بالفيديو – الأخ عمانوئيل يدعو الحزبيين بلبنان رفع الصوت بقوة لمواجهة المثلية الجنسية بلبنان🙏 (Video)

– أي حزب لا يرفض الزواج المثلي، على أنّه موضة بلبنان، عليكم ترك أحزابكم، ومن له أذنان سامعتان ليسمع 🙏✝️🙏
– فشل المحامين والواسيط تخليص شاب من السجن ونجاح السجود القرباني.. 💒
– تشجيع من تطبيق “واتس آب” وفايسبوك” من خلال “Emoji” لإنشاء عائلات وتربية أطفال من أبوين شاذين، والزواج المثلي.. (شاهد التطبيقات عندك – الصورة)

***

مقتطف من عظة الشماس عمانوئيل في دير القديسة فيرونيكا جولياني في “القصيبة”، موضوع الرياضة الروحية “المعركة تحتَدِم والعذراء بحاجة الى قداستنا”: (13 تشرين الأول 2018)

في كتاب صادر باللغة الإيطالية، وعنوانو “قوة الصمت ضدّ ديكتاتورية الصخب“، وتُرجم الى اللغتين الإنكليزية والفرنسية، ويمكن تنزيله باللغة الفرنسية مجاناً.. إشارة الى الضجيج اللي عايشينو اليوم واللي أصبح ديكتاتورية، كأنّو غَصبِن عنّا مجبورين نتسمّع عليه بالقوة..

كتاب قوة الصمت، جعل البابا بندكتوس 16، يللي صرلو 6 سنين صامت، يكسر صمتو، وكتب مقدمة الكتاب، يللي مَدَح فيَا محتوى الكتاب، وكاتب الكتاب، “الكاردينال روبير سارا” (Roberet Sarah)، يللي كتار عَم يجربّو يزيحو من الفاتيكان، لأنّو بدُّن حدا عَ الموضة الجديدي.

أنهى كلمتو البابا بندكتوس 16، بقول: ما دام الكاردينال “روبير سارا” مسؤول عن مجمع الليتورجيا في الكنيسة الكاتوليكية، فانّ القداس بأمان.

أنا وعم أتفحّص الكتاب، بداية صِرِت قول: شو بدّو يكتب إنسان عن الصمت.. 280 صفحة. من بعد قرأت عشرة و20 و30 صفحة، صرت قول طيّب شو بعد فيه..!!! وكل نِتفِة يفتح الروح القدس مع هالكاردينال أبعاد صعبة كتير نوصلها بقوتنا الذاتية، ولكنها تُدخلنا بعمق حياتنا الروحية..

أهمية الصمت

أبرز عدو للصمت كثرة الضجة، والحَكي، وقلّة الصمت؛

https://www.youtube.com/watch?v=G4FRYwj-hKk

يمكن الإستماع الى عظة الشماس عمانوئيل كاملة بالعودة الى صفحة (St Veronica Giuliani – Lebanon)

ما فينا نِعمل علاقة قوية مع ربنا الاّ بالصمت. وبيحكي الكتاب عن خطر شخص أوّل ما بيتعرّف عَ ربنا ويتوب، بصير يبلّش يبشّر ويِحكي ويِطلع وينزل متل “الكاريكاتور”.. وهوّي بعد ما طبّق شي ولا إنتصر على خطاياه، وصار بدّ, يعلّم الكلّ..

أكبر قديسين الكنيسة، صامتون، وهنّي اليوم أكبر شهود ورسل للكنيسة الكاتوليكية. أمثال:

• تريزيا الطفل يسوع
• القديسة ريتا
• مار يوسف
• فيرونيكا جولياني
• كلارا

هون بلبنان، متل القديسين:

• مار شربل
• القديسة رفقا
• القديسة مارينا

مين خلّص لبنان غير قديسينا.. هنّي قدسّوا حالُن، وبعد موتُن الله حِكي وكتَّر فِيُن..

يقول كتاب “قوة الصمت ضدّ ديكتاتورية الصخب”: أكتر البشر صار عنُدن نوع من مرض ضدّ الصمت، بس يكون ما عندُن شي، بِضِيعوا.. يا بِصيرو بدُّن يفتحو التلفزيون، يا بِصيرو يدَقدقو عَ التلفون، يا بدُّن يِحكو.. 

مش قادرين يصمتوا، حتى ما يكتشفو ضعفُن.. لذلك بيِهربو.. لأنّو بالصمت سيحصل تبدّل بالحياة.

هالكاردينال “روبير سارا” يقول: عندما الأشرار والبرابرة، سيستشرسون ويستخدمون وسائل خفية خبيثة لتدمير الأخلاق، والعائلة، وسرّ المسيح في الكنيسة، من الضروري أن نرفع الصوت بقوة.. هنالك نوع من هزّة أرضية ستدمّر الأسس التعليمية في الكنيسة الكاتوليكية، وتعليمها الأخلاقي الممتدّ منذ مئات السنين.. 

