بالفيديو – صونيا شوفاني صليبا وقصة تقديم إنجيل متى كهدية لفخامة الرئيس (Video+Pictures)

– طفولتي بلبنان، ولادي لاق. نشالله متِل ما وعدنا الجنرال الوضع بيِتغيّر، وكلنا نِرجَع.. عنجد حلو لبنان..

***

مع تقديم السيدة صونيا شوفاني صليبا، وزوجها روني صليبا، وابنتهما فيوليت صليبا أبن الحوش قضاء راشيا الوادي، الإنجيل كاملاً مطرزاً بالإبرة والخيط على قماشة بطول ٢٩ متراً ممضيةً في حياكته ٩ سنوات.. اليكم ما قالته صونيا في تقرير للإعلامية غريس مخايل، عَ قناة الـ”OTV”:

• بلشت الفكرة يكون الإنجيل معروض، ومفتوح، وحطّو عَ الحيط لوحة، وما كنت متوقعة يصير بهالضخامة..

 

– أوّل شهر إشتغلت فيه، وصار يمدّ، خِفِت.. وقفّت اسبوعين، ورجعت أكيد، لأنو كلام الله ما في مجال أبداً وقفو.. 🙏

• إنجيل لوقا صار عند البابا فرنسيس بالفاتيكان سنة 2017، وغبطة البطريرك حبّ يكون عندو إنجيل مرقس. إنجيل متّى قدّمتو لفخامة الرئيس لأنّو أطول إنجيل..

س: ليه قررتي تهديه الإنجيل؟

صونيا شوفاني صليبا: لأني بحبّو… بحبّو من زمان لفخامة الرئيس ميشال عون، عندو معزّة خاصة، مع إنّو ما بَعرفو شخصياً كنت، بس بحسّو حنون، وفعلاً بَي..

• أنا كتبتو بالأول بالعربي، تقريباً صفحة كاملة. بس كان كتير معجّق، اللغة العربية مَجبورة تحَركيها.. وبدّو يكون فيها الضَمِّة والفَتحة والكَسرة والتِنوين، طلِع كتير معجّق.. وبعدان فكرّت إنّو بدّو يكون محدود، إنو بس الدولة اللي بتِحكي اللغة العربية رح يكون عندا الإنجيل، أمّا اللغة الإنكليزية فهي لغة منتشرة..

– ربنا عطاني الصبر، وأكيد جوزي كان واقِف حدّي، وكنت لما إنقطع من القماش، لأنو ما كنت عارفة هالقد بياخود، وخيطان كنّا نِنقِطع، نِطلع عَ غير إمارة حتى نجيب خيطان.. كانت صعبة.. بس ربنا كان على طول يعطني الحماس، وكل ما خلّص صفحة وانتقل لمرحلة جديدة، يصير في عندي نشاط أكتر…

• طفولتي بلبنان، والذكريات هون بلبنان، بس ولادي منُّن هون. ولادي برّا بكندا.. يمكن متِل ما وعدنا الجنرال إنّو نشالله بهالسنتين الوضع بيِتغيّر، بصير في عنّا حماس كلنا سوا إنّو نِرجَع.. عنجد حلو لبنان وضيعانو… 🙏🇱🇧🙏

وتسلم منهم انجيل متى الذي حاكته على قماش” ايدا” بالابرة والخيط ( points de croix) بطول 29 مترا، وهو احد الاناجيل الاربعة التي حاكتها على مدى تسع سنوات باللغة الانكليزية لتكون في متناول الجميع. واوضحت السيدة شوفاني صليبا انها قدمت انجيل لوقا الى البابا فرنسيس المحاك بالطريقة نفسها، وتنوي تقديم انجيل آخر الى البطريرك الماروني مار بشارة بطرس الراعي يوم الاحد المقبل في بكركي.

وكانت قد قالت السيدة شوفاني صليبا انها حاكت الاناجيل الاربعة من منطق ايماني وهي شعرت طوال 9 سنوات استغرقتها في الحياكة بسعادة لا توصف، ويبلغ طول الاناجيل الاربعة 94 متراً.

(غريس مخايل – otv) + أغوراليكس

https://www.youtube.com/watch?v=mVVcyxBKHxw&feature=youtu.be