بالفيديو – جورج سولاج: ما شفِت حدا عطا فخامة الرئيس شي كلُّن أخدو منّو.. 👆 وما بخلّوه يِحكم

– مقاربة سولاج عن النواب الـ6 وحزب الله وعودة سورية وأسئلة جورج ياسمين.. هل حزب الله كفّ من تحرّكات بري..!!

***

مقتطف من حديث رئيس تحرير صحيفة الجمهورية جورج سولاج، لقناة الـ”OTV”، ضمن برنامج حوار اليوم: (23 ك1- 2018)

• ما شفِت حدا عطا فخامة الرئيس شي، كلُّن أخدو منّو.. 👆 وما بخلّوه يِحكم، في نظام مافيوي سابق.. وعندو حل من تنين 😉

1) يا بشنّ حرب عَ هالسيستام كلّو، وهيدا الشي بيِعمل حرب بالبلد، لأنّو القوى السياسية متجذرة
2) أو يدخل النظام للتحسين فيه، وهون بدنا ننتبه، إنو ما يصير (التيار) واحد منُّن..👌ومن هيك قوى التغيير يللي جايي بمشروع إصلاحي مش عَم يخلّوها تشتغل👌

اللقاء التشاوري:

• اللقاء التشاوري شو بمثّل..!! مجموعة النواب الستة مش مستقلين، مرتبطين استراتيجياً مع سورية. السفير السوري اللي كان ما يِحكي مع وهاب 5 سنين، طُلب منه يِطلع مع أحداث الجاهلية👌
• بعد هدية الرئيس الميركي ونالد ترامب للرئيس الأسد، هناك تحولات تشير الى انو رايحين لمرحلة جديدة من عودة العلاقات مع النظام السوري👌

أسئلة:

1- جورج ياسمين: هل حزب الله اليوم بآخر شهرين، يستلم زمام الأمور بشكل مباشر، هل طُلب من الرئيس بري (المايسترو) يِرتاح شوي..!!

2- جورج سولاج: ما يقوله السيّد عَ التلفزيون، اليوم اللي مبسوط عَم ينفّذ، واللي مش مبسوط عَم يتعب وعَم ينفِّذ👌

– هذا لا يعني إنّو حزب الله ما عندو أخطاء، مثلاً بيِجي يخلق أشخاص ما عندُن الحيثية، ويُسميهم حلفاء، وهنّي يقدمّوا خدمات لحزب الله، وبعضهم بيِطلع عَ التلفزيونات والخ.. وحزب الله منّو بحاجة الُن.. وبالنهاية بخلّي كتير من الناس يشمئزّوا.. 👌

الحكومة متى؟؟

– جورج ياسمين: بعيداً عن التنبؤات، اللي هلق بيِطوشونا فيها عَ راس السنة، وأغلب كلامُن ما بيِزبط.. يقول سولاج: يمكن عملية خلط الأوراق اليوم، يروحو فعلاً لحكومة إنقاذية مش للعهد، إنقاذية للبلد.. والمهلة مفتوحة..

– يعلّق ياسمين: بيِزعلو الروس، ما الروس قالو بدكُن تِعملو حكومة هلق.. (سيما وتحليلات صحفيين أشارت الى ذلك)..

https://www.youtube.com/watch?v=qkjzrIHrTaI&feature=youtu.be