بيار رفول: القوات ضدّ الرئيس وفساد بوزارة الصحة بـ80 مليار، وتاريخنا بشرّفنا وتاريخُن معروف

– لا وزارة سيادية للقوات وعَم إحكي، بالنيابة عن حالي، وأنا من مدرسة العماد عون، عَم دافع عن مدرستي ورئيسي، وما بسِاوم 

***

مقتطف من حديث الوزير بيار رفول لقناة الـ”OTV”ضمن برنامج “بالمباشر” مع الإعلامي رواد ضاهر: (1 تموز 2018)

صار في إتفاق نوايا ، ومن بعدها صار في خطة تطبيقية للتفاهم معراب. وكانت وفق التالي:

1) دعم العهد

2) الشراكة بالحكومة

3) المناصفة بالدولة

4) دعم رئيس الجمهورية من أجل التوازن في البلد

صارت الحكومة.. كم شهر، وبدأ تعيين جعجع مرشحين القوات بالبترون، في بشري، في زحلة.. سألوا رئيس الحزب جبران باسيل: نحنا مِتفقين بالتنسيق فيما بيننا، كان جوابه:

أنا بدّي إعملها لَوَحدي.. وصار في خَلَل..

طيّب، قصة رئيس الحكومة وإحتجازه بالسعودية.. ؟؟ هيدي دعم للعهد.. !!!

كيف بدّو يكون في مناصفة بالوزراء بين التيار والقوات، أسأل الرأي العام..

ليه وِقفو ضدنا بالكهربا ما فهِمنا ليه..؟؟ يللي بدّو يِحكي عن الهدر والفساد، ما بيِحكي عن التيار الوطني الحرّ، رأسمالنا نضافِتنا ، وصيتنا وكرامتنا، ووطنيتنا.. وما منِسامح حدن عليها… نحنا ناس أوادم.. 

لمّا قالو بدُّن الشؤون الإجتماعية، اتفقنا على عودة النازحين السوريين، اكتر ناس عَم يعارضو عوتهم هنّي..

شو عمِل الحاصباني بوزارة الصحة؟؟؟ بالأمس حسن عليق عَم يقول، انو في كسر بوزارة الصحة 80 مليار ليرة..

في مناقصتين لموضوع واحد من أحد الوزراء والخط نفسو كاتبتو إيد واحدة..!! قالها رئيس ديوان المحاسبة امام كل الوزراء… ويضيف رئيس ديوان المحاسبة أمام كافة الوزراء: أفضل مين بَعَت ملفات وافية وكافية بالمئات هوّي الوزير سيزار أبي خليل..

التيار الوطني الحرّ… بِشوف حالو بالإنجازات اللي عمِلناها:

• نحنا إكتشفنا النفط، ولزّمنا النفط ، يللي من سنة 1920 مُكتشف وحُرِم اللبنانيين من استثماره
• نحنا عمِلنا قانون النسبي ، يللي الجميع كان ضدّو.. واليوم أعطاهُن هيدي الأحجام
• نحنا عمِلنا موازنة..

يُسأل عن حجم القوات، يقول .. 15 نائب بياخدو حسب حجمُن 4 وزراء.. وزارة سيادية لاق. الدفاع من حصة رئيس الجمهورية، والخارجية لأكبر تكتّل مسيحي.. ما حدَن يتخبأ ورا إصبعو.. كنّا اكبر تكتّل مسيحي، ما كانو يَعطونا وزارات سيادية..

يقلّي شو كان عَم يعطيه تيار المستقبل وزارات، لمّا كان معو.. (وزارة السياحة)

ويكشف رفول كشفه فساد بإحدى الوزارات.. المناقصة كانت بِ 30 مليون $ ومع التأخير بالتنفيذ، أعدنا المناقصة جاءت قيمتها الى 14 مليون $..

علي حسن خليل، يقول قدامنا: انا ما بقا فيني حَمِّل ضميري، عم سدِّد قروض الدولة مدَينتِها من الخارج، ومش موجودي على القيود…!!!

أنا عَم إحكي ، ما حَدَن طالِب منّي إحكي، بالنيابة عن حالي، وموقفي يتماهى مع: 

• كل مناضل ومناضلة بالتيار
• مع كتلة لبنان القوي
• وأنا من مدرسة العماد عون، عَم دافع عن مدرستي ورئيسي، وما بسِاوم بهيدا الموضوع..

كل واحد عندو رأيو ، الناس تِسمعْ وتنَقّي.. لازم الإنسان يِحكي ضميرو دايماً، وما يِتجنّى على حدا..

https://www.youtube.com/watch?v=RIA__7voSjY&feature=youtu.be