زواج المثليين

ما تفكرو هودي برّا، وبعيد عنّا.. سمعتو من كم يوم اللي مرَق عَ التلفونات، إبن أحد الوزراء السابقين بلبنان والمشهورين، تجوّز على إبن احد نائب سابق، وقاعدين يِعملولها طنّة ورنّة، ويهَنّو بعضُن.. هيدا شغل مين!! شغل الروح القدس، أو روح الشرّ..!!

أكيد هالأمور ما بيِنسكَت عنّا، لأنّو السكوت مشاركة بالخطيئة.

إنّ الإيمان يتألم من عدم أمانة ومن خيانة، من يهجرون التعليم الصحيح من الداخل.. بالنهاية بدنا نشفق حتى على الخاطي، ونِشفق عَ يللي عَم يخون الكنيسة.. وإذا ما عندو شفقة ورحمة اي شخص، ما بحقلّو يِحكي.. يللي إذا بلّش يِحكي شوي، وبدّو يوصل لَ مشكل، هيدا ما بِمثّل يسوع..

يُنهي كلامو الكاردينال “روبير سارا”: لكنّ هذه الخضّة العالمية الشاملة، هي فرصة مميزّة لتُتيح لنا أن نشهد لله، ولتعليم الكنيسة الحقيقي، بوضوح، بقوة وثبات.. 

الأحزاب اللبنانية

ما تِنتظرو من أحد المسؤولين، وقصدي من المسؤولين السياسيين رَح يوقف تجاه هيدا التعليم الخاطئ يللي يعمّ العالم كلّو..

اليوم الغربال وصل الى قمتو.. ما بقا فِيُن بين ما بَين.. وهالشي لازم يفهمو المؤمنين. سفر الرؤيا اللي تحدث عنّو البابا يوحنا بولس الثاني، إنّو بلشّنا نعيشو، ما في نُص – نُص، يا إمّا مع وصايا الله، أو يللي ضدّ وصايا الله.

كان بالزمانات، الشيوعية علناً ضدّ تعاليم الله، اليوم كل حزب أمام موقف، لأنو الدول عَم تشرّع شرائع ضدّ الله، متل:

• إجهاض
• جواز رجال مع رجال،
  ومرا مع مرا، ليؤسسوا عائلات..

كل مين لا يُعلن علناً إنّو هوّي ضدّ هيدي الأمور، ويحاول رفض تشريعها بوَطنو، لأنو الأوطان يللي بدها تتشرّع فيها ستفقد بركة وحماية الله.. يعني أنا إذا بحزب ما رح يقوم يقول : لاق للإجهاض، ولاق للزواج المثلي، لاق لهودي الإثنين يللي تجوزو ، وعَم يجربو يدخلو هالموضة للبنان، أنا أترك الحزب.. ومن له أذنان سامعتان فليسمع..

النائبة بولا يعقوبيان تشجّع المثلية الجنسية وتعتبرها حالة طبيعية..!!

هجوم على القربان

هالهجمة مش بس عَ التعاليم، هناك هجمة على القربان، يقول الكاردينال “روبير سارا”: إن ركعة أمام بيت القربان، بخشوف له مفعول تعظ (تبشّر منّا لحالها).. وفي الأفخارستيا فإنّ السجود ووجهي الى الأرض، يُفيد أكثر من كل الخطابات…

وين في صمت اليوم.. رقيف ورقص بالكنائس، وهيصات.. قال هيدا الفرح..!! لكل شيء وقته يقول الكتاب المقدس، الليتورجيا مش وقت الفرح والسلامات، روح تشاطر بالمحبة والمسامحة ببيتك،ومع اعداءك.. بالكنيسة أمام القربان وقت السجود والتقوى.. والتقاليد الشعبية كلها بتوقف وترتفع عَ مستوى الألوهة..

قوة السجود أمام القربان

بآخر ليلة سجود عمِلناها الشهر الماضي، جاءت مرأة، وقالتِلي: يا أخ، وكان صرلها فترة عَم تغيب عن السجود.. قالِتلي: إبني بالسجن، لا الوسايط ولا المحاميّي عَم يِقدرو يِعملو شي..!!

قلتلها: إيه، بس سجودك الليلة للصبح، رح يِعمل شي.. وما بقا تغيبي عن السجود.. وكم يوم بدّك تتلفنيلي، لَ تقوليلي، طلع إبنك من الحبس…

سجدنا ليلة السبت أحد، والإثنين الضهر كان إبنها بالبيت..

هيدا اللي لازم يِنعمل.. وهيدا اللي لازم نشهد له، وهيدا اللي لازم نؤمن به، وهيدا اللي بدها ياه العذراء مريم…

يمكن الإستماع الى عظة الشماس عمانوئيل كاملة بالعودة الى صفحة (St Veronica Giuliani – Lebanon)

رصد Agoraleaks.com

https://www.youtube.com/watch?v=G4FRYwj-hKk&feature=youtu.be