بالفيديو – سكارليت حداد بعد كلام جهاد الصمد: أففف حرام هالحكي.. + تعليق لن نملّ منه طالما النَغمة ذاتها

– سكريّة إستاء من كلام الصمد.. إختصر ولعماد مرمل غيّرلي هالحديث…

***

مقتطف من حديث النائب جهاد الصمد، وتعليق الإعلامية سكارليت حداد، ضمن برنامج “حديث الساعة”: (14 ك1- 2018)

جهاد الصمد: الوزير باسيل إذا حريص ع نجاح عهد الرئيس عون يتفضّل يقول إنّو منِقبل بِ 10 وزراء.. (!!!) وتفضّل عطيه الناس حقها (!!!!!!!!!!!!!!)

– نحنا رايحين عَ السراي الحكومة لَ نقلّو بالمنطق، يا بقنّعنا أو منقتعّو..

– نحنا حريصين عّ العهد بس الأحرص الأكثر بدو يكون هوّي يضحّي أكتر(!!!!!! 😳)

– نحنا عنا ملء الثقة بفخامة الرئيس، بس الهيئة جبران باسيل، يللي عَم يفكّر بالرئاسة قبل وقتا بكتير، الاّ إذا هوي لا سمح الله شايف بدّو يصير في فراغ رئاسي.. ونحنا منتمنّى طول العمر لفخامة الرئيس والخير.. 😏

– ما حدا بيِقبل يتسلّم البلد لفريق واحد من 11 وزير وخاصة إذا الوزير باسيل (هيدا رأيي ومنو رأي اللقاء التشاوري) وأي رئيس حكومة يقبل بحكومة هوّي رئيسها 11 وزير لحزب واحد أتهمّه بالتفريط بصلاحية السنّة (!!! 😏)

– وليد سكريّة الذي بدا مستاء من كلام زميله الصمد، طلب من عماد مرمل أو الصمد الإختصار، وفيما بعد تمنّى تغيير هالحديث… 👌

سكارليت حداد: 

• ما بعرف كيف بفكرّو هالعالم….!! بِحورو وبِدورو وبيِرجعو عَ الوزير باسيل، يبدو إنّو هيدا الأسهل، بدل القواص عَ رئاسة الجمهورية منِقوّص ع الوزير باسيل..!!
• حدا بألّف حكومة وبيعتبرها حكومة عهدو، بكون عَم يفكّر كيف بدّو يعطّلها.. شو هالمَنطق ما هني أكثرية إن كان مع المستقبل أو الثنائي الشيعي.. بحسب الملف..

تعليق 

1) صراحة جهاد الصمد، بغضّ النظر عن التحليل الفاشل.. يؤكد وجود مطبخ يضخّ معلومات خاطئة لكنها حقودة، لأنو نفس الحديث بالإيماء تارةً وبالصراحة تارةً يتناقله (أ) إعلاميو 8 آذار (ب) المردة (3) مقربون من حزب الله وسورية.. وبهيدا الخصوص ليكن عَ محمل الجدّ كلامنا، إمّا ذلك نفاق سياسي، وإمّا غباء سياسي، وبكلا الحالتين الربح اليوم الآني يُراكم خسارة غداً وإن كان التيار سيتصرّف دائماً وطنياً..👆

2) ومرة وكل المرات رح نعيدها… معزوفة نطرّنا البلد (كذا شهر) حتى يتوزّر جبران باسيل، صارت بايخة من جماعة سورية والمردة، ما في فريق سياسي يقلّو يا جهابذة لحزب معيّن ممنوع تسمّي هيدي الشخصية من فريقك السياسي، (وحتى تِنفهم أكتر شو حلوي نقول لحزب الله مثلاً ممنوع تسّمي الوزير حسين الحاج حسن يكون وزير، أو الوزير محمد فنيش..) مع العلم هذا الكلام “المرِتّ” يناقض ويكذّب كلام السيد نصرالله يللي بوقتا اللي قال بما معناه: الوضع الإقليمي (السعودية – أميركا) هوّي المعرقل، وبوقت الضائع يختلقون عراقيل محلية..!!

3) أمّا بخصوص عرقلة البلد سنتين ونص لوصول العماد عون، وتأييدكم مع عون Plan b، ورفضكم Plan B بخصوص النواب السنة.. منحبّ نذكّركم إنّو نواب 14 آذار إنتخبو الرئيس عون أكتر من نواب 8 آذار.. وهيك منحبّ نذكرّكم ببعض الوقائع بخصوص تدرّج المواقف:
– كل 8 آذار كان عندا مرشّح واحد هوّي “العماد عون” وفقط ولا شخصية أخرى.. وما يُسمّيه العماد عون بحسب فرنجية المُزايد (الوديعة)، وعون عَمْ يقول بوقتا ما بدّي سمّي حدا… لأنو بما معناه، سبق وسميّت سليمان وشِفنا عهدو..🤐
– بعد تأمين الشريك السني لإنتخاب العماد عون، تغيّر موقف 8 آذار، إذا مش عون منفكّر بغير شخصية، وصارو يطالبو بإجماع مسيحي بمن فيهم بري وفرنجية… 🤐
– التيار الوطني الحرّ فكّ ذريعة الإجماع المسيحي مع أنّو تأمين الشريك السني والدرزي كان كافي..
– استمرّ فريق 8 آذار وحتى حزب الله، بالسعي لتأجيل جلسة إنتخاب 31 لإقناع (القومي – البعثي – بقايا 8 آذار – بري) بِ (حلول القدس).. وفي حينه رفض العماد عون تأجيل الجلسة لإعتبارات عديدة…

4) يللي بيِحكي كتير بغلّط.. أد ما يكون جهبذي، وكيف إذا هوّي (حقود وطائفي ومصدّق حالو..!! ولو مافي دعم سوري وحزب الله كأنو أخد حاصل!!).. خِدنا عَ قد عقلاتنا، إذا قررّت سورية وحزب الله مثلاً يدعمو البعريني بعكار أو أي شخصية تانية، لم تكن لتنجح، ولم تكن لتحصل 1000 صوت، وما كان تأمّنلك لايحة أصلاً.. بالنهاية عبارة “نحنا حريصين عّ العهد بس الأحرص الأكثر بدو يكون هوّي يضحّي أكتر” (!!!!) بيِنعمل مجلدات عليها، وتؤكد إنّو هدفو عرقلة العهد.. وعَ التيار الوطني الحر وفريق رئاسة الجمهورية أبداً ما يتنازلو.. لأنّو إصرارُن الأخذ من حصة رئاسة الجمهورية مش بريء مع هالإصرار…!!!

5) بخصوص الإنتظار والكلام موجّه لجماعة إعلاميي حزب الله (يللي وقفو مع العماد عون سنيتن ونص)… التيار الوطني الحر من سنة 2005 وناطِر حزب الله ينضّم لمعركة بناء الدولة.. المشكلة كانت إنّو أولوياته، ما فيني زعّل:
1- السعودية: وبتِتحوّل سنية – شيعية، لمّا كان في توافق أيراني سعودي، وسين – سين؛
2- ما فيني زعّل بري: لأنو منِعمُل شرخ بالبيئة الشيعية؛
3- هلق أولوياتنا المقاومة.. وما فينا الاّ نمدّد لقائد الجيش، وللنواب، ولسوكلين…
وطبعاً ما حدا ناسي عبارة “الجهاد الأكبر” للرئيس بري..

https://www.youtube.com/watch?v=ef5T1UA99rE&feature=youtu.be