روجيه ديب: في شغلة طلعت بالإعلام، ما حدا نتبهلا، وهيي كلمة قالا بري (Audio)

1

2

• هيدا حكي، انو تتكون لبناني لازم تكسر الطوائف.. و80% من الشيعة مع عهد الرئيس عون.
• عون حاجة لحزب الله وللقوات وللحريري.
• بري هوي ورا ترشيح فرنجية مش الحريري، الظهور للحريري وبواطنا عند بري.

مقتطفات من حديث الوزير السابق روجيه ديب في حديث الىقناة الـ”OTV”:
– خلاف المسيحيين حول اتفاق الطائف كان يتعلق بالشق الخارجي
– اليوم نحن بدنا دولة تعمل، والله نحنا رايحين لمخاطر كتير كبيري
– الطائف اتفاق بدأ سعودي عربي وحصل توافق مع سوريا، والطائف لم يطبق لبنانياً ونحن عملياً امام تطبيقه اليوم
– يوجد اوهام سلطة، من 1920 ل 1943 كان الفرنسيين ومن 1943 حتى 1958 كان يوجد حكم لبناني مقبول
– من 1958 وحتى 2005 يوجد وهم سلطة، ومشكلة لبنان بالعمق تحديداً عدم وجود سلطة قوية، ومن فراغ مستمر
– سوريا دخلت لبنان لتضبط منظمة التحرير
– اليوم عنا حظ بناء دولة، ولكن العماد عون وحده لا يمكنه ان يحكم،  والشراكة الفعلية هامة جداً
– الشراكة بلبنان في السلطة رغم تجزئتها حمت لبنان من أن يحصل فيه كما حصل في العراق ودول عربية اخرى
– اليوم اختير الأقوياء وهذه تجربة جديدة، وان اتفقوا للبنان حظ جيد، ولكن إن اختلفوا فهناك مشكلة
– ايام السوريين كان الضابط سوري واليد التنفيذية بيد الترويكا، وما الها علاقة بالدستور، ومن بعد 2005 راح الراس السوري وبقي الجسم، ولهذا السبب اليوم مش هيّن تغيير هالعادة

– ما في ثأر ابداً اليوم في حظ حقيقي لتطبيق الطائف
– كل المشاكل عم تصير والإنتقادات لأنو العماد عون بدو يطبق الدستور
– الإنتقادات لسيدنا البطريرك صارت لأنو الفيتوات مش بالدستور، وهيدا دستور الطائف.
– خلينا ما نعمل خلط بين الصراع السياسي على سلطة وبين التوازنات الكبيرة للشراكة
– في شغلة طلعت بالإعلام، ما حدا نتبهلا، او ما تعلق عليا، كلمة قالا بري بتشوفو الحكومة جدية، بس يمرق الحريري لعندي وتكون ليلة البدر، يعني انو بتطلع الحكومة، أظنّ بتحليل من عندي، هيدا العماد عون بيعتبرو تعدّي على صلاحيات الرئاسة. وكلام بري مش دستوري ومخالف للدستور وهذا برأيي من دون أن ارى العماد عون سيرفض ذلك

– القول أن المسيحيي رجعو وهناك مخاوف، ما بدي احكي عن المسيحيي، بدي احكي عن رأيي، انا بفتخر اني ماروني واني لبناني، وما بلاقي أي تناقض بيناتن، متل اي شيعي أو سني وغيرن. في خصوصيات عندي، وبحترم خصوصيات تبعن. وهيدا جمال لبنان. ولازم نطلع من الثنائية بشخصيتنا المتناقضة، انو اللبناني تَ ينجح لازم نكسّر الطوائف. هيدا حكي، الطوائف عمرا الف سنة.. الطوائف عندا ذاتيتا، لازم ننطلق من تنوعنا وخصوصياتنا لنذهب الى الوحدة اللبنانيي

– ما عنا مانع بدنا وزارة المالية انو تضلا للطائفة الشيعية، ولكن لتقرّ بالدستور أو بنقاش لتطوير الدستور، يا رئيس بري تعا لعند فخامة الرئيس، وقلو نحنا كحركة، بما نمثل عنا هالهواجس الوطنية، وجنبلاط بقولا، ولكن بتشكيل الحكومات، لأنو بس بدنا نقول وزير معين من طايفة، وخاصة المالية، ما هيدي الوزارة أساسية بوظيفة الدولة، بدّو يكون متعاون، بكرا منوقف عقود مالية بكيدية سياسية، ما شفناها 10 سنين. مفروض يكون وزير متعاون مع رئيس الحكومة ومع رئيس الجمهورية

– نحنا عم نعمل حفرية العهد الجديد ، ون شالله يطلع بناء جيد، وآخر احصائيات يللي مؤيدي العماد عون عند الشيعة، 80%، و86% عند المسيحيي، ميشان هيك قال سيدنا البطريرك ما نخلق مشال مش موجودي

– في تباين مهم بقضية بين حزب الله وامل، حزب الله ذهب بعيداً جداً في قطع طريق على عينو ما يعمل رئيس جمهورية، بينما الرئيس بري ذهب بعيداً جداً لمحاولة منع العماد عون يوصل على رئاسة الجمهورية

– كلام المرجعية علي فضل الله ملفت، بس يقول انتبهو يا رجال الدين ما تفوتو بالسياسة نحنا بالعكس لازم نكون عم نطفي الحرايق
– إذا فرط الثبات والإستقرار بلبنان ما بفيد حدا وحزب الله بيعرفا

– حزب الله يثق بالعماد عون بأنه يحمي المقاومة والثقة متبادلة بين الطرفين
– السيد نصر الله قال نحنا اللبنانيين تعو نتلاقى، ونبعد عن الصراعات بالمنطقة ونحنا منتفق بين بعضنا، وننأى بنفسنا عنها
– من حسن حظ لبنان انو عنا رئيس اسمو العماد عون، كل الأطراف من حزب الله بحاجة لهيدي المعادلة، عم يخوض معارك طويلة عريضة وهوي مرتاح بالموضوع الإستراتيجي.. هيدي العلاقة ما بتنهزّ. علاقة جعجع مع عون ما بتنهزّ. علاقة الحريري مع عون ما بتنهزّ.

– العماد عون هوي رجل الثبات لكل هيدي القوى، ونأمل من الرئيس بري أن يدخل الى هذه المعادلة، مع احترام المؤسسات، ما للمجلس للمجلس وما للرئاسة للرئاسة.
– بري هوي ورا ترشيح فرنجية مش الحريري، الظهور للحريري وبواطنا عند بري. وبري ما قدر يجيب حزب الله. صار في دعم دولي لهالمبادرة.

– اليوم ما نفوت بمعارضة من الداخل. ما فيها مصلحة لحدا، وما رح تنقبل
– الاتفاق بين القوات والتيار الوطني الحر، عمرو 3 سنين، وبلشت بإرادة ولامسها. صار في اجتماعات ومساعي ومن ثم اجتماعات مباشرة، تعرقلت لفترة، ولكن النية كانت عند جعجع وعند الوزير باسيل يللي عندوارادة باتجاه هيدا الموضوع