بالصوت والصورة فشل ديما صادق مع سكارليت حداد بكافة المحاور (حزب الله – سورية – جنبلاط – اسرائيل Video)

– أمام الحقائق… تنهار “الفزلكات” و كل التحضيرات.. 

***

مقتطف من حديث الإعلامية سكارليت حداد ضمن برنامج “نهاركم سعيد” على قناة الـ”LBC” مع الإعلامية ديما صادق: (22 أيلول 2018)

عن التحولات ورهان البعض

المعطيات اللي عندي، ما رَح يسقط النظام السوري، ولا حزب الله رح يتغيّر نفوذه بلبنان.

عَ كل حال إذا في خطة لإضعاف حزب الله، هيدي خطة طويلة الأمد، حاج يكون هالرهان، وهوي قلُّن السيد نصرالله، ماتراهنو عَ تطورات خارجية..

ديما صادق: هل فعلاً في تدهور أمني لبنانياً إسرائيلياً..؟؟

سكارليت حداد: لا اعتقد، قدرات حزب الله كافية لَ تِرعب اسرائيل، الاّ في حال ضرب جنون من إسرائيل ما بتِعمل حرب عَ لبنان.. واليوم القادة الإسرائيلية، يقولون: إذا حزب الله تحَركش فينا..!!

ديما صادق: يللي يتابع تصريحات كبار القادة العسكريين لإسرائيل، هيدي المرّة في إستعداد حقيقي، لمهاجمة حزب الله؟ 

سكارليت حداد: إسرائيل ولا مرّة وقفّت.. مرّة عملو مجسّم عن قرى جنوبية، وقبل، استقدموا شركات تنقيب لمعرفة إذ ما كان يوجد خنادق تحت الأرض تحت قرى الجليل (شمال أسرائيل)..

هنّي أصلاً ما بِوقفو.. ولكن إسرائيل بدأت باستخراج البترول وعَم تعمل مشاريع سياحية، إذاً ما الها مصلحة أبداً بنزول صاروخ واحد عليها.. هيدا التهويل هوّي تعويض عن الحرب..

ديما صادق: هل بطمّنك كمواطنة لبنانية هيك خطاب، إنّو نحنا عَم نهدّد اسرائيل.. وممكن يكون في حرب بالأفق..!!

https://www.youtube.com/watch?v=e22gC-phKOk&feature=youtu.be

سكارليت حداد: إيه أنا بطمنّي لأنّو كان في قبل هالخطاب العالي النبرة، عن مناورات اسرائيلية كتيري، وإنو هالمرة رح يكون هجوم اسرائيل عنيف، فعندما أسمع خطاب نصرالله أطمئن.. وأقول، مش معقول اسرائيل تِعمل حرب. والبرهان ومن وقت حديث السيّد نصرالله (من يومين) كل وسائل الإعلام الإسرائيلية عَم تعلّق عَ مضمون الخطاب، وعَم تسأل: هل نحنا قادرين.. يعني نصرالله نِجِح بتخويف الإسرائيلية..

ديما صادق: ماذا لو في هيك صواريخ، صارِت عنّا، وما منَعرِف إذا بلبنان أو بسورية..؟؟ إسرائيل تقول أنّ ذلك خط أحمر..!!

سكارليت حداد: ومش ضروري نحنا نعرِف.. المهم هنّي يعرفو.. القصة مش قصة كلمات، القصة بموازين قوى، وموازين القوى اليوم لم تعد متل كم سنة، بالنسبة للوضع الإسرائيلي، اليوم “ليبرمان” بأول حرب سورية كان يقول: أسوأ شي النا يبقى بشار الأسد بالحكم، هلق صاروا عَم يقولو أحسن شي النا يِجي الجيش السوري، يستلم الخط مقابيلنا بالجولان.

ديما صادق: كأنو عَم يقول هوّي حارس حدود؟؟ 

سكارليت حداد: وقت عَم يقول هيك، يعني يقرّ بالعودة الى ستاتيكو سنة 1974.. ولكن لاق هوّي كان بدّو يطيّر النظام، وهوّي رجع قبل بالواقع..

ديما صادق: في عدة تصاريح اسرائيلية، عن تفضيله النظام السوري

سكارليت حداد: لاق ابداً..

