العماد عون: علم لبنان نسجن 15 سنة وبفضل “ليلى الهبر” أُنقذ (Audio-Video)

فكرة توقيع على العلم عام 1989 لتوحيد اللبنانيي بعد ما كان لبنان مقسّم لشقف بين الميليشيات.

الرئيس عون بمناسبة عيد العلم وعودة العلم الى بيت الشعب في بعبدا:

أيها الحضور الكريم الإحتفال اليوم عزيز علينا كتير وعليكم، لأنو هيدا العلم نسجن معنا 15 سنة، وبفضل السيدة ليلى الهبر أنقذْ، وبقي محفوظ واليوم عم نحتفل فيه حتى يرجع على بيتو الحقيقي “قصر الشعب”.

فكرة المظاهرة يللي نعملت وإجو اللبنانيين يوقعو على العلم، ما كانت فكرة مظاهرة فقط، بتعرفو بهيديك الإيام، اللي تنذكر وما تنعاد. كان لبنان مقسم شقف شقف، وكل ميليشيا آخدي شقفة من لبنان وقلها علما الخاص.

بقي هون بيت الشعب هوي الوحيد يللي عم يرفع الأعلام اللبنانيين والوفود يللي بتجي لعندو كللا حاملي أعلام لبنانيي، وكانو الناس يتهمو بعضن كل واحد بدّو يقسّم لبنان.

من هون ولدت فكرة يللي بدّولبنان يتوحّد يجي يحمل العلم ويمضي عليه، ونحطّ كمان على معبر المتحف، حتى يقدرو يرجعو المواطنين بيجو من منطقة بيروت الغربية حتى هنّي يوقعو بدورن.

هيدي هيي المغازي الحقيقية اللي خلتنا نحنا نقوم بهالمظاهرة حتى اللبنانيي يعبرو عن وحدتنن وينضوو تحت علم بلادن، اللي هوي بيرمز للوحدة وبيرمز لأرض لبنان، ولشعب لبنان

عشتم وعاش لبنان

https://www.youtube.com/watch?v=_IH4hpWpe3g