بالفيديو – الأب جورج حبيقة: لبنان لا يموت وتنوع شعبه خطير.. وشارون اللي كان يقول “أسهل شي الدخول عَلبنان تبهدّل بلبنان👆🇱🇧

– بلبنان لا فكر إسبارطي، وأزمات أوروبا سببها تراجع العيلة، وبس يقرّر اللبناني يكون الأول بيِطلع بالصدارة👌

***

مقتطف من حديث رئيس جامعة “الروح القدس” – الكسليك الأب جورج حبيقة لقناة الـ”mtv”، ضمن برنامج “بيروت اليوم”: (الجزء 2 * 3 ك2- 2019)

1) رغم إنّو لبنان ضعيف بديمقراطيتو، وضعيف بحرياتو المتطرفة حتى الفوضى.. لكن ما حدا بيِقدِر ينتصر عليه 🇱🇧 جيوش عاتية قهرت بلدان عظيمة ما قِدرِت تقهر هيدا البلد 🇱🇧 وشارون كان يقول، أسهل شيء يفوت عَ لبنان.. تعا طلاع منّو مأساة.. ما تبهدلو الاّ بلبنان👆🇱🇧🙏

2) لبنان خطير لأنّو تنوعّه هو تنوّع الحياة.. وكمقاربة الي، لبنان المذكور 70 مرة بالكتاب المقدس 🇱🇧 رمز للحياة والجمال والخلود 🇱🇧 وما حدَن دقّ بهيدا البلد الاّ ظلماً.. نحنا كلبنانيين عبر التاريخ عَ مين تعديّنا 👌ما هيدا البلد مكوّن من المقهورين، ومن المشردين والمظلومين🙏لبنان دولة المقهورين، لأنو ناسو حاملين الجعبة عَ ضَهرُن وهربانين من هيدا الشرق المُعذِّب والمعذَّب 🙏

3) لبنان ساحة وواحة تحمي ذاتية الإنسان وتاريخه، وتطلعاته كإنسان.. هو لقاء الموجوعين ولذلك لبنان لا يموت.. 🙏 وهو متنفّس لكل الشرق الأوسط 🇱🇧

4) الفكر الإسبارطي ينهزم في هذا البلد، وما الو أي مستقبل ولا غد.. لأنو كلنا أثينيين كفكر وتنوّع وقبول الآخر المختلف وحريات 🇱🇧

5) للأسف بعض السياسيين مش عَم يِقدرو يفهمو نظام هالبلد.. نظامنا أرقى نظام في العالم، لأنو نظام إشراكي يجمع كل مكوناته الموجوعة🙏

6) حتى الحكومة والأزمة في لبنان.. موجودة بكل بلدان العالم، في المانيا مع ميركل بس ما أخدِت الأكثرية لتِقدر تحكم، أخدت وقت 6 أشهر بدولة راقية 😉 في بلجيكا بقو سنة ونص دون حكومة 😔 ما يعني الأزمات مش حكِر عَ لبنان..

7) بدنا نعترف إنّو لبنان عَ فيلق هزات، لكنو لا يسقط (يهتزّ ولكن لا يسقط) وأنا عَم إبرُم العالم كرئيس جامعة الروح القدس، وأحاضر بكل دول العالم، ومضطلع عَ كل أزمات العالم بشكل جيد.. بفرنسا مع السترات الصفر والأزمات التي تعاني منها، في أزمة خانقة.. 😔

8) في فرنسا مفهوم الدولة – العناية الإلهية.. نطلب منها كل شيء.. لكن هالدولة مش موجودة، والسبب لأنو راحِت العيلِة سبب صمود المجتمع.. 😔وحالياً في هبوط بمعدلات السكان.. وفي أميركا في إدارات رسمية بأكملها مقفلة 😔 وكذلك في أميركا اللاتينية لا يمكن للمواطن السير😔

9) عندما يقرّر اللبناني يكون الأول 🙏 بيِطلع بالصدارة، لأنو عنا ملء الطاقة الفكرية والإبداعية.. واليوم ليه طلعنا بين أفضل 10 دول في العالم باحتفالات سنة 2019.. لأنو لمّأ مناخود القرار مِنحلّق.. بس مشكلة هيدا البلد غياب القرار 👌

https://www.youtube.com/watch?v=f22sqHlRc78&feature=youtu.be

بالفيديو – الأب جورج حبيقة: لبنان نقيض كل جيرانو وحيث الحرية والديمقراطية يوجد أزمات لكن.. – الرجاء المسيحي، يتضاعف قوة وزخماً في المحن..

بالفيديو – الأب جورج حبيقة: لبنان نقيض كل جيرانو وحيث الحرية والديمقراطية يوجد أزمات لكن.. (Video)