بالفيديو – سينتيا يمين: صار الوقت وأفضل نقول “سيد سامي” مش “شيخ سامي” لأنّو لقب عثماني إقطاعي (Video)

– بعد سؤال “الدويهي” سامي الجميل يعد “سينتيا” بألا يقول شي مش متأكد منّو 👆 وجو خوري “إنت ظلمت الشعب”👈

***

مقتطف من الأسئلة الموجهّة الى رئيس حزب الكتائب اللبنانية النائب سامي الجميل،  عَ قناة الـ”mtv” ضمن برنامج “صار الوقت”: (8 ت2-2018)

(1)

يسأل الدويهي سامي الجميل: طالما كان حزب الكتائب بالسلطة بالسابق، هل بتقدر تقول أسماء 3 وزراء سراقين، وتسمّيهُن؟؟

يجيب الجميل: لو عندي وثائق ومستندات لقلت ذلك.. أنا ما معي ملفات ومستندات.. أمر وحيد تحدثت به، وذهبت به الى القضاء، هي قضية “سوكلين”….

(2)

تسأل سينتيا يمين من تيار وطني حرّ النائب سامي الجميل:

– أولاً – أفضل مناداتك بإستاذ سامي أفضل من شيخ، هيدا الشي إحترام أكتر لإلك، لأنو خلصنا من زمن الإقطاع.. 😊

– ثانياً – إذا ما معك ملفات ومستندات الاّ سوكلين، ليه قبل الإنتخابات، بملف الكهربا كنت عَم تنظّر علينا، وما معك لا وراق ولا إثباتات، إذا كان كلّو تضليل وشعبوية.. 👌

سامي الجميل يجيب “سينتيا يمين”:

نحنا منعزّ شباب التيار، كنا بنفس الخندق، وأنا أحترم العماد عون لو إختلفنا بالسياسة.. بوعدِك ولا نهار رَحْ قول شي إذا مش أكيد منّو..

ما قلته بملف البواخر، هوّي إنّو ملف خاطئ لأنو بحسب “google” شوفي تكلفة الميغاواط وبناء معمل.. في هدر، وبين 800 مليون $ ومليار و800 مليون $ في فرق.. 😫

(3)

جو خوري من التيار الوطني الحرّ :

حضرتك سيّد سامي الجميل، ظلمت الشعب اللبناني، لأنّو من سنة 1990 لليوم، ونحنا تحت رحمة مافيا الموتورات، وبالتالي نحنا عَم ندفع عَ كل كيلواط واحد 820 ليرة لبنانية عَ المقطوع، وهلق لمّا حددتها وزارة الإقتصاد بِ 410 ليرة، بعدو الشعب اللبناني مظلوم، لأنو في يحصل عَ باخرة تعطيه كهربا بِ 165 ليرة.. وبين موتور يكلفني 800 ليرة.. فليه بدّي نقّي الموتور مش الباخرة، (((حتى نكون بنينا المعامل))) .. مع إنّو الموتور مزروع بين بيوتنا، وعَم يعمل سرطان.. 😏

سامي الجميل يهرب من الجواب قائلاً: فينا ما نقّي: بين مافيا ومافيا.. 😞

وكان سامي الجميل قال، أنّه بعد الإنتخابات، فكّر كثيراً، إنّو بَركي أنا غِلّطت.. عمِلت كتير مراجعة..  🤪

رصد Agoraleaks.com

https://www.youtube.com/watch?v=sP2_6M5MNnU&feature=youtu.be