بالفيديو – عون/نصرالله (خطأ)… عماد مرمل/سليم عون (صح)..😉(Video)

– بدءاً من إقتراح بري لَ دقو عَ الخشب.. الى المشكلة ولبّ المشكلة..😉

***

مقتطف من حوار الإعلامي عماد مرمل مع نائب كتلة لبنان القوي سليم عون، ضمن برنامج “حديث الساعة” على قناة “المنار”: (4 ك2- 2019)

1) رئيس الجمهورية العماد عون: الخلافات في الخيارات السياسية تعرقل تشكيل الحكومة (غلط) 😔
2) أمين عام حزب الله السيّد نصرالله: لا مانع من أن يأخذ فريق رئيس الجمهورية 11 وزير و 15 وزير (غلط) 😔

3) شو الصح..!! (حوار عماد مرمل – سليم عون) 😉

(أ) إقتراح بري
– عماد مرمل: متِل ما قال الرئيس بري: الحل بسيط كتير، انو في مقعد سني ضمن حصة الرئيس يتنازل عنّو بالكامل للقاء التشاوري، وبتخلص الأزمة.. 😉
– سليم عون: ليه العقدة شو إسما؟؟
– مرمل: العقدة السنية…
سليم عون: إذاً ليه تحميلها لفخامة الرئيس والتيار الوطني الحر والوزير باسيل، ليه..؟؟
– مرمل: لأنّو الحريري مش قابل..!! (🙃)
– سليم عون: وقت اللي بدّو يحلّ المشكلة وبدّو يكون هالقد طوباوي، بري يقدّم من عندو.. 😉 كل واحد بدل ما يقترح عَ غيرو، يقترح عَ حالو 😉

(ب) دقو عَ الخشب
– عماد مرمل: إنتو (سمالله) كتيار وكتلة الرئيس، عندكم فائض من المقاعد، بتتحملو تتنازلو..!!!
– سليم عون: ليش فائض، آخدين زيادة عن حقنا..؟؟ إذا إعتمدنا معايير أدّت إعطاءنا 11 وزير، شو ذنبنا؟؟؟
سمعنا السيّد حسن عَم يقول، هوي مع التيار ياخو 11 وزير و 12 وزير و 15 وزير..
سمعنا الحريري عَم يقول، ما عندي مشكلة؟؟؟
لو طلِع 10 بيِمشي الحال، وإذا طلِع 11 وزير في مشكلة..!!

(ج) المشكلة
– عماد مرمل: قِدام هالمشكل الكبير، يللي عَم تستَنزِف العهد. إذا إجا فخامة الرئيس عطا وزير وصرتو بدل 11 وزير 10.. وصارِت الحكومة 3 عشرات..!!! شو المشكلة..!!!؟؟؟ 😲
– سليم عون: شو المشكلة إذا كنّا 11 🧐 وسيء النيّة، بس يشوف إنّو طالِعلي 11 وزير مش عَم يِقبل؟؟

(د) لبّ المشكلة
– عماد مرمل: إنتو شو بدكن بالـ 11 وزير. ليه مصرّين عليُن؟؟
– سليم عون: قلّي ليه مصريّن مش يللي عَم يقبلو بس يِطلع رقمنا 11..!!
– عماد مرمل: بِخافو أنو فريق لوحدو يكون 11، بخلّ بالتوازنات..!! بعطّل…!!
– سليم عون: طيّب، فريق رئيس الحكومة إذا ما عقد جلسة ما بعطّل..!!!
– عماد مرمل: مبلا..
– سليم عون: فريق الثنائي الشيعي إذا ما حضر جلسة الوزرا ما بعطّل؟؟
– عماد مرمل: مبلا..
– سليم عون: ليش مسموح الُن، والنا ممنوع..😎
– عماد مرمل: إنتو مكوّن واحد..!!
– سليم عون: نحنا كيف مكوّن واحد، حصة رئيس الجمهورية + حصة التيار + حزب الطاشناق + أرسلان
طيّب إذا مشكوك فينا بهيدا السلاح، إنّو الُن حلال وعلينا حرام.. 😎.. 😎.. 😎

https://www.youtube.com/watch?v=wqu9WYk5Nc4&feature=youtu.be