جوزيف أبو فاضل: يللي ما بيَعرِف “عون” ما بيَعرِف شي.. أد ما بدكُن حكو بالإعلام رح ينتصر (Video)

–  270 ألف وظيفة اخدوها السوريين من دَرب اللبنانيين

***

مقتطف من حديث الكاتب السياسي جوزيف أبو فاضل لقناة الـ”MTV” ضمن برنامج “بموضوعية”: (12 تموز 2018)

• أنا أدافِع عن قناعاتي، وأنا مع تحالف الأقليات..
  وأنا زلمي مسيحي وماروني ولبناني، وبَعدان عربي..
  وأوّل شي بدّي حافظ عَ حالي
• كيف رئيس حكومة يقول: ما حَدَن يجرِّب يِجي صوب صلاحياتي، لأنو كل الصلاحيات صارتْ عندو..
• عند رئيس الجمهورية ما في صلاحيات، عندو كم صلاحية، وحضَرَ فترأس.. عندو توقيعين أو ثلاث..
  – مرسوم التأليف
  – مرسوم التكليف
  – مرسوم إستقالة
  – يستقبل أوراق الإعتماد
  – العفو خاص
  حتى قانون التجنيس، ما بيِمشي بلا رئيس الحكومة ووزير الداخلية..

اليوم العهد عَم ياخود مكانو، وعِمِل:

– تشكيلات قضائية
– تشكيلات دبلوماسية
– تشكيلات قناصل
– تعيين قائد جيش
– تعيين مدير عام أمن دولة
– تعيين اللواء عباس ابراهيم مجدداً
– تعيين العماذ عثمان

البلد عَم يِمشي وينطلق، بس اليوم بوجود 270 ألف وظيفة اخدوها أخواننا السوريين من دَرب اللبنانيين أكيد مش رَح يقلّع إقتصادياً..

وقت بتِمرُق بالبَسطة، او بطريق الجديدة، وبِتلاقي محل معلّق تياب، وأي قطعة بِ 5 آلاف ل. ل. ، بتِدخُل المحل بيِطلع من أخواننا السوريين.. ليه..؟؟

لأنو كل شهر عَم يِقبض 240 $ من الأمم المتحدة، باعتبارو نازح سوري…

عقدة وليد جنبلاط 

الدروز ولاد عمنا، نحنا بالجبل عايشين نحنا وياهُن… بس فينا نسأل لماذا يحق وليد جنبلاط ترشيح النائب هنري الحلو لرئاسة الجمهورية، ونحنا ما النا حق نتفّق مع المير طلال أرسلان..

إذا كانو 3 دروز لوليد جنبلاط، ما رح يكون في حكومة.. ولن يوقّع ، وهو القائل: حكومتي تبدأ ، حكومة الشغل تبدأ بعد الإنتخابات..

حكومة 3 عشرات، ما بتِمشي.. وكمان يقول منِنطُر 11 شهر حتى نألّف حكومة ما رَح يِقبلها.. هالشي مرفوض.. واليوم لو ما الوزير جبران باسيل، شو بيشتغلو..؟؟

يللي ما بيَعرِف مينو ميشال عون.. ما بيَعرِف شي.. أد ما بدكُن حكو بالإعلام، ويشنجو.. في ببعبدا جبل إسمو ميشال عون، كان حريص عَ مصلحة لبنان واللبنانيين والمسيحيين، ولا يزال حريص وأكتر لأنّو رئيس جمهورية..

عقدة القوات

• الإتفاق مُلزم للطرفين، وعندما تخلّ القوات بالإتفاق الداعم لرئاسة الجمهورية من حق إيقاف وتعليق كلّ بنوده.. يعني القوات ضدّ العهد..
• القوات كانو شِغلن فقط معارضة وزراء التيار بكل جلسة.. يعني القوات ضدّ العهد..
• تلفزيون لبنان ووكالة لبنان بكل دول العالم وخاصة بلبنان رئيس مجلس الإدارة يكون تابع لرئاسة الجمهورية، القوات رافضة، يعني القوات ضدّ العهد..
• لا يجوز ان يدعّي شخص أنه مع رئيس الجمهورية ، وكل الوقت التهشيم فيه.. هيدا العهد ما رح تِقدرو عليه، بوعِدكم مش رَج تقدرو عليه.. ونحن ننتصر..

فخامة الرئيس لم يُخطئ بشي.. عَم يِعمل المستحيل لإنقاذ البلد، وفغي فرق بين رئيس إسمو ميشال سليمان، ورئيس إسمو ميشال عون..

هذا وإعتبر جوزيف أبو فاضل، أن العراقيل التي تظهر تارةً مسيحية، وتارة أخرى سنية أو درزية.. هي في حقيقتها، عرقلة خارجية مسؤولة عنها السعودية..

https://www.youtube.com/watch?v=a8W8HsFM9mk&feature=youtu.be

رصد Agoraleaks.com