بالفيديو – الأب مجدي علاوي يدحض الكلام السخيف 🙏

– انا بِعترف 4 – 5 مرات بالأسبوع، لأنو بقصّر مع عيلتي، لكن مسلّم ليسوع 🙏

***

مقتطف من حديث رئيس جمعية “سعادة السما” الأب مجدي علاوي، عَ قناة الـ”mtv” ضمن برنامج “بيروت اليوم”: (ك1- 2018)

• أول شي قبل ما صِرت كاهن، كنت أستاذ بِ 3 مدارس، وكنت عامِل بيتي ومعمرو ومخلص، أحسن ما حدا يقلي “ليش؟؟ ومن أين؟؟” 👌
• نهار بلشت مؤسستي، وبلشنا مع المدمنين بخيمة بنهر ابراهيم، زوجتي باعِت بيتنا بعمشيت، وهيي حطّت يافطة عليه للبيع، ولما سالتا ليه؟؟
  قالتلي: يسوع ما بيقبل يِقعدو ولادو بخيمة 🙏
  وهيك منعمّر أول بيتان للمدمنين، وبوقتا “تيلي لوميار” (الأخ نور) بيستأجرلي بيت ببرج حمود..
• عيلتي بتاخود الولد بس يِطلع عن الطريق. بيِجي يِقعد عنا 15 يوم بالبيت قبل ما ناخدو عَ المؤسسة.
• عيلتي بس يضهر حدا قاصر من الحبس، بيِجي يعيش عندي بالبيت. المشكلة ما مِنشوف من كل المَيلات، ما حدا بيَعرف شوفي عند التاني، منشوف الأمور من ميلة واحدة…

هل وجود مصاري بتعوّض وجود بَي بالبيت؟؟
انا بِعترف 4 – 5 مرات بالأسبوع، لأنو بقصّر مع عيلتي، بس أنا مسلّم عيلتي ليسوع 🙏 لأنو في أكتر حاجة من عيلتي برا 🙏 أنا بِضهَر من الصبح وما بِرجَع لآخر الليل.. يعني 6 الصبح بِمشي وايامات بِجي الساعة 1 الفجر، وأغلب الإيام قبل الساعة 3 اوج الصبح ما بِرجَع 🙏

• نحنا صرلنا 5 سنين ببيتنا الجديد، من خلال الإسكان والنائب نعمة فرام، وأنا كاهن لشركة indevco ، وهني اللي بِساعدوني بأكلي الخ..
• محامي الجمعية كان بإحدى العمادات، سألو اسقف: يا خيي شو دخلك مع أبونا مجدي، ما عندو شاليه بالـ”أكوامارينا”؟؟
  قلو المحامي: إنتا أكيد!!
  ردّ الأسقف: إيه
  قلو: ابونا مجدي، نعمة فرام بمقدملو شاليه لعيلتو، وبطبرجا بيتش حتى صلّحلك..
• أقساط مدارس ولادي بالجامعات، في شخصان بساعدوني فِيُن..

https://www.youtube.com/watch?v=Mxs6Lc9rEvw&feature=youtu.be