجرو من الشوف وعاليه
ب) تهجرو من الجنوب صيدا وجوارها
ج) تهجرو من البقاع ببعض المناطق
د) تهجرو من الشمال
ما فينا نهجّر المسيحيّي ونِرجَع نحكيهُن بالمناصفة.. 💯 هلق عَم تِحكيني بالـ”Listerine” عَ ريت “ليستيرين”.. ما الشخص ما بدّو يحسّ حالو مظلوم ببلدو 👆

https://youtu.be/e4Zo3KLy5P4