بالفيديو – الأب جورج حبيقة: أنبياء الويل تحاشوهم، بِكونو بقمة السعادة لمّا يوصلو الخبر التعيس🙏 (الجزء 1- Video)

– هيدي واجباتنا ومش منّة.. الحسومات اللي حصلت 16 مليون $..

***

مقتطف من حديث رئيس جامعة الروح القدس – الكسليك الأب البروفيسور جورج حبيقة، لقناة الـ”LBC”، ضمن برنامج “نهاركم سعيد”: (24 ك1- 2018)

• أنبياء الويل لازم نتحاشاهم، لأنو بيِنبسطو وبكونو بقمة السعادة لمّا يوصِلون الخبر التعيس، من صحفيين ومفكرين وسياسيين.. 🙏
• مش وحدُن، اللبنانيين عَم يتوجّعوا، كل العالم عندو خضّات.. ما هوّي وجودنا في وادي الدموع،.. ما ليه يسوع (كلمة الله) تجسدّ.. لو وضعنا ممتاز بيِتجسّد، وبِزورنا، وبياخود طبيعتنا البشرية..؟؟ وبيتحدّى كل بائس في العالم، ووُلد في معلف.. وآخر شي أنهى حياتو على الصليب، حتى ما يخلّي ولا أي متألم يتحّداه بالألم..؟؟ كل هذا يعني أنّ وضعنا البشري مضعضَع ومعطوب.. 🙏
• ما عندي أي صداقة مع التشاؤم، كلشي بلبنان جميل، ولكن عَم نسوء إستعمالو.. 🇱🇧 أدعو الجميع لمعرفة هالبلد، وعظتو وتاريخو لإنقاذو كمثال للعالم 👌

• حتى الموجوع بدنا نَعطيه أمل، شو مع وجعو تجي تضخّ بتفكيرو ودماغو اليأس، شو بدنا نِقضي عليه؟؟ 🙏
• أنبياء الويل مش معقول، ما بخلّو شي أبداً على حالو، دايماً بيعطو صورة سلبية للناس بلبنان.
• أنا رئيس جامعة الروح القدس، وهالجامعة هيّي للرهبنة اللبنانية المارونية، سنة الماضية وجع الناس وِصِل لمستوى كبير، وأكيد ما لازم نِحكي عن عمل الخير، لأنّا واجباتنا.. ولكن الناس دايماً بِتطالبنا ليه ما بتِحكو..؟؟ نحن في أتون هذا الوجع، يومياً، وعنا 7500 طالب، 4500 طالب عَم نساعِدُن.. وهيدي واجباتنا ومش منّة.. 🙏 وسنة الماضية الحسومات اللي حصلت 16 مليون $، ما أيضاً عنّا 800 إستاذ و400 موظف، وفي تكاليف باهظة 🙏
• مش ناطرين الدولة حتى نخفّف من وجع الناس، ولكن شوفو اللبناني بالخارج.. عم يديرو دول، وبعقل مذهل.. ليه بلبنان العقل بدّو يكون معطّل؟ هيدا سؤال لازم كل سياسي لازم يسألو عَ ذاتو 👌

https://www.youtube.com/watch?v=8DDv6GOe0Dc&feature=youtu.be