بالفيديو – مواقف الحريري من عقدة السنة وإتهامه لحزب الله بالعرقلة والإستلشاء والإحتكار (Video)

– أنا بَي السنّة بلبنان وبَعرِف مصلحتُن، وما ممكن نِقبل بطغيان أي طائفة عَ السنّة

***

مقتطف من حديث رئيس الحكومة المكلّف تشكيل الحكومة سعد الحريري، رداً على خطاب السيّد نصرالله، والعقدة السنية: (13 ت2-2018)

• اليوم في حقيقة لازم تِنقال من دون لبس كفوف، والحقيقة إنّو تأليف الحكومة إصطدم بحاجز كبير.. البعض بحب يسميّه حاجز سنة 8 آذار.. أنا شايفو أكبر بكثير، مع إحترامي للجميع..
• ما كنت أتصوّر أن تُرمى المشكلة بهالطريقة، بوجّ فخامة الرئيس أولاً، قبل ما تُرمى بوجّ سعد الحريري، وكل اللبنانيين

الإستلشاء أظنّو جايي من محل تاني.. وكان جوابي واضح وقلت للحزب، شوفو غيري لرئاسة الحكومة، ولكن طلبو مع الجميع تذليل العقد..

• رفضي كان نهائي من أوّل الطريق.. والأمر ما بدّو كل الصريخ اللي سمعناه، وانا أقول الأمر، لا يحتاج لا سنة ولا 1000 سنة، وأمين عام حزب الله مش مضطر يِنطر حتى تقوم القيامة..
• لبنان من فخامة  الرئيس ميشال عون، الى دولة الرئيس نبيه بري، الى كل القيادات، والإعلاميين واللبنانيين كانو يتوقعون، إنّو يِنعمل من النواب الستة حصان طروادة لعرقلة تأليف الحكومة.

أنا والرئيس بري كنّا جاهزين لَ نِطلع عَ قصر بعبدا.. وقلت للرئيس بري يوم السبت، (قبل يومين) أنا طالِع عَ بعبدا إمّا لإعلان الحكومة بمن حضر، او لإعلان حكومة بمشاركة الجميع.. (بعد عرضي الأخير للقوات اللبنانية)

الإحتكار

• ما في حدَن يحتكر طائفة ويِحكي عن الإحتكار عند الطوائف التانية
• أنا ما بِقبل حدا يتهّم سعد الحريري بالتحريض الطائفي، المدارس الطائفية معروفة بالبلد..
• أنا بَي السنّة بلبنان، وأنا بَعرِف مصلحة السنة، ونحنا ما منِقبل يكون في طغيان من السنّة على المصلحة الوطنية، ولا ما ممكن نِقبل بطغيان أي طائفة، على السنّة وعلى مصلحة البلد
• مش صحيح إنّي بدّي إحتكر التمثيل السنّي بالحكومة، والدليل في:
  1 – في وزير سنّي يُسمّيه، رئيس الجمهورية
  2- وفي وزير سنّي يُسميه، الرئيس ميقاتي، الوحيد اللي إجا ومعو كتلة

الصلاحيات والوفاء

• الدستور يكلّف الرئيس المكلّف بتأليف الحكومة، بالإتفاق مع رئيس الجمهورية، وما معُن شخص تالت ونقطة عَ السطر
• الوفاء يكون للبلد، وللناس وللبنان..

أنا عمِلت يللي عليِّ والحكومة جاهزة وفخامة الرئيس عون ودولة الرئيس بري بيعرفوا هالشي.. يتفضّل الكل يتحمّل مسؤولياتو حتى يِمشي البلد…

رصد Agoraleaks.com

https://www.youtube.com/watch?v=hLX8uh3klkA&feature=youtu.be