ديما صادق: of course كان في هيك

سكارليت حداد: لاق، لو قلتيلي كنت جبتلّك التصاريح، وخلّي المشاهدين هنّي يِحكمو.. ومش معقول حديثك، لأنو كانت اسرائيل فايتة بمشروع تطيير النظام.. وكانت المعارضة السورية تِطلع عَ التلفزيون الإسرائيلي، وكانو يقولو..

ديما صادق: هودي أقلية.. 

سكارليت حداد: اقلية او مش أقلية..

ديما صادق: ولفظتها المعارضة السورية

سكارليت حداد: بعدان، بعد ما إنقلبت الموازين القوى، بالأول كان الُن دور، والكل كان يستضيفُن.. معليه ما بدها كتير جدل..

ديما صادق: عندما تقول اسرائيل أحسن شي النا الجيش السوري، هل تتوقعين أن تقولي أحسن شي النا يكون عَ حدودنا حزب الله!

سكارليت حداد: هيدا دليل خسارة إسرائيل، وإذا إسرائيل قالت أحسن شي النا يكون حزب الله عَ حدودنا، هيدا خسارة الها.. ما هيّي عِملِت حرب حتى تطيِّر وتِسحق حزب الله..

ديما صادق: ما لأنو في خطر عليها من حزب الله، شالِتو بقرار 1701، من جنوب الليطاني..!!

سكارليت حداد: إنتي عَم تِقرأئي الأمور بالظاهر.. بالواقع في حدا ما بيعرف إنو حزب الله الو وجود بمنطقة عمل “اليونيفل”..

ديما صادق : وهيدا مش لمصلحة أسرائيل

سكارليت حداد: ومش قادرة تِعمل شي.. لو قادرة عِملِت.. وبسورية كان في مشروع لمجيء حزب الله والإيرانيين بحسب أقوال إسرائيل، لخلق جبهة في منطقة الجولان.. اليوم صار شرطها يفلّو حزب الله والإيرانيين ويبقى الجيش السوري.. لأنّو أقلّ ضرراً من هوديك..

ديما صادق: تصريحا نتنياهو والسيد نصرالله، بعدم توقّع كل طرف ما يخبئه الآخر.. الفكرة إنّو هون تنَيناتُن صادقين بِ يللي عَم يقولو.. الا تعتقدين بذلك..؟؟

سكارليت حداد: بِعتقد إنّو السيد نصرالله أكيد صادق. نتنياهو لاق مش بالضرورة يكون صادق.. أيمتى كان صادق..؟؟؟ وين تمّ تطوير قدراته؟؟ بعدُن بيِعملو مناورات وهنّي يقرّون إنّو الجبهة الداخلية ضعيفة..

ديما صادق: بخصوص الحكومة، يعني حزب الله ما زال ينتظر الخارج..!!

سكارليت حداد: أصلاً مش هوّي العقدة.. حتى تقولي ينتظر.. هوّي بدّو حكومة ونصح الأفرقاء بتشكيل الحكومة.. ما زبط، لأنو في معطيات معينة.. هلق إذا بدُن ينطرو منِنطُر..

ديما صادق: جنبلاط يقول انو بدّو تمثيلو النيابي بالكامل

سكارليت حداد: جنبلاط هوّي الممثل الأول، ولكن في جزء تاني، من الدروز وأهالي الجبل من الناخبين، موجود، اخدو حوالي تقريباً 30% إذا مش أكتر… وصدقيني اعتقد إنو هيدي منها عقدة مستعصية، بالآخر بيقبل، متل ما كان قابل لمّا نوابو كانو أكثر..

ديما صادق: هني بِقولو مش رح يقبلو. وإنو لا تراجع.. 

سكارليت حداد: معليه أنا عَم قول غير هيك.. وما بعتقد كما تقولين، لأنّو تصريحاتو لجنبلاط بيِحكي إيه و لاق.. بضل تارك باب مفتوح..

بالنهاية إذا بدّك تَعطي وليد جنبلاط والقوات اللبنانية، شو بدُّن، يعني عملنا حكومة تعطيل من أول يوم.. إنّو نحنا حَيالله عمِلنا حكومة.. أو بدنا نمشّي البلد…

https://www.youtube.com/watch?v=e22gC-phKOk&feature=youtu.be

رصد Agoraleaks.com