بالفيديو – فادي جريصاتي (otv): ما عملنا معركة لأخذ وزارة البيئة ما حدا بدّو ياها.. كان بدنا وزارة الزراعة 👆

– غلط ما يُحكى عن فرض ضرائب (mtv) 👆

***

مقتطف من حديث وزير البيئة فادي جريصاتي لقناة الـ”OTV” ضمن نشرتها المسائية في 1 شباط 2019

1) النفايات
– بدنا حلول لأزمة النفايات، لأنّها قنبلة موقوتة رح تِفقَع بوِجنا بأي دقيقة
– لذلك من الأسبوع القادم رح ننكبّ عَ الخطة يللي نعَملِت، وكل الشغل يللي نعَمَل، وفي إشيا كتير منيحة وضعت ✔
– يمكن في ملاحظات، من هيك رح نِعقُد مع كل الخبراء حتى نشوف شو لازم نحسّن 👆

2) الإجماع
– بدنا نسعى نجيب إجماع للخطة ونبلش بالتنفيذ العملي بسرعة
– 40 سنة تراكم أخطاء بدها وقت وما رح تنحلّ بشهر وأنا معي مهلة 30 يوم لإقدِر أول مشكل..
– أتمنى من السياسيين عدم تسييس ملف النفايات، وما يكون ملف إبتزاز ولا مزايدات🙏

3) سيدر
– س: رُصدت أموال كبيرة لوزارة البيئة..؟ البعض يتهّم التيار الوطني الحر إنّو متمسك فيها لأنو صفقات مالية..؟؟
فادي جريصاتي: أنا مش شايِف بمحل بالعلم، في فساد، إنّو الناس تقبض قبل ما يبلش الشغل 👌
– كيف نحنا بدنا نقبض عَ 400 مليون $، ونحنا ما منَعرِف أيمتى بتِجي عَ لبنان 👆

4) الكذب
– بدنا نكون صريحين، نحنا وزارة البيئة ما عملنا معركة عليها، الوزير باسيل كان بدّو وزارة الزراعة، وعندو خطة كتير كبيرة، وانا اشتغلت معو عليها 😉 بالعكس التيار الوطني الحرّ تحمّل مسؤوليتو بموضوع البيئة لأنو الكل رفضو ياخدوها، ولأنو عارفين إنّو هيدا موضوع يمكن يحرقنا ويأثر عَ العهد وعلى سمعتنا ✅

https://www.youtube.com/watch?v=ZVDNIpS5s5Y&feature=youtu.be