بالفيديو – فاديا كيوان: أنا متفائلة للبنان وبولادة الحكومة، والتيار وحزب الله حلفا بالإستراتيجيا مش بالأمور الداخلية

– الطائف أضعف المسيحيي وقصقص جوانح رئاسة الجمهورية..

***

مقتطف من حديث المديرة العامة لمنظمة المرأة العربية د. فاديا كيوان، ضمن برنامج “كلام بيروت”: (29 ك1- 2018)

• عنا قيادات عندا نضال، فِيا تاخود قرارات تاريخية متِل من زمان الرئيس بشارة الخوري والرئيس رياض الصلح.. فخامة رئيس الجمهورية ورئيسي مجلس النواب والوزراء بيِقدرو ياخدو قرارات يِلزمو المجتمع 👌

– في رأي كتير من المسيحيين، اتفاق الطائق قصقص جوانحُن، ونَزَع صلاحيات رئيس الجمهورية، فالرئيس عون عَم يحاوِل من خلال فريقو السياسي يللي هوي التيار الوطني الحرّ وتحالفاتو مع الطوائف الأخرى، وهالشي جيد جداً، حتى ما يكون فريقو فريق طائفي 👌

• الرئيس عون والتيار عَم يحاول يِعمل كتلة رأي يكون عندو حضور مش بأي لحظة يسحبلو وزير ملك وتطير الحكومة، يعني يكون عندو التلت الضامن👌

– بالمقابل الثنائي الشيعي، عَم يحاول يكون بإيدو العِصمة متِل ما مِنقول بالدارج..

س: لكن هنّي حلفا..!!؟؟
فاديا كيوان: بالقضايا الداخلية منُّن حلفا، هنّي حلفا بالقضايا الإستراتيجية، وهالشي ثابت. لكن بالقضايا الداخلية كل فريق عَم يحاول يحصّن موقعو.. 😉

– هيدي أزمة نظام، وبالنهاية ما بيِسوا يتفقو 2 على الثالث، ولا تلاتِتُن علينا كمواطنين، وهالأزمة ما بتِنحلّ غير بفتح منافذ باتجاه الطائفية..
لكن،
بس بدنا نِحكي باللا-طائفية، فيما الناس عندا هالقد إرتداد هالقد متطرف للهوية الدينية، لدرجة عَم يشكلو مجتمعات مغلقة ضمن المجتمع اللبناني المنفتح..!! 😉

– عندي شعور رح يصير في حكومة، قبل القمة، ولبنان بِروح قوي عَ القمة، وما بيِقدر يستقبل القمة العربية هوي بأزمة سياسية 😉

موتورات
– ضبط موضوع موتورات الكهربا كان مردودو إيجابي جداً على الأسر، والناس حَولي حكيو عن إطمئنان، بس أنا قلقة انو ما بدّي هالحل المؤقت يكون حل دائم، ونتعايش مع عدم وجود كهربا رسمية👌

– إعتماد قانون نسبي هوي فوز النا كقوى مجتمع مدني، وبخصوص العام المقبل عندي أمل إنّو الأمور رح تتغيّر.. 👆

https://www.youtube.com/watch?v=jMCWbwo1qSU&feature=youtu.be