Agoraleaks Agoraleaks
– الله ما بهمّو العدد لا بالشرق.. ولبنان منّو ملك كم لاعب موجود بالسلطة، لبنان ملك الله… وممنوع الكاهن ينق، ويِندُب..
***
مقتطف من حديث الراهب المريمي الأب مروان خوري ضمن برنامج “ما أطيب الرب” عَ قناة “نورسات”: (11 تشرين الأول 2018)
- الأم تريزيا عاشت بمجتمع منو مسيحي، وما وعَظِت عن الله، عاشِت المحبة.. خلّت الناس يِنغرمو بيسوع من ورا قوة حبها..
- يعني اليوم إذا الناس تجهل الله، وما بتعَرفو لأنّو المسيحيي بطلّو يحبو.. نطلّع عَ واقعنا بلبنان، مين عَم يتقتّل مع التاني، في غير المسيحي.. وزرا المسيحيي بضلّ يقتلو ببعضُن..
- شو مفكرين وجودنا بسياسيين بالحكم، وجودنا الله بِحافظ عليه. والله بِحافظ علينا بس نعيش وصيتو، وشريعة المحبة.
- شو الله بدّو زلم أو عدد، آخر همّو العدد.. مش هيدي ضمانة المسيحيي. ضمانتنا نعيش رسالة الإنجيل، وسالة يسوع النا “أحبوا بعضكم كما أنا أحببتكم، فيعلم العالم أنكم تلاميذي“. ومن هيك الله ما بيتفّق كتير مع اللاهوتي، والوعاظ، بيتفق مع للي بِعيشو بالمحبة
- اللي عِملو 12 رسول، بيعجزو اكبر لاهوتيين، ونحنا ككهنة بمئات الآلاف نعجز ما فعله 12 رسول بإجريهُن، بلا تلفون وبلا سيارات
- فعل حب واحد يِنعمَل.. أقلب الكون، أد كل محاضرات اللاهوت..
دايماً بكلامي لازم إحمل رجاء.. ممنوع الكاهن ينق، ويِندُب.. لأنو حامِل يسوع اللي هوي:
– الرجاء
– القوة
– الشفاء
– الإنتصار
بقلّة الرجاء نوقّع العالم بالحيرة.. بس يِجي لعندي شخص مسكرّة، لبنان ما بيتغيّر.. مين قلّك ما بيتغيّر..؟؟
لبنان منّو ملك كم لاعب موجود بالسلطة، لبنان ملك الله، ولبنان تحت حماية العدرا، واثبت الرب إنّو هيدا البلد ما في حدا يطفيه رغم المؤامرات..
https://www.youtube.com/watch?v=aj0QzHPsQjg&feature=youtu.be
رصد Agoraleaks.com
