جوزيف أبو فاضل: قاطيشا عامِل حالو مسيحي وبصلّب إيدو عَ وجّو بِطالِب باستقالة رئيس الجمهورية (Video)

– بدّن يحكو بالطائف، هيّا نلغي قانون تجنيس 240 ألف عائلة من أخواننا المسلمين
– القوات ستأخذ 3 حقائب مع وزير دولة..
– مروان حمادة ينتقم من المسيحيين.. 

***

مقتطف من حديث الكاتب السياسي والإعلامي جوزيف أبو فاضل لقناة الـ”OTV”: (أيلول 2018)

– المقاومة الحقيقية ليست في معراب، وفخامة الرئيس إذا في فاصلة بدّو يطبق صلاحياتو..

– بدّن يِحكو بالطائف، بدّن يِلغو قانون تجنيس 240 الف عائلة من أخواننا الطائفة الإسلامية..

– بيِحكو عني طائفي، أنا بس بدّن يجو يطوقوني ويهجروني، ويجيبو الصومالي والباكستاني يقاتلني.. بدّن ياني إتفرّج عليه.. ما بدي دافع عن حالي!!

– هلق المطار بدّو مليار $ حتى توسعو..!! وبدنا نِردُم الحوض الرابع حتى نسكّر عَ الأشرفية؟؟

مروان حمادة

– ما بقا في آحادية بالجبل، جنبلاط ولا ممكن ياخود 3 وزرا دروز، والقوات ستأخذ 3 حقائب مع وزير دولة.. والإ الرئيس لن يمضي..

– تصرف مروان حمادة مع هيلدا خوري لأنا مسيحية ونضيفة.. وبعدان مين حّط بدالها.. حط مسيحية!! هلق هوي طلب يشوفها.. ولكن ما في الشخص يطلع يستفرغ عَ التلفزيون “ديتول” و”لانيت” ويِرجع يحكيك بالمنيح.. هالقصص ما بيِمرقو علينا.. عيب تنتقم من موظفة، تصرف مروان حمادة مش شِغل إبن بيوت..

– الهجوم على المسيحيين لم يتوقف في لبنان، لا باتفاق الطائف ولا بغيرو..

– مَن وَين بدّو يبلّش الله يكون بعونو لميشال عون.. كلشي طائفي بلبنان، بس إطلع أنا إحكي بقولو عني أنا طائفي..!

قاطيشا

س: بالامس طالب النائب وهبه قاطيشا، باستقالة رئيس الجمهورية، ربطاً باتفاق معراب.. يردّ أبو فاضل:

– العميد وهبه قاطيشا من زمان، من وقت إنشقّ عن الجيش، بيكره الرئيس عون، متل واحد عم يغني بالطاحون.. فخامة الرئيس مُنتخب عَ 6 سنين..

– بتعرف بدّو قاطيشا يحرر سورية من بيت الأسد، وبدّو يحرّر إيران، وهلق بدو يحرّر فخامة القصر الجمهوري من فخامة الرئيس عون.. بس الحَكي ببلاش..

– نايب مُلتزم بكتلة بقلّك، خلّي يستقيل رئيس الجمهورية..!! وعامِل حالو مسيحي، وبصلّب إيدو عَ وجّو!! في مسيحي في مُخ وعقل بطالِب باستقالة رئيس الجمهورية، أو بقلّك رئيس الجمهورية ما عندو صلاحية!!

– نحنا عَم نتعامل مع ناس معَترين.. مش عارفين كوعُن من بوعن.. وجعجع حارس السيف حدّ رئيس الحكومة، بدّو يِحميلو صلاحياتو.. ما بعِلمي هنّي من حراس بكركي..!!

– ما رح يِقدرو على ميشال عون، لأنو عَم يشتغل بالحق، ورح يضل عَ موقفو.. ولو استلم دولة مسلوبة مهرية، عَم يجرّب يجلّسها..

https://www.youtube.com/watch?v=zH0G-k2Nowo

رصد Agoraleaks.com